Գործ ՏԴ/0040/01/21


Դ Ա Տ Ա Վ Ճ Ի Ռ
Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն
04.05.2021թ. ք.Իջևան

Տավուշի մարզի ընդհանուր իրավասության դատարանը`
նախագահությամբ դատավորª Ռաֆիկ Մելքոնյանի
քարտուղարությամբª Նոնա Օհանյանի
մասնակցությամբ
դատախազª Վաչե Ղազարյանի
պաշտպան՝ Սարգիս Հովհաննիսյանի

քննելով քրեական գործն ըստ մեղադրանքի Արմեն Գուրգենի Ստեփանյանիª ծնված 25.07.1975թ. Մասիս քաղաքում, ազգությամբ հայ, ՀՀ և ՌԴ քաղաքացի, միջնակարգ կրթությամբ, նախկինում չդատված, ամուսնացած, խնամքին երկու անչափահաս երեխա, զբաղվում է անասնապահությամբ, կալանքի տակ է 2021թ. հունվարի 22-ից, բնակվել է Արարատի մարզ, Խարբերդ համայնք, 5 փողոց, տուն 99 հասցեում, մեղադրվում է ՀՀ քրեական օրենսգրքի 329 հոդվածի 1-ին մասով

Պ Ա Ր Զ Ե Ց

1.Գործի դատավարական նախապատմությունը.
22.01.2021թ. ՀՀ ԱԱԾ քննչական դեպարտամենտի քննիչ Հ.Մարտիրոսյանի կողմից որոշում է կայացվել ՀՀ քրեական օրենսգրքի 329 հոդվածի 1-ին մասով քրեական գործ հարուցելու մասին: 23.01.2021թ. ՀՀ քրեական օրենսգրքի 329 հոդվածի 1-ին մասով Արմեն Գուրգենի Ստեփանյանը որպես մեղադրյալ է ներգրավվել այն բանի համար, որ նա առանց սահմանված փաստաթղթերի և պատշաճ թույլտվության ապօրինի հատել է Հայաստանի Հանրապետության պետական սահմանը:
Այսպես.
Հայաստանի Հանրապետության և Ռուսաստանի Դաշնության քաղաքացի Արմեն Գուրգենի Ստեփանյանը, 2018 թվականի հունիսի 1-ից ՌԴ-ում հետախուզման մեջ գտնվելով ՌԴ քրեական օրենսգրքի 33-րդ հոդվածի 3-րդ մասով, 30-րդ հոդվածի 3-րդ մասով և 322-րդ հոդվածի 3-րդ մասով նախատեսված հանցագործություն կատարելու համար, 2018 թվականի նոյեմբերի վերջերին շրջանցել է ՀՀ սահմանապահ զորքերի ՙԲագրատաշեն՚ հսկիչ-անցագրային կետն ու ապօրինիª առանց սահմանված փաստաթղթերի և պատշաճ թույլտվության, Դեբեդ գետն անցնելու եղանակով Վրաստանի կողմից հետիոտն հատել է ՀՀ պահպանվող պետական սահմանը և մուտք գործել ՀՀ տարածք:
31.03.2021թ. քրեական գործը մեղադրական եզրակացությամբ ուղարկվել է Տավուշի մարզի ընդհանուր իրավասության դատարան:

2. Արագացված դատական քննություն.
Մինչ դատաքննությունն սկսելն ամբաստանյալ Արմեն Գուրգենի Ստեփանյանը միջնորդեց դատական քննությունն անցկացնել արագացված կարգով և հայտարարեց, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Միջնորդությունը պնդեց նաև պաշտպանը:
Գործով մեղադրողը չառարկեց արագացված կարգ կիրառելու մասին միջնորդության դեմ:
Նկատի ունենալով, որ հարուցված միջնորդությունը բխում է ՀՀ քրեական դատավարության օրենսգրքի 3751, 3752 հոդվածների պահանջներից, իսկ ՀՀ քրեական օրենսգրքի 329 հոդվածի 1-ին մասով որակումը համապատասխանում է ամբաստանյալին առաջադրված մեղադրանքին` դատարանը որոշեց անցկացնել արագացված կարգով դատական քննություն:

3. Դատարանի իրավական վերլուծությունները.
Այսպիսով, ամբաստանյալ Արմեն Գուրգենի Ստեփանյանին մեղսագրված արարքը հաստատված է, ՀՀ քրեական օրենսգրքի 329 հոդվածի 1-ին մասով ճիշտ է որակված, որի համար նա ենթակա է պատժի:
ՀՀ քրեական օրենսգրքի 10-րդ հոդվածի 1-ին մասի համաձայն` հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար: ՀՀ քրեական օրենսգրքի 48-րդ հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները: ՀՀ քրեական օրենսգրքի 61-րդ հոդվածի համաձայն` պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով: Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները:
Ամբաստանյալ Արմեն Գուրգենի Ստեփանյանի նկատմամբ պատիժ նշանակելիս դատարանը հաշվի է առնում ոչ միայն կատարված հանցագործության բնույթը և հասարակական վտանգավորության աստիճանը, այլև ամբաստանյալի անձը բնութագրող հանգամանքներըª այն, որ նախկինում դատապարտված կամ այլ կերպ արատավորված չի եղել, իրեն լիովին մեղավոր է ճանաչում, զղջում է կատարածի համար, բնութագրվում է դրականորեն:
Որպես ամբաստանյալի պատասխանատվությունը և պատիժը մեղմացնող հանգամանք` դատարանը հաշվի է առնում այն, որ ամբաստանյալը խնամքի տակ ունի մինչև տասնչորս տարեկան երկու երեխա:
Գործով ամբաստանյալի պատասխանատվությունը և պատիժը ծանրացնող հանգամանք ձեռք չի բերվել: Անդրադառնալով դատախազի այն փաստարկին, որ իբրև անձը բնութագրող հանգամանք պետք է հաշվի առնել ամբաստանյալիª ՌԴ-ում միևնույն արարքի համար հետախուզման մեջ գտնվելու հանգամանքը, դատարանը գտնում է, որ դրանով իսկ խախտվելու է ՀՀ քրեական դատավարության օրենսգրքի 18 հոդվածի պահանջն առ այն, որ հանցագործության համար կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ օրինական ուժի մեջ մտած դատավճռով:
ՀՀ քրեական դատավարության օրենսգրքի 3753-րդ հոդվածի 6-րդ մասի համաձայն դատարանն արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից, ապա առավել մեղմ պատիժը: Միաժամանակ դատարանը գտնում է, որ ամբաստանյալ Արմեն Գուրգենի Ստեփանյանի նկատմամբ ՀՀ քրեական օրենսգրքի 329 հոդվածի 1-ին մասով պատիժ պետք է նշանակել որոշակի ժամկետով ազատազրկում՝ նվազագույն չափով, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը: Անդրադառնալով այն հարցին, թե ամբաստանյալն արդյոք պետք է կրի իր նկատմամբ նշանակված պատիժը, դատարանը գտնում է, որ նշանակված ազատազրկման ձևով պատժի ժամկետին ենթակա է հաշվակցման ամբաստանյալիª նախնական կալանքի տակ գտնվելու ժամկետը:
Ապացույց ճանաչված փաստաթղթերը, որոնք կցված են քրեական գործին, թողնել քրեական գործի մեջ:
Քննության առնելով ամբաստանյալ Արմեն Գուրգենի Ստեփանյանի նկատմամբ ընտրված խափանման միջոցի հարցը` դատարանը գտնում է, որ նրա նկատմամբ ընտրված խափանման միջոցըª կալանավորումը, պետք է վերացնել և նրան անհապաղ ազատ արձակել արգելանքից դատական նիստերի դահլիճում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 3753 հոդվածով` դատարանը

Վ Ճ Ռ Ե Ց

Ամբաստանյալ Արմեն Գուրգենի Ստեփանյանին մեղավոր ճանաչել ՀՀ քրեական օրենսգրքի 329 հոդվածի 1-ին մասով և դատապարտել 3 /երեք/ ամիս ժամկետով ազատազրկման:
ՀՀ քրեական օրենսգրքի 69 հոդվածի կիրառմամբ ամբաստանյալ Արմեն Գուրգենի Ստեփանյանիª կալանքի տակ գտնվելու ժամկետը հաշվակցել ազատազրկման ձևով նշանակված պատժին և համարել նրա կողմից պատիժը կրած:
Ամբաստանյալի նկատմամբ ընտրված խափանման միջոց կալանքը վերացնել և նրան անհապաղ ազատ արձակել արգելանքից դատական նիստերի դահլիճում:
Ապացույց ճանաչված փաստաթղթերը, որոնք կցված են քրեական գործին, թողնել քրեական գործի մեջ:
Բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքերի` դատավճիռը վերաքննության կարգով կարող է բողոքարկվել հրապարակման պահից մեկամսյա ժամկետում:

Դ Ա Տ Ա Վ Ո Րª Ռ. Մ Ե Լ Ք Ո Ն Յ Ա Ն