Թիվ ԵԴ/1305/01/20





Ո Ր Ո Շ ՈՒ Մ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ
Երևան քաղաքի առաջին ատյանի ընդհանուր իրավասության դատարանը

ՆԱԽԱԳԱՀՈՒԹՅԱՄԲ ԴԱՏԱՎՈՐ` Վ. ՄԻՍԱԿՅԱՆԻ
ՔԱՐՏՈԻՂԱՐՈՒԹՅԱՄԲ` Վ. ՎԱՐԺԱՊԵՏՅԱՆԻ
Մասնակցությամբ`
ՄԵՂԱԴՐՈՂ Հ. ԵՐԵՄՅԱՆԻ
ՊԱՇՏՊԱՆ Ա. ՍՈՂՈՄՈՆՅԱՆԻ
ԱՄԲԱՍՏԱՆՅԱԼ Մ. ՍԱՐԳՍՅԱՆԻ

2021 թվականի նոյեմբերի 18-ին Երևան քաղաքում, համաձայնեցման վարույթի կարգով քննարկելով քրեական գործը՝ ըստ մեղադրանքի
Մակար Սերյոժայի Սարգսյանի (ծնված՝ 20.02.1987թ., Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին մինչև 14 տարեկան 4 անչափահաս երեխա, «Դրակոն բոութ» սպորտային կազմակերպության տնօրեն, չդատված, հաշվառված և բնակվող Երևան քաղաքի Ներքին Շենգավիթ 11-րդ փողոց 35 շենքի 37 բնակարան հասցեում) ՀՀ քրեական օրենսգրքի 329.1-րդ հոդվածի 3-րդ մասի 1-ին կետով, խափանման միջոց է ընտրված ստորագրություն չհեռնալու մասին,

Պ Ա Ր Զ Ե Ց

1 Գործի դատավարական նախապատմությունը.
14.05.2020թ. որոշմամբ հարուցվել է թիվ 58210320 քրեական գործը՝ ՀՀ քրեական օրենսգրքի 329.1 հոդվածի 3-րդ մասի 1-ին կետի և ՀՀ քրեական օրենսգրքի 325-րդ հոդվածի 1-ին մասի հատկանիշներով:
20.05.2020թ. որոշմամբ Մակար Սերյոժայի Սարգսյանի նկատմամբ թիվ 58210320 քրեական գործով որպես խափանման միջոց է ընտրվել ստորագրությունը չհեռանալու մասին:
27.05.2020թ. որոշմամբ Մակար Սերյոժայի Սարգսյանը թիվ 58210320 քրեական գործով ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 329.1 հոդվածի 3-րդ մասի 1-ին կետով և ՀՀ քրեական օրենսգրքի 325-րդ հոդվածի 1-ին մասով:
17.09.2020թ. որոշմամբ թիվ 58210320 քրեական գործով կալանք է դրվել մեղադրյալ Մակար Սերյոժայի Սարգսյանի անշարժ և շարժական գույքերի վրա։
04.12.2020թ. որոշմամբ թիվ 58210320 քրեական գործով մեղադրյալ Մակար Սերյոժայի Սարգսյանին 2020 թվականի մայիսի 27-ին ՀՀ քրեական օրենսգրքի 329.1 հոդվածի 3-րդ մասի 1-ին կետով և ՀՀ քրեական օրենսգրքի 325-րդ հոդվածի 1-ին մասով առաջադրված մեղադրանքից ՀՀ քրեական օրենսգրքի 325-րդ հոդվածի 1-ին մասով առաջադրված մեղադրանքի մասը վերացվել է և այդ մասով նրա նկատմամբ քրեական հետապնդումը դադարեցվել է՝ արարքում հանցակազմի բացակայության հիմքով։
Նույն որոշմամբ՝ Մակար Սերյոժայի Սարգսյանին առաջադրված մեղադրանքը փոփոխվել, լրացվել է և նրան կրկին մեղադրանք է առաջադրվել ՀՀ քրեական օրենսգրքի 329.1 հոդվածի 3-րդ մասի 1-ին կետով։
22.12.2020թ. թիվ 58210320 քրեական գործը՝ հաստատված մեղադրական եզրակացությամբ, ստացվել է Երևան քաղաքի առաջին ատյանի ընդհանուր իրավասության դատարան, մակագրվել նույն դատարանի դատավոր Ա.Թադևոսյանին և 23.12.2020թ. որոշմամբ թիվ ԵԴ/1305/01/20 քրեական գործն ընդունվել է վարույթ:
30.12.2020թ. որոշմամբ թիվ ԵԴ/1305/01/20 քրեական գործը նշանակվել է դատական քննության:
13.05․2021թ․ Երևան քաղաքի առաջին ատյանի ընդհանուր իրավասության դատարանի դատավոր Ա.Թադևոսյանի լիազորությունները դադարելու հիմքով թիվ ԵԴ/1305/01/20 քրեական գործը վերամակագրվել է նույն դատարանի դատավոր Վ․Միսակյանին և 14.05.2021թ. որոշմամբ ընդունվել է վարույթ:
31.05.2021թ. որոշմամբ թիվ ԵԴ/1305/01/20 քրեական գործը նշանակվել է դատական քննության:
Մինչ դատաքննությունը սկսելն ամբաստանյալ Մակար Սերյոժայի Սարգսյանը միջնորդել է կիրառել համաձայնեցման վարույթ, որին մեղադրողը չի առարկել, և Դատարանը բավարարել է միջնորդությունը։
2021 թվականի նոյեմբերի 18-ին մեղադրող Հ․Երեմյանի կողմից ներկայացվել է համաձայնության գալու վերաբերյալ արձանագրությունը, ըստ որի՝
«(...)
Սույն արձանագրությունը կազմվել է ք.Երևան, 18.11.2021թ.-ին մասնակցությամբ՝ ՀՀ գլխավոր դատախազության ՀՀ ԱԱԾ մինչդատական վարույթի օրինականության նկատմամբ հսկողության վարչության դատախազ Հայկ Երեմյանի, թիվ ԵԴ/1305/01/20 (58210320) քրեական գործով ամբաստանյալ Մակար Սերյոժայի Սարգսյանի (ծնվ. 20.02.1987թ., ք.Երևան, բնակվող՝ ք.Երևան, Ներքին Շենգավիթ 11-րդ փ., 35-րդ շենք, բն.37, ՀՀ քաղաքացի, բարձրագույն կրթությամբ, մայրենի լեզուն՝ հայերեն, «Դրակոն Բոութ» ՀԿ նախագահ, նախկին դատվածությունը մարված, խնամքին ունի 4 մինչև 14 տարեկան երեխա) և պաշտպան Արմեն Սողոմոնյանի (արտոնագիր 771):
Մակար Սերյոժայի Սարգսյանը հանդիսանալով «Դրակոն Բոութ» սպորտային հասարակական կազմակերպության նախագահը, 2017 թվականի ապրիլից մինչև 2018 թվականի սեպտեմբերն ընկած ժամանակահատվածում կեղծ տեղեկություններ ներկայացնելով, շահադիտական նպատակով կազմակերպել է Հայաստանի Հանրապետության մի շարք քաղաքացիների անօրինական միգրացիան՝ օտարերկրյա պետություն (ԱՄՆ) մուտքը և գտնվելը:
Այսպես.
Մակար Սերյոժայի Սարգսյանը 2014 թվականի սեպտեմբերի 16-ից հանդիսանում է Երևան քաղաքի Կողբի 1-ին փողոց 7/1 հասցեում գործող «Դրակոն Բոութ» սպորտային (թիավարման) հասարակական կազմակերպության նախագահը: 2017 թվականի ապրիլ ամսից մինչև 2018 թվականի սեպտեմբերն ընկած ժամանակահատվածում Մակար Սարգսյանը պայմանավորվել է «Դրակոն Բոութ» ՀԿ-ի անդամ չհանդիսացող ՀՀ 9 քաղաքացիների հետ համապատասխան գումարի դիմաց կազմակերպել նշված ՀՀ քաղաքացիների ԱՄՆ մուտքը և գտնվելը (ԱՄՆ մուտքի վիզայի արտոնագրի ստացման գործընթացը)՝ ԱՄՆ դեսպանություն կեղծ տեղեկություններ պարունակող փաստաթղթերի ներկայացմամբ:
Պայմանավորվածության համաձայն Մակար Սարգսյանը հիշյալ ժամանակահատվածում Հայաստանի Հանրապետության նշված 9 քաղաքացիներից Երևան քաղաքում ստացել է համապատասխան գումարները, այն է՝ Սաթենիկ Հայկի Բեգլարյանից պահանջել և ստացել է 7.000 ԱՄՆ դոլար, Ազատ Հմայակի Սանթրոսյանից պահանջել է 10.000 ԱՄՆ դոլար, սակայն ստացել է 5.000 ԱՄՆ դոլար, Էդգար Սարգսի Ստեփանյանից պահանջել և ստացել է 7.000 ԱՄՆ դոլար, Հովհաննես Խաչիկի Աղաբեկյանից պահանջել և ստացել է 11.000 ԱՄՆ դոլար, Սաթենիկ Հրաչյայի Գեղամյանից պահանջել է 10.000 ԱՄՆ դոլար, սակայն ստացել է 3.000 ԱՄՆ դոլար, Արթուր Հմայակի Հովսեփյանից պահանջել և ստացել է 6.000 ԱՄՆ դոլար, Օֆելյա Լիպարիտի Մկրտչյանից պահանջել է 10.000 ԱՄՆ դոլար, սակայն ստացել է 5.000 ԱՄՆ դոլար, Էդգար Իգորի Ալեքսանյանից պահանջել է 8.000 ԱՄՆ դոլար, սակայն ստացել է 6.000 ԱՄՆ դոլար, Մարգարիտա Եփրեմի Մարտիրոսյանից պահանջել է 10.000 ԱՄՆ դոլար, սակայն ստացել է 5.000 ԱՄՆ դոլար: Այնուհետև Մ.Սարգսյանը կազմակերպել է Երևան քաղաքի Ամերիկյան փողոցի 1 հասցեում գտնվող Ամերիկայի Միացյալ Նահանգների դեսպանություն հիշյալ 9 անձանց վերաբերյալ ԱՄՆ մուտքի վիզայի ստացման անհրաժեշտ փաստաթղթերի ներկայացումը, այդ թվում՝ պահանջվող այլ փաստաթղթերի հետ Մ. Սարգսյանի կողմից ներկայացվել են կեղծ տեղեկություններ ՀՀ նշված 9 քաղաքացիների «Դրակոն Բոութ» ՀԿ անդամներ և աշխատակիցներ հանդիսանալու վերաբերյալ: Մասնավորապես, ՀՀ նշված քաղաքացիների անօրինական միգրացիան կազմակերպելու նպատակով Մ.Սարգսյանը նշված 9 անձանց ձևակերպել է իբրև «Դրակոն Բոութ» ՀԿ-ի անդամներ և աշխատակիցներ, ինչպես նաև նույն նպատակով նրանց մի մասին լուսանկարել է իր կողմից տրամադրված սպորտային (թիավարման) համազգեստով: Այնուհետև Մ.Սարգսյանը Կարեն Մկրտչյանին հրահանգել է լրացնել ՀՀ նշված 9 քաղաքացիների ԱՄՆ մուտքի վիզայի ստացման համար անհրաժեշտ մի շարք փաստաթղթեր (ԱՄՆ դեսպանությանն հասցեագրված դիմումների /application/ և այլն) և կազմակերպել է հիշյալ փաստաթղթերի ներկայացումը նշված դեսպանություն:
Մակար Սարգսյանի գործողությունների արդյունքում հիշյալ անձինք ստացել են ԱՄՆ մուտքի արտոնագիր և Հայաստանի Հանրապետությունից մեկնել են Ամերիկայի Միացյալ Նահանգներ:
Մակար Սարգսյանի արարքը համապատասխանում է քրեական օրենսգրքի 329.1 հոդվածի 3-րդ մասի 1-ին կետին:
Մակար Սարգսյանի նկատմամբ 27.05.2020թ.-ին քննիչի կողմից ընտրվել է ստորագրություն չհեռանալու մասին խափանման միջոց:
Քննությամբ նյութական վնաս պատճառված լինելու վերաբերյալ տվյալներ չեն արձանագրվել:
Հիմք ընդունելով քրեական դատավարության օրենսգրքի 3753-րդ հոդվածի 6-րդ մասի 8-րդ կետը, քրեական օրենսգրքի 67.2-րդ հոդվածի 1-ին մասը և «Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» օրենքի 2-րդ հոդվածի 5-րդ մասի 2-րդ կետը՝ կողմերն արձանագրում են, որ ամբաստանյալ Մակար Սարգսյանի նկատմամբ իրականացվող քրեական հետապնդումը ենթակա է դադարեցման, իսկ գործով վարույթը կարճման:
Բռնագանձման ենթակա գումար առկա չէ:
(...)»:
2. Դատարանի իրավական վերլուծությունները և եզրահանգումները.
Ուսումնասիրելով սույն գործի նյութերը և լսելով դատավարության կողմերի դիրքորոշումները` Դատարանը գտնում է, որ սույն քրեական գործով պետք է ամբաստանյալի նկատմամբ քրեական հետապնդումը դադարեցնել և քրեական գործի վարույթը կարճել հետևյալ պատճառաբանությամբ.
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համաձայն՝
«Քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման,
(…)
13) ընդունվել է համաներման մասին օրենք:»։
(…)»։
ՀՀ քրեական դատավարության օրենսգրքի 375.1 հոդվածի համաձայն՝
«1. Դատարանը համաձայնեցման վարույթ կիրառում է ոչ մեծ, միջին ծանրության կամ ծանր հանցագործության մեջ մեղադրվող ամբաստանյալի միջնորդության հիման վրա:
2. Ամբաստանյալը համաձայնեցման վարույթ կիրառելու միջնորդություն կարող է ներկայացնել քրեական գործը դատարան ուղարկելու պահից մինչև դատաքննությունն սկսվելը:
3. Մինչև դատաքննությունն սկսելը մեղադրողը կարող է փոխել համաձայնեցման վարույթի վերաբերյալ մեղադրական եզրակացությունը հաստատելիս իր հայտնած դիրքորոշումը:
4. Համաձայնեցման վարույթ չի կարող կիրառվել, եթե՝
1) ամբաստանյալն իրեն առաջադրված մեղադրանքի հետ համաձայն չէ․
2) ամբաստանյալը չունի պաշտպան, կամ միջնորդությունը ներկայացրել է առանց պաշտպանի հետ խորհրդակցելու.
3) ամբաստանյալը չի գիտակցում միջնորդության բնույթը կամ դրա հետևանքները.
4) առերևույթ հիմնավորվում է, որ միջնորդությունը ներկայացվել է ոչ կամավոր, այդ թվում՝ խոշտանգման կամ անմարդկային կամ արժանապատվությունը նվաստացնող վերաբերմունքի կամ այլ բռնության կամ սպառնալիքի կամ ոչ իրավաչափ խոստման ազդեցությամբ.
5) վարույթում ներգրավված մի քանի ամբաստանյալներից առնվազն մեկն առարկում է համաձայնեցման վարույթ կիրառելու դեմ.
6) համաձայնեցման վարույթ կիրառելու դեմ փաստարկված առարկում է մեղադրողը.
7) առերևույթ հիմնավորվում է, որ հանցագործությամբ պատճառված վնասը հատուցված չէ, և համաձայնեցման վարույթ կիրառելու դեմ առարկում է տուժողը։»
ՀՀ քրեական դատավարության օրենսգրքի 375.4 հոդվածի համաձայն՝
«1. Համաձայնեցման վարույթով գործի քննությունն անցկացվում է սույն օրենսգրքի 41-րդ, 42-րդ և 45-րդ գլուխներով նախատեսված կարգով՝ հաշվի առնելով սույն գլխի պահանջները:
2. Համաձայնության մասին արձանագրությունն ընդունելուց հետո դատարանը որոշում է կայացնում դատաքննությունը հատուկ կարգով անցկացնելու մասին:
3. Եթե համաձայնության մասին արձանագրությունը չի համապատասխանում օրենքով սահմանված վերաբերելի պահանջներին, ապա դատարանը, մատնանշելով թերությունները, համաձայնության մասին արձանագրությունը որոշմամբ վերադարձնում է կողմերին՝ սահմանելով թերությունները վերացնելու մինչև տասնհինգօրյա ժամկետ։
4. Դատարանը որոշմամբ չի ընդունում համաձայնության մասին արձանագրությունը և ընդհանուր կարգով շարունակում է գործի քննությունը, եթե՝
1) ամբաստանյալին մեղսագրվող արարքը ակնհայտորեն կատարվել է ամբաստանյալ չհանդիսացող այլ անձի կողմից,
2) ամբաստանյալին մեղսագրված արարքին տրված իրավական գնահատականն ակնհայտորեն չի համապատասխանում մեղադրանքի փաստական հանգամանքներին,
3) դատարանի սահմանած ժամկետում չեն վերացվում համաձայնության մասին արձանագրությունը վերադարձնելու մասին որոշմամբ նշված թերությունները, կամ կրկին ներկայացվելու դեպքում թույլ են տրվում նոր թերություններ:»
ՀՀ քրեական դատավարության օրենսգրքի 375.5 հոդվածի համաձայն՝
«1. Հատուկ կարգով դատաքննությունն անցկացվում է ամբաստանյալի, նրա պաշտպանի, մեղադրողի, իսկ բանակցություններին մասնակցելու դեպքում` նաև տուժողի պարտադիր մասնակցությամբ:
2. Դատաքննությունն սկսվում է մեղադրողի կողմից համաձայնության մասին արձանագրության հրապարակմամբ:
3. Համաձայնության մասին արձանագրության հրապարակումից հետո դատարանն ամբաստանյալին հարցնում է, թե արդյոք նրան պարզ է կնքված համաձայնության բովանդակությունը, և արդյոք նա համաձայն է դրան: Այնուհետև դատարանը պարզում է, թե արդյոք ամբաստանյալն արտահայտել է իր իրական կամքը, գիտակցում է կնքված համաձայնության հետևանքները, պնդում է արդյոք կնքված համաձայնությունը և այն, որ համաձայնությունը չի կնքել բռնության, սպառնալիքի կամ հարկադրանքի այլ միջոցի ազդեցության հետևանքով:
4. Դատարանը պաշտպանին և մեղադրողին հարցնում է, թե արդյոք նրանք պնդում են կնքված համաձայնությունը:
5. Դատարանը տուժողին հարցնում է, թե արդյոք նա պնդում է կնքված համաձայնությունը` հատուցման ենթակա վնասի չափի մասով:
6. Եթե դատարանը պարզում է, որ համաձայնության մասին արձանագրությամբ ամբաստանյալը չի արտահայտել իր իրական կամքը, չի գիտակցել կնքված համաձայնության հետևանքները, չի պնդում կնքված համաձայնությունը կամ չի պնդում, որ համաձայնությունը չի կնքվել բռնության, սպառնալիքի կամ հարկադրանքի այլ միջոցի ազդեցության հետևանքով, կամ եթե մինչև դատարանի` խորհրդակցական սենյակ հեռանալը կողմերից որևէ մեկը հրաժարվում է կնքված համաձայնությունից, ապա դատարանը որոշում է կայացնում գործի քննությունն ընդհանուր կարգով շարունակելու մասին։
7. Համաձայնեցման մասին արձանագրությունը հետազոտելուց հետո դատարանը հեռանում է խորհրդակցական սենյակ՝ նախապես հայտարարելով դատավճռի հրապարակման վայրը, տարին, օրը և ժամը։»
ՀՀ քրեական դատավարության օրենսգրքի 375.6 հոդվածի համաձայն՝
«1. Համաձայնեցման վարույթի արդյունքով դատարանը սույն օրենսգրքով սահմանված կարգով կայացնում է մեղադրական դատավճիռ` հաշվի առնելով սույն հոդվածով նախատեսված առանձնահատկությունները:
2. Մեղադրական դատավճիռը պարունակում է համաձայնության մասին արձանագրության տեքստի բառացի շարադրանքը:
3. Այն հարցերը, որոնք համաձայնեցվել են կողմերի միջև, մեղադրական դատավճռով դատարանը լուծում է՝ ըստ համաձայնության մասին արձանագրության:
4. Եթե առկա է քաղաքացիական հայց, ապա այն թողնվում է առանց քննության:
5. Սույն օրենսգրքի 168-րդ հոդվածի 1-ին մասի 2-8-րդ կետերով նախատեսված դատական ծախսերն ամբաստանյալից ենթակա չեն բռնագանձման։
6. Դատավճիռը հրապարակելուց հետո դատավորը կողմերին պարզաբանում է նաև դատավճիռը բողոքարկելու` սույն օրենսգրքով նախատեսված սահմանափակումները:»
«Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» 2018 թվականի նոյեմբերի 01-ի ՀՀ օրենքի 2-րդ հոդվածի 5-րդ մասի 2-րդ կետի համաձայն՝
«(…)
5. Քրեական գործի հարուցումը մերժել, հարուցված քրեական գործը կարճել, ինչպես նաև դադարեցնել քրեական հետապնդումը կամ չիրականացնել քրեական հետապնդում 2018 թվականի հոկտեմբերի 21-ը ներառյալ կատարած հանցագործությունների դեպքերով (բացառությամբ անմիջականորեն մարդու մահվան հանգեցրած դեպքերի, որոնցով առկա է տուժողի իրավահաջորդի առարկությունը), որոնցով`
2) սույն հոդվածի 2-րդ մասի 1-8-րդ կետերով նախատեսված անձինք կարող են մեղադրվել կամ մեղադրվում են այնպիսի հանցագործություն կատարելու մեջ, որոնց համար նախատեսված է պատիժ` ոչ ավելի, քան վեց տարի ժամկետով ազատազրկում.
(…)»։
Հաշվի առնելով վերոգրյալը, ինչպես նաև այն հանգամանքը, որ ըստ 2021 թվականի նոյեմբերի 18-ին մեղադրող Հ․Երեմյանի կողմից ներկայացված համաձայնության մասին արձանագրության՝ կողմերը համաձայնության են եկել առ այն, որ «Հիմք ընդունելով քրեական դատավարության օրենսգրքի 3753-րդ հոդվածի 6-րդ մասի 8-րդ կետը, քրեական օրենսգրքի 67.2-րդ հոդվածի 1-ին մասը և «Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» օրենքի 2-րդ հոդվածի 5-րդ մասի 2-րդ կետը՝ կողմերն արձանագրում են, որ ամբաստանյալ Մակար Սարգսյանի նկատմամբ իրականացվող քրեական հետապնդումը ենթակա է դադարեցման, իսկ գործով վարույթը կարճման», ուստի Դատարանն արձանագրում է, որ ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետով նախատեսված հիմքով՝ «Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» օրենքի 2-րդ հոդվածի 5-րդ մասի 2-րդ կետի կիրառմամբ, Մակար Սերյոժայի Սարգսյանի նկատմամբ ՀՀ քրեական օրենսգրքի 329.1 հոդվածի 3-րդ մասի 1-ին կետով քրեական հետապնդումը ենթակա է դադարեցման, իսկ թիվ ԵԴ/1305/01/20 քրեական գործի վարույթը՝ կարճման:
Դատարանը գտնում է, որ Մակար Սերյոժայի Սարգսյանի նկատմամբ ընտրված խափանման միջոցը՝ ստորագրությունը չհեռանալու մասին, պետք է վերացնել:
Անդրադառնալով Մակար Սերյոժայի Սարգսյանի շարժական և անշարժ գույքերի վրա դրված կալանքի հարցին՝ Դատարանը գտնում է, որ հարկ է այն վերացնել:
Վերոգրյալի հիման վրա և ղեկավարվելով ՀՀ քրեական օրենսգրքի 35-րդ հոդվածի 1-ին մասի 13-րդ կետով, 3761-րդ և 379-րդ հոդվածներով` դատարանը

Ո Ր Ո Շ Ե Ց

Մակար Սերյոժայի Սարգսյանի նկատմամբ ՀՀ քրեական օրենսգրքի 329.1-րդ հոդվածի 3-րդ մասի 1-ին կետով քրեական հետապնդումը դադարեցնել և քրեական գործի վարույթը կարճել` համաներման մասին օրենքի կիրառման հիմքով:
Մակար Սերյոժայի Սարգսյանի նկատմամբ ընտրված խափանման միջոցը` ստորագրություն չհեռանալու մասին, վերացնել:
Մակար Սերյոժայի Սարգսյանի շարժական և անշարժ գույքերի վրա դրված կալանքը վերացնել:
Որոշումը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:


ԴԱՏԱՎՈՐ` Վ. ՄԻՍԱԿՅԱՆ