Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ

04 օգոստոսի 2021թ. ք. Երևան

ԵԴ/0946/01/20

Երևան քաղաքի առաջին ատյանի ընդհանուր իրավասության դատարանը՝ հետևյալ կազմով.


նախագահող դատավոր՝ Ն. Բաղդասարյան,
քարտուղարներ՝ Ա. Զաքարյան,

մասնակցությամբ՝
մեղադրող,
ՀՀ գլխավոր դատախազության ՀՀ ԱԱԾ
մինչդատական վարույթի օրինականության
նկատմամբ հսկողության վարչության
ավագ դատախազ՝ Գ. Հովակիմյանի,

ամբաստանյալ՝ Փ. Մոհամմադռահիմի
Ռազեղիի,

պաշտպան՝ Էդ. Հակոբյանի,

թարգմանիչ՝ Տ. Դավուդյանի,



դատարանում, դռնբաց դատական նիստում քննեց գործն ըստ մեղադրանքի՝
Փուրիա Մոհամմադռահիմի Ռազեղիի՝
ծնված 1986թ. օգոստոսի 31-ին ԻԻՀ Թեհրան քաղաքում, ԻԻՀ քաղաքացի, ֆիզիկապես վատառողջ, նրա մոտ ախտորոշվել է "Բ-Թալասեմիա, զարկերակային գեր ճնշում, 2 աստիճան, սրտի ռիթմի խանգարում արտահայտված սինուսայաին հաճախասրտություն, վեր փորոքային էքստրասիստոլաներ, սրտի իշեմիկ հիվանդություն NYHA I", բարձրագույն կրթությամբ, ամուրի, խնամքին ոչ ոք, նախկինում չդատված, հանդիսանում է "Փուրիա Ռազեղի" Ա/Ձ արագ կետի տնօրենը, ԻԻՀ-ում բնակվել է ք.Թեհրան, Բանայի խճուղի, Բեհեշտի ավան, Արղավան 25, բնակարան 21 հասցեում, ՀՀ-ում բնակվել է ք. Երևան, Լենինգրադյան փողոց, թիվ 31/8 շենքի, թիվ 31 բնակարանում, կալանքի տակ է 19.11.2019թ., մեղադրվում է ՀՀ քրեական օրենսգրքի 266-րդ հոդվածի 3-րդ մասի 2-րդ կետով և ՀՀ քրեական օրենսգրքի 267.1-րդ հոդվածի 4-րդ մասի 1-ին կետով.


Գործի դատավարական նախապատմությունը.

19.11.2019թ. ՀՀ քրեական օրենսգրքի 266-րդ հոդվածի 1-ին մասով և 267.1 հոդվածի 1-ին մասով հարուցվել է թիվ 58232619 քրեական գործը:
21.11.2019թ. որոշում է կայացվել Փուրիա Մոհամմադռահիմի Ռազեղիին ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 267.1-րդ հոդվածի 4-րդ մասի 1-ին կետով որպես մեղադրյալ ներգրավելու մասին:
01.09.2020թ. որոշում է կայացվել թիվ 58232619 քրեական գործից Փուրիա Մոհամմադոահիմի Ռազեղիի մասն անջատելու, անջատված մասին թիվ 58219620 քրեական գործի համարը շնորհելու և վարույթ ընդունելու մասին:
Թիվ 58232619 քրեական գործը կազմվել, հաստատված մեղադրական եզրակացությամբ ուղարկվել և 04.09.2020թ. ստացվել է Երևան քաղաքի առաջին ատյանի ընդհանուր իրավասության դատարանում:
Թիվ ԵԴ/0946/01/20 քրեական գործը 04.09.2020թ. մակագրվել է դատավոր Ա.Թադևոսյանին, 07.09.2020թ. որոշմամբ ընդունվել է վարույթ:
Դատավորի լիազորությունները դադարած համարվելու պատճառով տեղի է ունեցել կազմի փոփոխություն, թիվ ԵԴ/0946/01/20 քրեական գործը մակագրվել է դատավոր Ն.Բաղդասարյանին և 10.05.2021թ. որոշմամբ ընդունվել է վարույթ:


Դատարանի կողմից հաստատված փաստական հանգամանքները.

Դատաքննությամբ, գործի տվյալներով, դատարանը հիմնավորված է համարում հետևյալը.
Փուրիա Մոհամմադռահիմի Ռազեղիին ՀՀ պետական սահմանով առանձնապես խոշոր չափերի թմրամիջոցների մաքսանենգություն կատարելու և դրանք ՀՀ-ում ապօրինի իրացնելու դիտավորությամբ, 2019թ. նոյեմբերի 19-ին Թեհրան-Երևան ուղղությամբ մեկնող ավտոբուսով մոր՝ Շաֆիղե Փուր Ազհարի Բաղերի հետ միասին, Մեղրի մաքսային կետով հատել է հայ-իրանական պետական սահմանը, և Իրանից մուտք գործելով Հայաստան, մաքսանենգությամբ՝ մաքսային հսկողությունից թաքցնելով, ՀՀ պետական սահմանով ապօրինի տեղափոխել է առանձնապես խոշոր չափերով՝ 13.78 գրամ քաշով "Մետամֆետամին" տեսակի թմրամիջոց, որն ապօրինի պահելով իր մոտ, փոխադրել է մինչև Երևան քաղաքի "Կիլիկիա" ավտոկայան, որտեղ ժամը 1600-ի սահմաններում հանդիպել է ըստ պայմանավորվածության՝ իրեն դիմավորելու եկած եղբորը՝ ԻԻՀ քաղաքացի Դանիալ Մոհամմադռահիմի Ռազեղիին և իր ծանոթին՝ ԻԻՀ քաղաքացի Մոհամմադ Էբրահիմ Մեհդիի Թուրհաժիունին, ապա նստելով վերջինիս կողմի շահագործվող "Նիսան Տիանա" մակնիշի, 34 SQ 852 համարանիշի ավտոմեքենան, ապօրինի փոխադրելու նպատակով դրա մեջ է տեղադրել նաև մաքսանենգությամբ ՀՀ ներկրված հիշյալ առանձնապես խոշոր չափերով թմրամիջոցը, սակայն բռնվել է ԱԱԾ աշխատակիցների կողմից:

Ապացույցների հետազոտում և գնահատում.

Դատարանի կողմից հաստատված հանգամանքները հիմնավորվում են հետևյալ ապացույցներով.
Առաջադրված մեղադրանքում Փուրիա Մոհամմադռահիմի Ռազեղղին իրեն մաղավոր ճանաչեց, հայտնեց, որ զղջում է կատարած արարքի համար, իր եղբայրը և հարազատները դեպքի հետ կապ չունեն, որևէ արարքում մեղավոր չեն: Հայտնեց, որ հրաժարվում է պատասխանել հարցերին:

/Դատական նիստի արձանագրություն/

Վկա Առաքել Աշոտի Սիմոնյանի ցուցմունքով այն մասին, որ 2009 թվականից աշխատում է Երևան քաղաքի Մոսկովյան 25 հասցեում գործող կարի արհեստանոցում՝ որպես դերձակ: 2019 թվականի գարնանից իր արհեստանոցի հարևանությամբ գործող սրճարանը Դավիթ Շահբազյանից ամսեկան 1.500 ԱՄՆ դոլարի դիմաց վարձակալել են ԻԻՀ քաղաքացի Փուրիա Ռազեղին և նրա եղբայր Դանիալ Ռազեղին: Ինքը պարբերաբար այցելել է նշված սրճարան և այցելությունների ընթացքում ծանոթացել ու մտերմացել է վերջիններիս հետ: Տեղեկանալով, որ սրճարանի համար Փ.Ռազեղին Դավիթին վճարել է ամսեկան 1.500 ԱՄՆ դոլար գումար, և տեսնելով սրճարանի հաճախորդների սակավությունը՝ ենթադրել է, որ Փ.Ռազեղին չի կարող օգուտով աշխատեցնել սրճարանը և հավանաբար այլ եկամտի աղբյուր պետք է ունենա: Բացի այդ, ճանաչել է սրճարանի որոշ հաճախորդներին, ովքեր իր տպավորությամբ եղել են թմրամոլներ և ենթադրել է, որ Փուրիան և Դանիալը սրճարանում զբաղվում են թմրամիջոցների իրացմամբ: Հերթական հանդիպման ժամանակ Փ.Ռազեղիից հետաքրքրվել է վերջինիս բիզնեսի ֆինանսական վիճակից, հարցնելով, թե եկամուտը նրան գոհացնում է, թե ոչ, ինչին ի պատասխան Փ.Ռազեղին հայտնել է, որ միայն դրա եկամուտը չէ, և հուսալի հաճախորդներ ունենալու դեպքում զբաղվում է նաև թմրամիջոցների իրացմամբ, որոնք բերում է տարբեր երկրներից, այդ թվում՝ նաև Իրանից: Փ.Ռազեղին նաև տեղեկացրել է, որ դրսից կարող է բերել տարբեր տեսակի, այդ թվում՝ նաև "Մետանֆետամին" տեսակի թմրամիջոց, և հայտնել է, որ եթե հուսալի մարդիկ լինեն՝ թմրամիջոց ձեռք բերելու հարցով կարող է դիմել իրեն:
2017 թվականին ծանոթացել և ընկերացել է "Ատմոսֆեր" սրճարանում որպես մատուցող աշխատող Ալիկ Ալեքսանյանի հետ և շփումների ընթացքում պարզել է, որ վերջինս թմրամոլ է, և օգտագործում է "Մետանֆետամին" տեսակի թմրամիջոց: 2019 թվականի սեպտեմբերին Ալիկ Ալեքսանյանն իրեն հայտնել է, որ թմրամիջոց օգտագործելու կարիք ունի ու հետաքրքրվել է, արդյոք ունի որևէ ծանոթ, ումից կարող է "Մետանֆետամին" տեսակի թմրամիջոց ձեռք բերել: Դրանցի հետո, ինքը բջջային հեռախոսի հավելվածների միջոցով զանգահարել է Փ.Ռազեղղին և վերջինիցս հետաքրքրվել "Մետանֆետամին" տեսակի թմրամիջոց ունենալու մասին: Դրական պատասխան ստանալուց հետո, յուրաքանչյուր չափաբաժնի համար Ա.Ալեքսանյանից վերցրած 30.000-40.000 ՀՀ դրամ գումարը Փ.Ռազեղիին կամ վերջինիս եղբորը տալուց հետո, նրանց մատնանշած թաքստոցից վերցրել է պոլիէթիլենային փաթեթում լցված "Մետանֆետամին" տեսակի թմրամիջոցը և փոխանցել Ա.Ալեքսանյանին:
2019 թվականի սեպտեմբեր ամսին նման եղանակով Փ.Ռազեղիից Ա.Ալեքսանյանի համար "Մետանֆետամին" տեսակի թմրամիջոց ձեռք է բերել իր հիշելով մոտ 2 կամ 3, հոկտեմբեր ամսին՝ 5-6, իսկ նոյեմբեր ամսին՝ 2-3 անգամ:
Փուրիա Ռազեղին կամ նրա ցուցումով ինչ որ մեկը թմրամիջոցը տեղադրել է Երևան քաղաքի Մոսկովյան 25 շենքի մուտքի առաջին հարկում գտնվող հոսանքի հաշվիչ սարքերի տուփի վրա, որտեղից էլ ինքը վերցրել է:
Փուրիա Ռազեղի խոսքերից հասկացել է, որ վերջինս "Մետամֆետամին" տեսակի թմրամիջոցը բերում է Իրանից:
Երբ արդեն Ալիկ Ալեքսանյան իրեն պարբերաբար է դիմել թմրամիջոց ձեռք բերելու հարցով, հասկացել է, որ ներքաշվել է թմրամիջոցների ապօրինի շրջանառումյան մեջ, և Փ.Ռազեղիին առաջարկել է անձամբ հանդիպել Ա.Ալեքսանյանի հետ և թմրամիջոցների առքուվաճառքն իրականացնել նրա հետ, սակայն նա ասել է, որ չի ցանկանում այլ անձանց հետ թմրամիջոցների առքուվաճառք իրականացնել, քանի որ նրանք կարող են հուսալի չլինել: Փուրիայի հետ կապ է պահպանել իր 093-83-91-58 հեռախոսահամարով, իսկ Ալիկի հետ՝ 096-96-26-47 համարով:
2019թ. նոյեմբերի 19-ին իմացել է, որ Փուրիա Ռազեղին բերման է ենթարկվել թմրամիջոց տեղափոխելու կասկածանքով:
Փուրիա Ռազեղիի հետ նախապես պայմանավորվածություն չի ունեցել՝ նրա կողմից թմրամիջոց տեղափոխելու կապակցությամբ, նախապես չի իմացել, որ Փուրիան իր հետ ՀՀ թմրամիջոց է տեղափոխելու, իր կարծիքով այդ թմրամիջոցը Փուրիան Իրանից ՀՀ է տեղափոխել տարբեր անձանց, այդ թվում՝ իր միջոցով:

/Դատական նիստի արձանագրություն/

Վկա Մոհամմադ Էբրահիմ Մեհդի Թուրմաժիունի նախաքննությամբ տրված և դատաքննությամբ հետազոտված ցուցմունքով այն մասին, որ 2018 թվականին ընտանիքով Թեհրանից մշտական բնակության է տեղափոխվել Հայաստանի Հանրապետություն: Վարել է "Նիսան Տիանա" մակնիշի, 34 SQ 852 համարանիշի ավտոմեքենա, որով Երևան քաղաքի Մոսկովյան 25 հասցեում գտնվող "Չիկագո" ռեստորանի համար մատուցել է առաքման ծառայություններ: 2019թ. նոյեմբերի 19-ին հիշյալ ռեստորանում հանդիպել է Դանիալ Ռազեղիին, ով իրեն խնդրել է իր մեքենայով գնալ "Կիլիկա" ավտոկայան, եղբորը՝ Փուրիա Ռազեղիին և մորը դիմավորելու համար: Հասել ավտոկայան և ԻԻՀ-ից ժամանած ավտոբուսի մոտ դիմավորել են վերջիններիս: Ինքն օգնել է նրանց ավտոբուսից իրերը տեղափոխել իր մեքենան: Երբ վերջիններիս իրերը տեղավորել են ավտոմեքենայի բեռնախցիկում և հետնամասում, ինքը նստել է վարորդի նստատեղին, նրանց մայրը վարորդի կողքի նստատեղին, իսկ Դանիալն ու Փուրիան նստել են վարորդի նստատեղի հետևի հատվածում, որից հետո ինքը գործի է գցել շարժիչը և ցանկացել են շարժվել: Այդ պահին մեքենայի դուռը բացել են ՀՀ ԱԱԾ աշխատակիցներն ու բոլորին բերման են ենթարկել ՀՀ ԱԱԾ Երևանի քաղաքային վարչություն: Վարչական շենքի մոտ Փ.Ռազեղին ՀՀ ԱԱԾ աշխատակիցներին է ներկայացրել իրենց անձնական իրերը և այդ ժամանակ ինքը վարորդի նստատեղի հետևի հատվածում, ոտքերը դնելու համար նախատեսված մասում նկատել է սպիտակ գույնի փոշենման զանգվածով պոլիէթիլենային տոպրակ և այն ներկայացրել ՀՀ ԱԱԾ աշխատակիցներին: Փուրիա Ռազեղիին և վերջինիս մորը իր կողմից շահագործվող ավտոմեքենայով դիմավորելուց առաջ ստուգել է իր ավտոմեքենայի սրահը, այնտեղ որևէ իր չի եղել: Նշված օրը բացի Դանիալից, Փուրիայից, նրա մորից իր ավտոմեքենան որևէ այլ անձ չի նստել:

/Դատական նիստի արձանագրություն, հատոր 1-ին, գ/թ. 109-113/

Վկա Շաֆիղե Փուր Ազարի Բաղերի նախաքննությամբ տրված և դատաքննությամբ հետազոտված ցուցմունքով այն մասին, որ հանդիսանում է Փուրիա և Դանիալ Ռազեղիների և Հաննանե Նոբախտիանի մայրը: ԻԻՀ-ում հերթական բժշկական ստուգումներն անցնելուց հետո 2019թ. նոյեմբերի 18-ին, ժամը 1030-ի սահմաններում Փուրիա Ռազեղիի հետ Թեհրանի Նարմանք թաղամասում նստել են Թեհրանից Երևան ուղղությամբ մեկնող ավտոբուսը և կեսգիշերին մոտ հասել են հայ-իրանական սահման, անցել են սահմանը և արդեն 2020թ. նոյեմբերի 19-ին, ժամը 0530-ի սահմաններում շարժվել են դեպի Երևան: Երևան հասնելուց հետո, ավտոկայանում Դանիալը, Թուրմաժյունի հետ դիմավորել են իրենց, որից հետո իրերը տեղավորել են Թուրմաժյունի ավտոմեքենան: Ինքը նստել է վարորդի կողքի նստատեղին, Փուրիան նստել է վարորդի հետևի նստատեղի ձախ կողմում, իսկ Դանիալը աջ կողմում, որից հետո իրենց են մոտեցել իրավապահ մարմինների աշխատակիցները և բերման ենթարկել:
/Դատական նիստի արձանագրություն, հատոր 1-ին, գ/թ. 114-118/

Վկա Դանիալ Մուհամադռահիմ Ռազեղիի նախաքննությամբ տրված և դատաքննությամբ հետազոտված ցուցմունքով այն մասին, որ 2019թ. նոյեմբերի 18-ին եղբայրն իրեն հայտնել է, որ մոր հետ միասին գալիս են Հայաստանի Հանրապետություն, և խնդրել է մորը պատկանող հաշվեհամարին փոխանցել 5 միլիոն թուման գումար: Հաջորդ օրը՝ 2019թ. նոյեմբերի 19-ի կեսօրին, մայրը և եղբայրը ավտոբուսով ժամանել են Երևան քաղաքի "Կիլիկա" ավտոկայան, որտեղ ինքը և Մոհամադ Թուրմաժյունը դիմավորել են նրանց: Նրանց իրերը տեղավորել են Մոհամադի "Նիսսան Տիանա" ավտոմեքենայում, որից հետո նստել են մեքենան և ցանկացել են շարժվել: Այդ պահին մոտեցել են իրավապահ մարմնի աշխատակիցները և իրենց բերման ենթարկել: Դրանից հետո, իմացել է, որ մեքենայում առկա է թմրանյութ, որից ինքը տեղեկություն չի ունեցել և այն իրեն չի պատկանել:

/Դատական նիստի արձանագրություն, հատոր 1-ին, գ/թ. 126-130/

Վկա Ալիկ Շահենի Ալեքսանյանի նախաքննությամբ տրված և դատաքննությամբ հետազոտված ցուցմունքով այն մասին, որ 2009 թվականից աշխատել է Երևանի տարբեր սրճարաններում՝ որպես մատուցող: Գործի բերումով որպես հաճախորդ ծանոթացել է Առաքել Սիմոնյանի հետ, ում դիմում են Ալիկ անունով: Վերջինս Երևան քաղաքի Մոսկովյան փողոցում ունեցել է կարի արհեստանոց: Ժամանակի ընթացքում ընկերացել են: Երբեմն թմրամիջոց է օգտագործել և Ա.Սիմոնյանի հետ շփման ընթացքում նրան հայտնել է այդ մասին: Առաքել Սիմոնյանից իմացել է, որ ունի ծանոթ, ով զբաղվում է թմրամիջոցների վաճառքով, և կարող է օգնել իրեն թմրամիջոց ձեռք բերելու հարցում:
2019 թվականի ընթացքում մի քանի անգամ դիմել է Ա.Սիմոնյանին, ով օգնել է իրեն "Մետանֆետամին" տեսակի թմրամիջոց է ձեռք բերելուր հարցում: Ինքն օգտագործել է 077-75-50-06 և 098-96-26-47 բջջային հեռախոսահամարները: Թմրամիջոցը Ա.Սիմոնյանից վերցրել է վերջինիս կարի արհեստանոցի մոտակայքում: Չի եղել դեպք, որ գումարը փոխանցած լինի, իսկ Ա.Սիմոնյանն իրեն թմրամիջոցը տված չլինի: Անձամբ չի ճանաչում այն անձին, ումից Առաքելը ձեռք է բերել "Մետանֆետամին" տեսակի թմրամիջոցը, սակայն գիտի, որ Առաքելը թմրամիջոցը ձեռք է բերել ինչ-որ պարսիկից: Այդ պարսիկի անունը չգիտի, գիտի միայն, որ նա թմրամիջոցը ՀՀ է բերում Իրանից:
Վերջին անգամ իր համար թմրամիջոց վերցնելու կապակցությանբ Առաքել Սիմոնյանը այդ պարսիկի հետ հեռախոսազրույց է ունեցել և թմրամիջոց է վերցրել 2019թ. նոյեմբերի 17-ին:
Եղել է դեպք, որ Առաքելից հարցրել է թմրամիջոց վաճառող անձի հեռախոսահամարը և տվյալները, սակայն Առաքելն իրեն ասել է, որ այդ անձն իրեն չի վստահում և չի ցանկանում իր հետ կապի դուրս գալ անձամբ:

/Դատական նիստի արձանագրություն, հատոր 3-րդ, գ/թ. 176-179,
հատոր 4-րդ, գ/թ.160-166 /
Վկա Հարություն Ֆերենիկի Օհանյանի նախաքննությամբ տրված և դատաքննությամբ հետազոտված ցուցմունքով այն մասին, որ 2019 թվականից աշխատում է ՀՀ ԿԱ ՊԵԿ Հարավային մաքսային վարչության Մեղրիի մաքսակետում, առաջին բաժանմունքում: Իր աշխատանքային պարտականությունների մեջ է մտնում հերթապահության ընթացքում ստուգել ՀՀ մտնող և ՀՀ-ից դուրս գնացող ուղևորներին, նրանց ուղեբեռները, կատարել ուղեբեռների փաստաթղթային ձևակերպումները, մաքսային ապահովագրությունները: 2019թ. նոյեմբերի 18-ի գիշերը լույս 19-ի առավոտյան գտնվել է հերթափոխում, աշխատանքի մեջ: Այդ օրը ստուգել է Իրանից ՀՀ մուտք գործող անձանց և նրանց ուղեբեռները: Չի մտաբերել, թե այդ օրը քանի անձի է ստուգման ենթարկել, սակայն դրանց թվում եղել են հիմնականում հայեր և իրանցիներ:
Եթե սահմանը հատող անձի հետ կապված կասկած չի լինում, ապա այդ դեպքում նրա իրերի զննությունը կատարվում է ավելի թեթև եղանակով, քանի որ մաքսատանը այնքան մարդ է լինում հավաքված սահմանը հատող, որ ֆիզիկապես ի վիճակի չեն լինում մանրակրկիտ զննել:
Փուրիա Ռազեղի անունով անձի չի հիշում, բայց եթե նա 2019թ. նոյեմբերի 13-ին Իրանից Մեղրիի անցակետով մուտք է գործել ՀՀ, ապա ստուգվել է իր կողմից: Չի բացառում, որ նախնական կասկած չլինելու պատճառով Փուրիա Ռազեղիի իրերը մանրակրկիտ ստուգած չլինի, և հնարավոր է, որ վերջինս ինչ-որ արգելված իր ունեցած լինի իր մոտ, սակայն ինքը չի հայտնաբերել այն:

/Դատական նիստի արձանագրություն, հատոր 3-րդ, գ/թ. 120-124 /

Վկա Փույա Մանուչեհր Ջամալ Զադեհիի նախաքննությամբ տրված և դատաքննությամբ հետազոտված ցուցմունքով այն մասին, որ 2013թ. հոկտեմբերի 29-ին գնել են "Նիսսան Տիանա" մակնիշի 34 SQ 852 պետհամարանիշի ավտոմեքենան: 12.05.2019թ. ավտոմեքենան տարաժամկետ վճարման պայմանով վաճառել է Մուհամմադ Էբրահիմ Մեհդի Թուրմաջիունին: Նա նախապես վճարել է 1.100 ԱՄՆ դոլար գումար, իսկ մնացած 600 ԱՄՆ դոլար գումարը մնացել է պարտք և պարտավորվել է վճարել մինչև 2020 թվականը: Գիտի, որ Մուհամմադ Էբրահիմն այդ մեքենայով աշխատում էր ազգությամբ Իրանցի, Փուրիա անունով անձին պատկանող "Չիկագո" անվամբ սրճարանում: Փուրիայի հետ ծանոթացել է նրա քրոջ՝ Հանանեհի միջոցով, որի հետ աշխատել է, սակայն նրա հետ որևէ մտերիմ հարաբերություններ չի ունեցել և ներկայումս էլ չունի, իսկ Մոհամմադի հետ ունեցել է գործնական հարաբերություններ՝ կապված մեքենայի վաճառքի հետ: 2019 թվականի նոյեմբերին, երբ գտնվել է Իրանում, Մուհամմադը բջջային հեռախոսի հավելվածով կապ է հաստատել իր հետ և հայտնել, որ ցանկանում է մեքենան վաճառել: 2019 թվականի նոյեմբերին վերադարձել է Հայաստան և կապ հաստատել Մուհամմադի հետ: Դրանից օրեր անց, անծանոթ համարից զանգ է ստացել և իր հետ խոսողը ներկայացել է Մուհամմադի եղբայր և ասել, որ ցանկանում են մեքենան վաճառել: Փորձնական աշխատելով "Վիվարո" ընկերությունում, որտեղ աշխատում է նաև Փուրիայի քույրը՝ Հանանեհը, աշխատակիցների խոսակցություններից լսել է, որ Փուրիային բռնել են՝ Հայաստան թմրամիջոցներ բերելու և վաճառելու կասկածանքով, լսել է, որ դրա հետ ինչ որ առնչություն է ունեցել Մոհամմադը, այդ թմրամիջոցը հայտնաբերվել է նրա մեքենայում:
Դրանից հետո չի կարողացել կապ հաստատել Մոհամմադի հետ: Զանգել է նրա եղբոր համարին, իր հետ խոսող տղամարդը հայտնել է, որ նա գ Իրան է գնացել, որոշ ժամանակ անց կգա: Դրանից հետո հանդիպել է Մոհամմադի եղբորը, պահանջել է վճարել մեքենայի համար պարտք մնացած գումարները կամ վաճառել մեքենա: Պնդել է, որ նա կապ հաստատի Մոհամմադի հետ, նա բջջային հեռախոսի հավելվածով զանգել է Մոհամմադին և ինքը խոսել է նրա հետ: Այդ ժամանակ տեսել է, որ հեռախոսի վրա գրված է Մոհամմադ՝ Թուրքիա: Հարցրել է նրան, թե ինչու են ասում, որ նա Իրանում է, պարզվում է, որ նա Թուրքիայում է, Մոհամմադն իրեն ասել է, որ թմրամիջոցների հետ կապված որևէ առնչություն չունի, որ հայտնաբերված թմրամիջոցը պատկանել է Փուրիային, սակայն նա փորձում է իր վրա բարդել այդ ամենը, դրա համար ինքը վախեցել է և հեռացել Հայաստանից:

/Դատական նիստի արձանագրություն, հատոր 3-րդ, գ/թ. 137-140, 198-199 /

Վկա Ամիրհեսամ Մոհսենի Եքթասիահքալի նախաքննությամբ տրված և դատաքննությամբ հետազոտված ցուցմունքով այն մասին, որ տեղեկացել է, որ Փուրիա Ռազեղին ձերբակալվել է թմրամիջոցների հետ կապված գործով: Դրանից հետո չի հանդիպել Մոհամադ Թուրմաժյուին, միայն մեկ անգամ խոսել է նրա հետ հեռախոսով: Թուրմաջիուն իրեն պատմել է, որ Դանիալի առաջարկով նրա մեքենայով գնացել են, նախապես չասելով, թե ուր են գնում, հասնելով ավտոկայանի մոտ, Դանիալն ասել է, որ մտնեն ավտոկայան, որտեղ իմացել է, որ Իրանից ժամանել են Փուրիան և նրանց մայրը: Երբ Փուրիան, նրա մայրն իրենց իրերով նստել են մեքենան, իրավապահները բռնել են իրենց, տարել ԱԱԾ-ի բակ, ստուգել են Փուրիային, նրա եղբորը, մորը, և իր վարած ավտոմեքենան, որի մեջ հայտնաբերվել է թմրամիջոց:
Ինքը վախեցել է, որ այդ թմրամիջոցի գործը կարող են գցել իր վրա, դրա համար գնացել է Հայաստանից, նա իրեն ասել է, որ այդ թմրամիջոցների հետ ինքը կապ չի ունեցել: Թուրմաջիուն հայտնել է, որ Փուրիայի քույրը՝ Հանանեն, կապ է հաստատել իր հետ և խնդրել է հրաժարվել մինչ այդ տված իր ցուցմունքներից, որ Փուրիայի վիճակը բարելավվի, նրան ազատ արձակեն:

/Դատական նիստի արձանագրություն, հատոր 3-րդ, գ/թ. 190-195 /

06.0.2020թ. կազմված տեղանքի զննություն կատարելու մասին արձանագրությամբ, համաձայն որի՝ Առաքել Սիմոնյանը մատնացույց է արել Երևան քաղաքի Մոսկովյան փողոցի 25 շենքի մուտքում գտնվող էլեկտրաէներգիայի հաշվիչները և հայտարարել, որ նշված հաշվիչների վրայից է պարբերաբար վերցրել Փուրիա Ռազեղիի կողմից տրամադրված թմրամիջոցը:

/Դատական նիստի արձանագրություն, հատոր 3-րդ, գ/թ. 154-159 /

19.11.2019թ. կազմված իրեր և առարկաներ ներկայացնելու մասին արձանագրությամբ, համաձայն որի՝ 2019թ. նոյեմբերի 19-ին, ժամը 1830-ին "Նիսան Տիանա" մակնիշի, 34 SQ 852 համարանիշի ավտոմեքենայով բերման ենթարկված Մոհամադ Թուրմաջիուն ներկայացրել է իր կողմից շահագործվող "Նիսան Տիանա" մակնիշի, 34 SQ 852 համարանիշի ավտոմեքենայի հետնամասի սրահից հայտնաբերված թափանցիկ փաթեթը, որի մեջ առկա է եղել թմրամիջոցի նմանվող զանգված, որի քաշը կազմել է 15.5 գրամ: Մոհամադը հայտարարել է, որ մինչ ուղևորներ Փուրիա Ռազեղիի և Շաֆիղեի կողմից իր ավտոմեքենան նստելը թմրամիջոցին նմանվող զանգվածով այդ փաթեթն իր ավտոմեքենայի մեջ չի եղել:
/Դատական նիստի արձանագրություն, հատոր 1-ին, գ/թ. 69-70/

Դատաքիմիական փորաքննության 720Ք-19 եզրակացությամբ, համաձայն որի՝ փորձաքննության ներկայացված 13.78 գրամ քաշով բյուրեղանման զանգվածը հանդիսանում է "Մեթանֆետամին" տեսակի թմրամիջոց: Հետազոտությամբ փորձագետի կողմից ծախսվել է 0.05 գրամ բյուրեղանման զանգվածից:

/Դատական նիստի արձանագրություն, հատոր 1-ին, գ/թ. 171-173/

Որպես այլ փաստաթուղթ ապացույց ճանաչված՝ X 2075-19, X2078-19, 2079-19, 12077-19, X 2572-19, X2573-19,X 2574-19, X2575-19, X2578-19, X2579-19, X2580-19 լազերային սկավառակների, Փուրիա Ռազեղիի և Ալիկ Ալեքսանյանի նկատմամբ իրականացված "հեռախոսային խոսակցությունների վերահսկում" օպերատիվ-հետախուզական միջոցառումների արդյունքում ստացված ձայնագրություններով, և դրանց զննության արձանագրությամբ, համաձայն որի՝ ստացված փաստական տվյալները հավաստել են Փ.Ռազեղիի կապն ու առնչությունը թմրամիջոցների ապօրինի շրջանառության հետ: Բացի այդ, պարզվել է, որ Փ.Ռազեղիի կողմից թերամիջոցների ապօրինի շրջանառության առնչվելու հանգամանքի մասին առնվազն տեղյակ է եղել նաև վերջինիս եղբայրը՝ Դանիալ Ռազեղին կամ վերջինս գործել է եղբոր հետ միասին: Ս.Ալեքսանյանը 2019 թվականի նոյեմբեր ամսվա ընթացքում բազմիցս կապ է հաստատել Առաքել Սիմոնյանի կողմից շահագործված 096-96-26-47 բջջային հեռախոսահամարի հետ, խնդրել իր և իր մտերիմների համար գումարի դիմաց թմրամիջոց ձեռք բերել, որը մեկ անգամ ևս հավաստում է Առաքել Սիմոնյանի ցուցմունքով հայտնած հանգամանքները:

/Դատական նիստի արձանագրություն, հատոր 2-րդ, գ/թ. 8-12, 34-36, 41-44,
51-53, 66-75, 123-126, 134-137, 150-157, հատոր 3-րդ, գ/թ. 106-109,
205-253,հատոր 4-րդ, գ/թ. 1-5, 9-15, 173-175/

Որպես այլ փաստաթուղթ ապացույց ճանաչված՝ 077-75-50-06, 094-83-55-30, 094-86-22-60, 098-27-37-64, +989305857484, 043-27-37-67, 096-96-26-47, 043-70-84-59, 095-27-37-67, 055-27-37-65 բջջային հեռախոսահամարների վերծանումները պարունակող 3 լազերային սկավառակներով և դրանց զննության արձանագրությամբ, որոնցով հաստատվել է Առաքել Սիմոնյանի և Փուրիա Ռազեղիի, ինչպես նաև Առաքել Սիմոնյանի և Ալիկ Առաքելյանի հաճախակի ունեցած հեռախոսային կապը:

/Դատական նիստի արձանագրություն, հատոր 2-րդ, գ/թ. 163, 165, հատոր 3-րդ, գ/թ24-55, 78-98, 127, 128-131, հատոր 4-րդ, գ/թ. 173-175/

Որպես այլ փաստաթուղթ ապացույց ճանաչված՝ Մուհամեդ Մեհդի Թուրմաժյունի կողմից օգտագործված "Xiaomi" մոդելի բջջային հեռախոսում և Առաքել Սիմոնյանին պատկանող "Iphone x max" մոդելի բջջային հեռախոսում առկա տեղեկատվությամբ, դրանք զննելու մասին արձանագրությամբ, համաձայն որոնց՝ Մուհամեդ Մեհդի Թուրմաժյունին 18.11.2019թ., ժամը՝ 12:22:29 PM-ին, 17.11.2019թ., Ժամը՝ 12:39:03 AM, 16.11.2019թ., ժամը՝ 10:53:29 PM-ին կապ է հաստատել Փուրիա Ռազեղիի 989305857484 բջջային հեռախոսահամարի հետ: Առաքել Սիմոնյանին պատկանող "Iphone x max" մոդելի 353099101231772 գործարանային համարի բջջային հեռախոսի զննությամբ պարզվել է, որ Փուրիա Ռազեղիի կողմից շահագործված 095-27-37-67 բջջային հեռախոսահամարը գրանցված է որպես "Pavel hajaxord": Կատարված հեռախոսազանգերի բաժնի զննությամբ պարզվել է, որ նշված հեռախոսահամարից Ա.Սիմոնյանը 18.11.2019թ., ժամը՝ 11:26:04 AM և 1118/2019 11:28:17 AM ստացել է մուտքային զանգ, կարճ հաղորդագրությունների բաժնի զննությամբ պարզվեց, որ նշված հեռուոսահամարից 01.08.2019թ., 01.08.2019թ. ստացել է կարճ հաղորդագրություններ, իսկ 01.08.2019թ., 06.08.2019թ., 09.10.2019թ., 28.10.2019թ. ուղարկվել է կարճ հաղորդագրություններ: Վայբեր հավելվածի զանգերի բաժնի զննությամբ պարզվել է, որ 08.10.2019թ., 24.05.2019թ. նշված հավելվածով հեռախոսակապ է ունեցել Փ.Ռազեղիի հետ: Վաթսափ հավելվածի զննությամբ պարզվել է, որ Առաքել Սիմոնյանը նշված հավելվածով մշտապես հեռակապի մեջ է գտնվել Փուրիա Ռազեղիի հետ 02.09.2019թ. մինչ 17.11.2019թ. ընկած ժամանակահատվածում, առկա են նաև լատինատառ կարճ հաղորդագրություններ, որոնցով վերջիններս պայմանավորվածություններ են ձեռք բերում գումարի և հանդիպումների շուրջ:

/Դատական նիստի արձանագրություն, հատոր 1-ին, գ/թ. 191-193,
հատոր 4-րդ, գ/թ. 121-122, 173-175/

Իրեղեն ապացույց ճանաչված՝ 21.11.2019թ. ստացված թիվ 720 Ք-19 եզրակացության կից ստացված 13.73 գրամ քաշով "Մեթանֆետամին" տեսակի թմրամիջոցով:
/Դատական նիստի արձանագրություն, հատոր 4-րդ, գ/թ. 171-172/

ՀՀ առողջապահության նախարարության դատաբժշկական գիտագործնական կենտրոնի կողմից տրված միջգերատեսչական հանձնաժողովային փորձագետի թիվ 3/հձ եզրակացությամբ, համաձայն որի՝ փորձաքննությանը ներկայացված բժշկական փաստաթղթերի և փորձաքննության ընթացքում իրականացված հետազոտությունների արդյունքների Փուրիա Մոհամմադռահիմի Ռազեղիին մոտ առկա է ախտորոշում՝ "Բ-Թալասեմիա: Զարկերակային գերճնշում 2 աստիճան, սրտի ռիթմի խանգարում, արտահայտված սինուսային հաճախասրտություն, վերփորոքային էքստրասիստոլաներ: Սրտի իշեմիկ հիիվանդություն ? NYHA 1 (մեկ)": Որոշել ախտորոշման մեջ նշված ախտաբանություններից սրտային հիվանդության առաջացման վաղեմությունը ստույգ հնարավոր չէ՝ համապատասխան գիտականորեն հիմնավորված մեթոդիկաների բացակայության պատճառով, իսկ ինչ վերաբերվում է "թալասեմիա" հիվանդությանը, ապա այն ժառանգական բնույթի է:
Ներկայումս "թալասեմիա" հիվանդությամբ պայմանավորված Փուրիա Ռազեղիիի վիճակը հարաբերական կայուն է և չի պահանջում շտապ բժշկական միջամտություն:
Ամբաստանյալ Փուրիա Մոհամմադռահիմի Ռազեղիի մոտ ախտորոշված հիվանդությունները ենթակա չեն արմատական բուժման, սակայն դեղորայքային բուժումները կարող են ունենալ հիվանդության ընթացքի կայունացում և լավացում: Սույն փորձաքննության ընթացքում իրականացված հետազոտություններով Փուրիա Մոհամմադռահիմի Ռազեղիի մոտ ախտորոշված հիվանդությունները ՀՀ Կառավարության 2006թ. մայիսի 26-ի թիվ 825-Ն որոշման հավելված 2-ի իմաստով չեն հանդիսանում ծանր հիվանդություններ և ըստ այդմ էլ ներկայիս առողջանան վիճակով Փուրիա Մոհամմադռահիմի Ռազեղիին կարող է գտնվել կալանքի տակ՝ ժամանակ առ ժամանակ ենթարկվելով մասնագետների՝ արյունաբանի և սրտաբանի /կամ թերապևտի/ խորհրդատվությունների:
/Դատական նիստի արձանագրություն/

Դատարանի իրավական վերլուծությունները.

ՀՀ քրեական դատավարության օրենսգրքի 25-րդ հոդվածի համաձայն՝
"1. Դատավորը, ինչպես նաև հետաքննության մարմինը, քննիչը, դատախազը ապացույցները գնահատում են իրենց ներքին համոզմամբ: (...)":
ՀՀ քրեական դատավարության օրենսգրքի 127-րդ հոդվածի համաձայն՝
"1. Յուրաքանչյուր ապացույց ենթակա է գնահատման՝ վերաբերելիության, թույլատրելիության, իսկ ամբողջ ապացույցներն իրենց համակցությամբ՝ գործի լուծման համար բավարարության տեսանկյունից:
2. Հետաքննության մարմնի աշխատակիցը, քննիչը, դատախազը, դատավորը, ղեկավարվելով օրենքով, ապացույցները գնահատում են ապացույցների համակցության մեջ՝ դրանց բազմակողմանի, լրիվ և օբյեկտիվ քննության վրա հիմնված իրենց ներքին համոզմամբ":
Ապացույցների գնահատման վերաբերյալ ՀՀ Վճռաբեկ դատարանն իր որոշումներում արտահայտել է հետևյալ իրավական դիրքորոշումները.
"(...) Ապացույցների գնահատումը կատարվում է ներքին համոզման հիման վրա: Ներքին համոզմունքը, որպես ապացույցների գնահատման արդյունք, բնութագրվում է օբյեկտիվ և սուբյեկտիվ գործոնների անխզելի կապով. այն, մի կողմից, պետք է բխի հետազոտվող ապացույցների բավարար համակցությունից և հիմնվի դրանց վրա, իսկ մյուս կողմից, անկողմնակալ դիտորդի մոտ պետք է առաջացնի այն վստահությունը, որ ապացույցները հետազոտվել են արդարության բոլոր պահանջների պահպանմամբ:
Ապացույցները, որոնք հավաքվել և ստուգվել են օրենքին համապատասխան, կազմում են ներքին համոզմունքի այն օբյեկտիվ հիմքը, որն իր դրսևորումն է գտնում ընդունվող որոշումներում: Թեպետ ապացույցների գնահատումը կատարվում է ներքին համոզման հիման վրա, այն չի կարող լինել կամայական: Դրա հիմքում պետք է դրված լինի գործի բոլոր հանգամանքների լրիվ, օբյեկտիվ և բազմակողմանի քննությունը:
Գնահատման ենթակա են ինչպես ստացված տեղեկությունների բովանդակությունը, այնպես էլ աղբյուրները: Ապացույցների գնահատումը համապատասխան որոշումներում պետք է արտահայտվի պատճառաբանված եզրահանգումների ձևով՝ հիմնավորելով, թե ինչու որոշ ապացույցներ դրվել են որոշման հիմքում, իսկ մյուսները մերժվել են՝ ճանաչվելով ոչ հավաստի:
Ապացույցների գնահատման քրեադատավարական սկզբունքի բնութագրիչ առանձնահատկությունն այն է, որ օրենքը, որպես կանոն, չի նշում, թե հատկապես, որ ապացույցներով պետք է հաստատվի այս կամ այն հանգամանքը, ինչպես նաև չի սահմանում ապացույցի որևէ տեսակի գերակայությունը մյուսի նկատմամբ, հետևաբար դատարանն ազատ է ապացույցների գնահատման գործում: (...)" (տես ՀՀ Վճռաբեկ դատարանի Մակար Հովհաննիսյանի վերաբերյալ 2010 թվականի փետրվարի 12-ի թիվ ԵԱՔԴ/0632/01/08 որոշումը):
"(...) Ապացույցը գնահատող անձը մինչև դրանց հետազոտումը պատշաճ իրավական ընթացակարգի շրջանակներում չպետք է կանխակալ մոտեցում ցուցաբերի ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տա: Միևնույն ժամանակ, ներքին համոզմամբ ապացույցների ազատ գնահատումը ենթադրում է, որ ապացույցը գնահատող անձը կաշկանդված չէ տվյալ ապացույցին դատավարության նախորդ փուլերում կամ տվյալ փուլի շրջանակներում այլ անձանց կամ մարմինների տված գնահատականներով: (...)" (տես Կարեն Լևոնի Սարուխանյանի վերաբերյալ ՀՀ Վճռաբեկ դատարանի 2010 թվականի օգոստոսի 27-ի ԼԴ/0301/01/09 որոշումը):
Դատարանը, ղեկավարվելով ապացույցների գնահատման վերաբերյալ ՀՀ քրեադատավարական օրենսդրության իրավադրույթների և դրանց վերաբերյալ ՀՀ Վճռաբեկ դատարանի որոշումներում արտահայտված իրավական դիրքորոշումներով, վերլուծության ու գնահատության ենթարկելով նախաքննությամբ ձեռք բերված և դատաքննությամբ հետազոտած յուրաքանչյուր ապացույց՝ վերաբերելիության, թույլատրելիության, իսկ ամբողջ ապացույցներն իրենց համակցությամբ՝ գործի լուծման համար բավարարության տեսանկյունից, ներքին համոզմամբ հանգում է հետևության, որ Փուրիա Մոհամմադռահիմի Ռազեղիին՝ ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 267.1-րդ հոդվածի 4-րդ մասի 1-ին կետով մեղսագրված հանցանքները հիմնավորված և հաստատված են գործին վերաբերվող փոխկապակցված, հավաստի ապացույցների բավարար ամբողջությամբ, իսկ դատարանի հետևությունները հիմնված են դատաքննության ժամանակ հետազոտված ապացույցների վրա, որոնք բավարար են մեղադրանքը գնահատելու և ամբաստանյալ Փուրիա Մոհամմադռահիմի Ռազեղիին մեղսագրված արարքների համար դատապարտելու համար, հետևաբար՝ դատարանը գտնում է, որ ամբաստանյալին մեղսագրված արարքները ճիշտ են որակված:
Քննելով ամբաստանյալի նկատմամբ պատիժ նշանակելու հարցը՝ դատարանը գտնում է հետևյալը.
ՀՀ քրեական օրենսգրքի 61-րդ հոդվածի 2-րդ մասի համաձայն՝
"Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով"£
Պատասխանատվությունն ու պատիժը մեղմացնող և ծանրացնող հանգամանքների վերաբերյալ Վճռաբեկ դատարանն իրավական դիրքորոշում է արտահայտել Ա.Ավետիսյանի գործով որոշման մեջ՝ արձանագրելով, որ "(...) պատասխանատվությունն ու պատիժը մեղմացնող և ծանրացնող հանգամանքները հնարավորություն են տալիս պատկերացում կազմել հանցագործության` հանրության համար վտանգավորության աստիճանի և բնույթի, հանցավորի անձնավորության մասին և յուրաքանչյուր կոնկրետ գործով անհատականացնել պատիժը£ Պատիժը մեղմացնող և ծանրացնող հանգամանքների ցանկի վերլուծությունը ցույց է տալիս, որ քննարկվող հանգամանքները վերաբերում են ինչպես հանցագործությանը, այնպես էլ հանցավորի անձնավորությանը կամ միաժամանակ բնութագրում են հանցագործությունն ու հանցավորի անձնավորությունը£ Այդ պատճառով էլ պատիժը մեղմացնող և ծանրացնող հանգամանքները պետք է դիտարկել որպես հանցակազմի սահմաններից դուրս հանգամանքներ, որոնք ուղղակի կամ անուղղակի վերաբերում են հանցագործությանը կամ հանցավորի անձնավորությանը, բարձրացնում կամ իջեցնում են հասարակական վտանգավորության աստիճանը և ազդում պատժի վրա£ Դրանց գնահատմամբ է հնարավոր յուրաքանչյուր կոնկրետ գործով անհատական մոտեցում ցուցաբերել` ինչպես պատժի տեսակը և չափը որոշելիս, այնպես էլ այն կրելու նպատակահարմարության հարցը լուծելիս (...)" (տե՛ս Անդրանիկ Մեսրոպի Ավետիսյանի գործով Վճռաբեկ դատարանի 2011 թվականի հուլիսի 13-ի թիվ ԵԱՆԴ/0091/01/09 որոշման 20-րդ կետը)"£
ՀՀ Վճռաբեկ դատարանն Արարատ Ավագի Ավագյանի և Վահան Սերյոժայի Սահակյանի վերաբերյալ ԵԿԴ/0252/01/13 քրեական գործով 2014թ. հոկտեմբերի 31-ի որոշման մեջ արտահայտել է նաև հետևյալ իրավական դիրքորոշումը.
"(…) նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին (…):
Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա (…)
Նշված նորմի վերլուծության հիման վրա դատարանն արձանագրում է, որ տվյալ հանցագործության վերաբերյալ գործերով պատժի անհատականացման սկզբունքի տեսանկյունից արարքի հանրային վտանգավորությունը որոշելիս դատարանը, ի թիվս այլնի, պետք է հաշվի առնի. (…)
դրա չափը (…),
արարքի կատարման նպատակն ու շարժառիթը (…):
Վկայակոչված հանգամանքները, այլ հանգամանքների հետ համակցությամբ ազդում են արարքի հանրային վտանգավորության վրա և պետք է իրենց համապատասխան գնահատականը ստանան յուրաքանչյուր գործով պատիժ նշանակելիս:
Պատժի անհատականացման սկզբունքի բովանդակության հիմնական մասն է կազմում նաև հանցավորի անձը բնութագրող տվյալների գնահատումը, որոնք իրենց ամբողջության մեջ հնարավորություն են տալիս անձին դիտել ոչ միայն որպես հանցանք կատարող, որը պետք է պատասխանատվություն կրի, այլ նաև որպես կոնկրետ անձ՝ իր անհատական հատկանիշներով: Ընդ որում՝ անձի այն հատկանիշները, որոնք գտնվում են հանցակազմից դուրս, նշանակություն են ունենում դատարանի կողմից պատժի տեսակը և չափը որոշելիս: Որպես հանցավորի անձը բնութագրող հատկանիշներ՝ գնահատվում են նրա սոցիալ-հոգեբանական, սոցիալ-ժողովրդագրական հատկությունները՝ վարքագիծն ընտանիքում և կենցաղում, աշխատանքի նկատմամբ ունեցած վերաբերմունքը, կրթությունը, առողջական վիճակը, տարիքը, ծառայությունը պետության և հասարակության առջև և այլն (…)":
Ամբաստանյալ Փուրիա Մոհամմադռահիմի Ռազեղիի նկատմամբ, նրա կատարած հանցագործությունների համար պատիժ նշանակելիս՝ դատարանը հաշվի է առնում վերոհիշյալ նախադեպային որոշումներում արտահայտված իրավական դիրքորոշումները:
Դատարանը հաշվի է առնում նաև հանցագործությունների կատարման եղանակը, հանցավոր մտադրության իրականացման աստիճանը, հանցագործությունները կատարելուց հետո հանցավորի դրսևորած վարքագիծը, խախտված հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը:
Ամբաստանյալ Փուրիա Մոհամմադռահիմի Ռազեղիի կատարած հանցագործությունների համար պատիժ նշանակելիս՝ նրա պատասխանատվությունը և պատիժը մեղմացնող հանգամանքներ, նրա անձը բնութագրող տվյալներ դատարանը դիտում առաջադրված մեղադրանքում իրեն լիովին մեղավոր ճանաչելը և անկեղծորեն զղջալը, ֆիզիկապես վատառողջ լինելը, նրա մոտ ախտորոշվել է "Բ-Թալասեմիա, զարկերակային գեր ճնշում, 2 աստիճան, սրտի ռիթմի խանգարում արտահայտված սինուսայաին հաճախասրտություն, վեր փորոքային էքստրասիստոլաներ, սրտի իշեմիկ հիվանդություն NYHA I":
Դատարանն ամբաստանյալի պատասխանատվությունը և պատիժը ծանրացնող հանգամանքներ չի արձանագրում:
Դատարանը, հաշվի առնելով կատարված հանցագործությունների բնույթը, ծանրությունը և հետևանքները, գտնում է, որ ամբաստանյալ Փուրիա Մոհամմադռահիմի Ռազեղիին՝ ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 267.1-րդ հոդվածի 4-րդ մասի 1-ին կետով նախատեսված հանցագործությունների կատարման համար ենթակա է պատժի՝ ազատազրկման ձևով:
Միաժամանակ դատարանը գտնում է, որ իր նկատմամբ նշանակված պատիժն ամբաստանյալ Փուրիա Մոհամմադռահիմի Ռազեղիին պետք է կրի, քանի որ դրան խոչընդոտող հանգամանքներ առկա չեն: Քննարկելով խափանման միջոցի հարցը՝ դատարանը գտնում է, որ ամբաստանյալ Փուրիա Մոհամմադռահիմի Ռազեղիի նկատմամբ ընտրված կալանք խափանման միջոցը ճիշտ է և այն վերացվելու կամ փոփոխվելու ենթակա չէ՝ մինչև դատավճռի օրինական ուժի մեջ մտնելը:
Դատավճռի օրինական ուժի մեջ մտնելուց հետո, նախաքննության մարմնի 30.08.2020թ. որոշմամբ իրեղեն ապացույց ճանաչված 13,73 գրամ "Մեթանֆետամին" տեսակի թմրամիջոցը պետք է վերադարձնել վարույթն իրականացնող մարմնին՝ քրեական գործից անջատված թիվ 58219620 քրեական գործով քննություն կատարելու համար:
Քննարկելով դատական ծախսերի հարցը՝ դատարանը գտնում է, որ ՀՀ քրեական դատավարության օրենսգրքի 168-րդ հոդվածի կարգով դատավճռի օրինական ուժի մեջ մտնելուց հետո, ամբաստանյալ Փուրիա Մոհամմադռահիմի Ռազեղիից հօգուտ պետական բյուջեի պետք է բռնագանձել 369.600 ՀՀ դրամ՝ որպես դատական ծախսեր:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360-րդ, 364-րդ, 369-373-րդ հոդվածներով, դատարանը՝

Վ Ճ Ռ Ե Ց

Ամբաստանյալ Փուրիա Մոհամմադռահիմի Ռազեղիին մեղավոր ճանաչել ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 267.1-րդ հոդվածի 4-րդ մասի 1-ին կետով նախատեսված հանցանքներում և դատապարտել.
ՀՀ քրեական օրենսգրքի 266-րդ հոդվածի 3-րդ մասի 2-րդ կետով ազատազրկման 9 /ինը/ տարի ժամկետով՝ գույքի բռնագրավմամբ,
ՀՀ քրեական օրենսգրքի 267.1-րդ հոդվածի 4-րդ մասի 1-ին կետով ազատազրկման 8 /ութ/ տարի ժամկետով՝ գույքի բռնագրավմամբ:
ՀՀ քրեական օրենսգրքի 66-րդ հոդվածով սահմանված՝ պատիժների մասնակի գումարման սկզբունքի կիրառմամբ, ամբաստանյալ Փուրիա Մոհամմադռահիմի Ռազեղիի նկատմամբ պատիժ նշանակել ազատազրկում 9 /ինը/ տարի 6 /վեց/ ամիս ժամկետով՝ գույքի բմագրավմամբ, որը պետք է կրի ՀՀ արդարադատության նախարարության համապատասխան քրեակատարողական հիմնարկում: Պատժի կրման սկիզբը հաշվել 21.11.2019թ.-ից:
Խափանման միջոց կալանավորումը թողնել անփոփոխ՝ մինչև դատավճռի օրինական ուժի մեջ մտնելը:
Դատավճռի օրինական ուժի մեջ մտնելուց հետո, նախաքննության մարմնի 30.08.2020թ. որոշմամբ իրեղեն ապացույց ճանաչված 13,73 գրամ "Մեթանֆետամին" տեսակի թմրամիջոցը վերադարձնել վարույթն իրականացնող մարմնին՝ քրեական գործից անջատված թիվ 58219620 քրեական գործով քննություն կատարելու համար:
Դատավճռի օրինական ուժի մեջ մտնելուց հետո, ամբաստանյալ Փուրիա Մոհամմադռահիմի Ռազեղիից հօգուտ պետական բյուջեի բռնագանձել 369.600 ՀՀ դրամ՝ որպես դատական ծախսեր:
Դատավճիռը ստանալու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան:


ԴԱՏԱՎՈՐ՝ Ն. Ռ. ԲԱՂԴԱՍԱՐՅԱՆ