ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎԱՐՉԱԿԱՆ ԴԱՏԱՐԱՆ
Ո Ր Ո Շ ՈՒ Մ
ՎԱՐՉԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

Վարչական գործ թիվ ՎԴ/6999/05/15

<<02>> դեկտեմբերի 2016թ. ք.Երևան

Հայաստանի Հանրապետության վարչական դատարանը (այսուհետ` Դատարան)՝ նախագահությամբ դատավոր Արթուր Ավագյանի, քննարկելով ըստ հայցի <<Օրիենթ Սթոն>> ՍՊԸ-ի ընդդեմ ՀՀ էներգետիկայի և բնական պաշարների նախարարության, Արարատի մարզի Ավշարի գյուղական համայնքի ղեկավար Ս.Գրիգորյանի, ՀՀ տարածքային կառավարման և արտակարգ իրավիճակների նախարարության՝ Ավշար համայնքի վարչական սահմաններում գտնվող (նախկինում Գոռավան համայնքի սահմաններում գտնվող) <<Օրիենթ Սթոն>> ՍՊԸ-ի կողմից փաստացի շահագործվող հանքավայրի զբաղեցրած 5 հա հողամասի նկատմամբ <<Օրիենթ Սթոն>> ՍՊԸ-ի վարձակալության իրավունքի իրավահարաբերության առկայությունը ճանաչելու, Ավշար համայնքի վարչական սահմաններում գտնվող (նախկինում Գոռավան համայնքի սահմաններում գտնվող) <<Օրիենթ Սթոն>> ՍՊԸ-ի կողմից փաստացի շահագործվող 5 հա հանքաքարի հանքավայրի նկատմամբ <<Օրիենթ Սթոն>> ՍՊԸ-ի հանքային իրավունքի իրավահարաբերության առկայությունը ճանաչելու պահանջների մասին, վարչական գործի վարույթը կարճելու հարցը,

Պ Ա Ր Զ Ե Ց

<<Օրիենթ Սթոն>> ՍՊԸ-ի տնօրենը 15.12.2015 թվականին հայցադիմում է ներկայացրել Դատարան ընդդեմ ՀՀ էներգետիկայի և բնական պաշարների նախարարության, Արարատի մարզի Ավշարի գյուղական համայնքի ղեկավար Ս.Գրիգորյանի, ՀՀ տարածքային կառավարման և արտակարգ իրավիճակների նախարարության՝ Ավշար համայնքի վարչական սահմաններում գտնվող (նախկինում Գոռավան համայնքի սահմաններում գտնվող) <<Օրիենթ Սթոն>> ՍՊԸ-ի կողմից փաստացի շահագործվող հանքավայրի զբաղեցրած 5 հա հողամասի նկատմամբ <<Օրիենթ Սթոն>> ՍՊԸ-ի վարձակալության իրավունքի իրավահարաբերության առկայությունը ճանաչելու, Ավշար համայնքի վարչական սահմաններում գտնվող (նախկինում Գոռավան համայնքի սահմաններում գտնվող) <<Օրիենթ Սթոն>> ՍՊԸ-ի կողմից փաստացի շահագործվող 5 հա հանքաքարի հանքավայրի նկատմամբ <<Օրիենթ Սթոն>> ՍՊԸ-ի հանքային իրավունքի իրավահարաբերության առկայությունը ճանաչելու պահանջների մասին:
Դատարանի 18.12.2015 թվականի որոշմամբ <<Օրիենթ Սթոն>> ՍՊԸ-ի տնօրենի հայցադիմումն ընդունվել է վարույթ:
07.11.2016 թվականին հայցվորի ներկայացուցչի կողմից ներկայացվել է դիմում, որով վերջինս հրաժարվել է հայցից և խնդրել է գործի վարույթը կարճել:
02.12.2016 թվականին հրավիրված նախնական դատական նիստի ժամանակ Դատարանը որոշել է սույն վարչական գործի վարույթը կարճել:
Դատարանը, քննարկելով սույն գործի վարույթը կարճելու հարցը, գտնում է, որ սույն գործի վարույթը ենթակա է կարճման հետևյալ պատճառաբանությամբ.
ՀՀ վարչական դատավարության օրենսգրքի 96-րդ հոդվածի 1-ին մասի 6-րդ կետի համաձայն՝ դատարանը գործի քննության ցանկացած փուլում կարճում է գործի վարույթը, եթե հայցվորը հրաժարվել է հայցից, բացառությամբ նույն օրենսգրքի 26-րդ գլխով սահմանված այն գործերի, որոնց քննությունը բխում է հանրության կամ պետության շահերից:
ՀՀ վարչական դատավարության օրենսգրքի 97-րդ հոդվածի 1-ին մասի համաձայն՝ գործի վարույթը կարճելու մասին դատարանը կայացնում է որոշում, որով լուծվում են նաև դատավարության մասնակիցների միջև դատական ծախսերի բաշխման հարցերը։
Նշված նորմերի վերլուծությունից հետևում է, որ հայցվորի կողմից հայցից հրաժարվելն իրավական հիմք է հանդիսանում գործի վարույթի կարճման համար, որի դեպքում ՀՀ վարչական դատարանը եռօրյա ժամկետում պետք է կայացնի գործի վարույթը կարճելու մասին որոշում:
Տվյալ դեպքում 07.11.2016 թվականին հայցվորի ներկայացուցիչը Դատարան է ներկայացրել դիմում, որով հայտնել է, որ հրաժարվում է ներկայացված հայցից, որպիսի պայմաններում Դատարանը գտնում է, որ սույն վարչական գործի վարույթն ըստ հայցի <<Օրիենթ Սթոն>> ՍՊԸ-ի ընդդեմ ՀՀ էներգետիկայի և բնական պաշարների նախարարության, Արարատի մարզի Ավշարի գյուղական համայնքի ղեկավար Ս.Գրիգորյանի, ՀՀ տարածքային կառավարման և արտակարգ իրավիճակների նախարարության՝ Ավշար համայնքի վարչական սահմաններում գտնվող (նախկինում Գոռավան համայնքի սահմաններում գտնվող) <<Օրիենթ Սթոն>> ՍՊԸ-ի կողմից փաստացի շահագործվող հանքավայրի զբաղեցրած 5 հա հողամասի նկատմամբ <<Օրիենթ Սթոն>> ՍՊԸ-ի վարձակալության իրավունքի իրավահարաբերության առկայությունը ճանաչելու, Ավշար համայնքի վարչական սահմաններում գտնվող (նախկինում Գոռավան համայնքի սահմաններում գտնվող) <<Օրիենթ Սթոն>> ՍՊԸ-ի կողմից փաստացի շահագործվող 5 հա հանքաքարի հանքավայրի նկատմամբ <<Օրիենթ Սթոն>> ՍՊԸ-ի հանքային իրավունքի իրավահարաբերության առկայությունը ճանաչելու պահանջների մասին, ՀՀ վարչական դատավարության օրենսգրքի 96-րդ հոդվածի 1-ին մասի 6-րդ կետի ուժով ենթակա է կարճման:
Անդրադառնալով դատական ծախսերի բաշխման հարցին՝ Դատարանը գտնում է, որ այն պետք է համարել լուծված հետևյալ պատճառաբանությամբ.
ՀՀ վարչական դատավարության օրենսգրքի 60-րդ հոդվածի 2-րդ մասի համաձայն՝ նույն հոդվածի 1-ին մասով նախատեսված դատական ծախսերի հատուցման պարտականությունը դրվում է հայցվորի վրա, եթե գործի վարույթը կարճվում է, բացառությամբ նույն օրենսգրքի 96-րդ հոդվածի 1-ին մասի 7-րդ, 10-րդ կետերում նշված դեպքերի։ Նշված դեպքերում դատարանը կարող է դատական ծախսերի հատուցման պարտականությունը ամբողջությամբ կամ մասնակիորեն դնել պատասխանողի վրա։ Հայցից հրաժարվելու կամ դատական ակտի դեմ ներկայացրած բողոքը հետ վերցնելու դեպքում անձը կրում է դրա հետևանքով առաջացած դատական ծախսերի հատուցման պարտականությունը, բացառությամբ այն դեպքի, երբ մինչև հայցադիմումը վարույթ ընդունելու կամ բողոքը վարույթ ընդունելու մասին որոշում կայացնելը կողմը դիմել է այն վերադարձնելու մասին։
Նշված նորմից հետևում է, որ հայցից հրաժարվելու դեպքում դատական ծախսը ենթակա է հատուցման հայցվորի կողմից, սակայն հաշվի առնելով, որ տվյալ դեպքում հայցվոր կողմը սույն գործով առաջացած դատական ծախսը, այն է՝ պետական տուրքը, վճարել է հայցադիմում ներկայացնելիս, ուստի այդ հարցը պետք է համարել լուծված:
Ելնելով վերոգրյալից և ղեկավարվելով ՀՀ վարչական դատավարության օրենսգրքի 60-րդ հոդվածով, 96-րդ հոդվածի 1-ին մասի 6-րդ կետով և 123-րդ հոդվածներով, ՀՀ քաղաքացիական դատավարության օրենսգրքի 144-րդ հոդվածով՝ Դատարանը

Ո Ր Ո Շ Ե Ց

1. Թիվ ՎԴ/6999/05/15 վարչական գործի վարույթը՝ ըստ հայցի <<Օրիենթ Սթոն>> ՍՊԸ-ի ընդդեմ ՀՀ էներգետիկայի և բնական պաշարների նախարարության, Արարատի մարզի Ավշարի գյուղական համայնքի ղեկավար Ս.Գրիգորյանի, ՀՀ տարածքային կառավարման և արտակարգ իրավիճակների նախարարության՝ Ավշար համայնքի վարչական սահմաններում գտնվող (նախկինում Գոռավան համայնքի սահմաններում գտնվող) <<Օրիենթ Սթոն>> ՍՊԸ-ի կողմից փաստացի շահագործվող հանքավայրի զբաղեցրած 5 հա հողամասի նկատմամբ <<Օրիենթ Սթոն>> ՍՊԸ-ի վարձակալության իրավունքի իրավահարաբերության առկայությունը ճանաչելու, Ավշար համայնքի վարչական սահմաններում գտնվող (նախկինում Գոռավան համայնքի սահմաններում գտնվող) <<Օրիենթ Սթոն>> ՍՊԸ-ի կողմից փաստացի շահագործվող 5 հա հանքաքարի հանքավայրի նկատմամբ <<Օրիենթ Սթոն>> ՍՊԸ-ի հանքային իրավունքի իրավահարաբերության առկայությունը ճանաչելու պահանջների մասին, կարճել:
2. Դատական ծախսերի հարցը համարել լուծված:
3. Սույն որոշումն օրինական ուժի մեջ է մտնում կայացման պահից մեկ ամիս հետո և կարող է բողոքարկվել ՀՀ վարչական վերաքննիչ դատարան՝ մինչև այդ ակտի օրինական ուժի մեջ մտնելու համար սահմանված ժամկետը:


ԴԱՏԱՎՈՐ՝ ԱՐԹՈՒՐ ԱՎԱԳՅԱՆ