Ո Ր Ո Շ ՈՒ Մ

ԲԺՇԿԱԿԱՆ ԲՆՈՒՅԹԻ ՀԱՐԿԱԴՐԱՆՔԻ ՄԻՋՈՑ ԿԻՐԱՌԵԼՈՒ ՄԱՍԻՆ


ՙ12՚ հունվարի 2021թ. ք. ԻՋԵՎԱՆ

ՏԴ/0053/01/18

ՀՀ ՏԱՎՈՒՇԻ ՄԱՐԶԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ (այսուհետ նաևª Դատարան)ª

ՆԱԽԱԳԱՀՈՒԹՅԱՄԲ` ԴԱՏԱՎՈՐ ՍԱՄՎԵԼ ՄԱՐԴԱՆՅԱՆԻ

ՔԱՐՏՈՒՂԱՐՈՒԹՅԱՄԲ` ՕՖԵԼՅԱ ՄԵԼՔՈՒՄՅԱՆԻ

ՄԱՍՆԱԿՑՈՒԹՅԱՄԲ`

ԴԱՏԱԽԱԶ ԱՐՄԱՆ ՀՈՎՀԱՆՆԻՍՅԱՆԻ

ՕՐԻՆԱԿԱՆ ՆԵՐԿԱՅԱՑՈՒՑԻՉ ԿԱՐԻՆԵ ՊԵՏՐՈՍՅԱՆԻ

ՀԱՆՐԱՅԻՆ ՊԱՇՏՊԱՆ ՎՐԵԺ ՆԵՐԿԱՐԱՐՅԱՆԻ

դռնբաց դատական նիստում քննության առնելով անմեղսունակության վիճակում ՀՀ քրեական օրենսգրքի 329-րդ հոդվածի 1-ին մասով /երկու դրվագով/ արգելված արարք կատարած անձ Գագիկ Ռաֆիկի Պետրոսյանի (ծնված 22.09.1961թ., ՀՀ Լոռու մարզի Հագվի գյուղում, ազգությամբ հայ, քաղաքացիությունն անհայտ, բարձրագույն կրթությամբ, ամուրի, նախկինում դատված, դատվածությունը մարված, դատվածություն չունեցող, չի աշխատում, բնակվում է ՀՀ Լոռու մարզ, Թումանյանի շրջան, գ. Հագվի, 5-րդ փողոց, տուն 26 հասցեում, ներկայումս գտնվում է ՀՀ ԱՆ ՙՀոգեկան առողջության պահպանման ազգային կենտրոն՚ ՓԲԸ-ի հատուկ հսկողության հոգեբուժական բաժանմունքում) նկատմամբ բժշկական բնույթի հարկադրական միջոց կիրառելու վրաբերյալ վարույթը,

Պ Ա Ր Զ Ե Ց

1. Գործի դատավարական նախապատմությունը.
11.08.2018թ. ՀՀ ԱԱԾ քննչական վարչության քննիչ Ա.Ստեփանյանի կողմից հարուցվել է թիվ 58217418 քրեական գործըª ՀՀ քրեական օրենսգրքի 329-րդ հոդվածի 1-ին մասի հատկանիշներով և ընդունվել վարույթ:
21.08.2018թ. Գագիկ Ռաֆիկի Պետրոսյանը թիվ 58217418 քրեական գործով ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 329-րդ հոդվածի 1-ին մասով /երկու դրվագով/ այն բանի համար, որ նա 2015 թվականի սեպտեմբերի 25-ին Տավուշի մարզի Բագրատաշեն գյուղի տարածքով անցնելով Դեբեդ գետը, շրջանցելով սահմանային անցակետերըª առանց սահմանված փաստաթղթերի և առանց պատշաճ թույլտվությանª ապօրինի հատել է Հայաստանի Հանրապետության պահպանվող պետական սահմանըª մուտք գործելով Վրաստան:
Բացի այդ, Գագիկ Ռաֆիկի Պետրոսյանը 2018 թվականի օգոստոսի 01-ի առավոտյան Տավուշի մարզի Բագրատաշեն գյուղի տարածքով անցնելով Դեբեդ գետը, շրջանցելով սահմանային անցակետերըª առանց սահմանված փաստաթղթերի և առանց պատշաճ թույլտվությանª ապօրինի հատել է Հայաստանի Հանրապետության պահպանվող պետական սահմանըª Վրաստանից մուտք գործելով Հայաստանի Հանրապետության տարածք, որից հետո Գագիկ Պետրոսյանը նույն օրը հայտնաբերվել և բերման է ենթարկվել ՀՀ ազգային անվտանգության ծառայության սահմանապահ զորքերի 1-ին սահմանապահ ջոկատի զինծառայողների կողմից:
29.11.2018թ. որոշում է կայացվել Գագիկ Ռաֆիկի Պետրոսյանի նկատմամբ ՀՀ քրեական օրենսգրքի 205-րդ հոդվածի 1-ին մասով քրեական հետապնդում չիրականացնելª նրա գործողություններում հանցակազմի բացակայության հիմքով:
Նույն օրը նշված որոշման պատճենը, կից նյութերը, ինչպես նաև Գագիկ Ռաֆիկի Պետրոսյանի մոտ հայտնաբերված ժամացույցները և դրանց մեխանիզմներն ուղարկվել են ՀՀ պետական եկամուտների կոմիտեª վարչական վարույթ հարուցելու հարցը քննարկելու համար:
13.12.2018թ. սույն քրեական գործը մեղադրական եզրակացությամբ ուղարկվել է ՀՀ Տավուշի մարզի առաջին ատյանի ընդհանուր իրավասության դատարան և էլեկտրոնային մակագրման համակարգի միջոցով մակագրվել դատավոր Ս. Մարդանյանին:
14.12.2018թ. քրեական գործն ընդունվել է դատավոր Ս. Մարդանյանի վարույթ և նշանակվել դատաքննության:
14.03.2019թ. կայացած դատական նիստին ամբաստանյալ Գագիկ Ռաֆիկի Պետրոսյանի պաշտպան Վրեժ Ներկարարյանը միջնորդություն է ներկայացրել դատարանինª ամբաստանյալ Գագիկ Ռաֆիկի Պետրոսյանի նկատմամբ նշանակել ամբուլատոր դատահոգեբուժական փորձաքննություն:
Նույն օրը բավարարվել է պաշտպանի միջնորդությունը և նկատի ունենալով, որ ամբաստանյալ Գագիկ Ռաֆիկի Պետրոսյանը սույն քրեական գործով նշանակված բոլոր դատական նիստերին դրսևորել է այնպիսի անհավասարակշիռ վարքագիծ, որը ողջամիտ կասկածներ է առաջացրել ինչպես Դատարանի, այնպես էլ քրեական դատավարությանը մասնակցող անձանց մոտª վերջինիս կողմից իրավիճակը ճիշտ ընկալելու, իր գործողությունների բնույթը գիտակցելու, ինչպես նաև դրանք կառավարելու առումով, իսկ նշված հանգամանքների պարզումը կարևոր է սույն քրեական գործի ճիշտ լուծման համար, միաժամանակ այդ հանգամանքները պարզելու համար անհրաժեշտ են գիտության բնագավառի հատուկ գիտելիքներ, վերջինիս նկատմամբ նշանակվել է ամբուլատոր դատահոգեբուժական փորձաքննություն, որի կատարումը հանձնարարվել է ՀՀ առողջապահության նախարարության Լոռու մարզային հոգենյարդաբանական դիսպանսերի ամբուլատոր դատահոգեբուժական փորձագիտական հանձնաժողովին:
10.10.2019թ. որոշում է կայացվել ամբաստանյալի նկատմամբ որպես խափանման միջոց կալանավորում կիրառելու, նրա նկատմամբ հետախուզում հայտարարելու և քրեական գործի վարույթը կասեցնելու մասին:
29.10.2019թ. ամբաստանյալ Գագիկ Ռաֆիկի Պետրոսյանը հայտնաբերվել, ներկայացվել է Դատարանին, և քրեական գործի վարույթը վերսկսվել է:
Նկատի ունենալով, որ Դատարանի կողմից նշանակված ամբուլատոր դատահոգեբուժական փորձաքննության կատարմանը հնարավոր չի եղել ապահովել Գագիկ Ռաֆիկի Պետրոսյանի ներկայությունըª չնայած ձեռնարկված ջանքերին, ուստի 02.06.2020թ. Դատարանի կողմից որոշում է կայացվել ամբաստանյալ Գագիկ Ռաֆիկի Պետրոսյանի նկատմամբ ստացիոնար դատահոգեբուժական փորձաքննություն նշանակելու մասին:
23.11.2020թ. ստացվել է դատահոգեբուժական փորձաքննության թիվ 79 եզրակացությունը, համաձայն որիª ՙ(...) Գագիկ Ռաֆիկի Պետրոսյանը տառապել և տառապում է ՙՇիզոֆրենիա պարանոիդ ձև F 20.0՚ հոգեկան հիվանդությամբ:
Ինչպես իրավախախտումը կատարելիսª 25.09.2015թ., 01.08.2018թ., այնպես էլ ներկայումս փորձաքննվողը գտնվել և գտնվում է վերը նշված հիվանդագին խանգարված վիճակում, արարքը կատարել է զառանցական ապրումների ներքո, ինչը նրան զրկել և զրկում է գիտակցել իր գործողությունների վտանգավորությունը և ղեկավարել դրանք: Ուստի իրեն մեղսագրվող արարքի նկատմամբ Գագիկ Ռաֆիկի Պետրոսյանին հարկ է ճանաչել անմեղսունակ:
Իր ներկա հոգեկան վիճակով նա չի կարող մասնակցել դատաքննչական գործողություններին, սոցիալապես խիստ վտանգավոր է, ինչպես իր, այնպես էլ շրջապատի համար, կարիք ունի հարկադիր բուժման հատուկ հսկողության հոգեբուժական բաժանմունքի պայմաններում՚:
24.11.2020թ. որոշում է կայացվել Գագիկ Ռաֆիկի Պետրոսյանի վերաբերյալ ՀՀ քրեական օրենսգրքի 329-րդ հոդվածի 1-ին մասով /երկու դրվագով/ քրեական գործը փոխակերպել անմեղսունակության վիճակում քրեական օրենքով չթույլատրված արարք կատարած անձի նկատմամբ բժշկական բնույթի հարկադրանքի միջոց կիրառելու վարույթի:
10.12.2020թ. որոշում է կայացվել Գագիկ Ռաֆիկի Պետրոսյանի նկատմամբ ընտրված խափանման միջոց կալանավորումը վերացնելու, նրա նկատմամբ անվտանգության միջոց կիրառելուª բժշկական հաստատությունում տեղավորելու մասին:
2. Ապացույցների հետազոտում և գնահատում.
Դատաքննությամբ հետազոտված ապացույցներով դատարանը հաստատված համարեց, որ ՀՀ Լոռու մարզի Հագվի գյուղի բնակիչ Գագիկ Ռաֆիկի Պետրոսյանը 2015 թվականի սեպտեմբերի 25-ին Տավուշի մարզի Բագրատաշեն գյուղի տարածքով անցնելով Դեբեդ գետը, շրջանցելով սահմանային անցակետերըª առանց սահմանված փաստաթղթերի և առանց պատշաճ թույլտվությանª ապօրինի հատել է Հայաստանի Հանրապետության պահպանվող պետական սահմանըª մուտք գործելով Վրաստան:
Բացի այդ, Գագիկ Ռաֆիկի Պետրոսյանը 2018 թվականի օգոստոսի 01-ի առավոտյան Տավուշի մարզի Բագրատաշեն գյուղի տարածքով անցնելով Դեբեդ գետը, շրջանցելով սահմանային անցակետերըª առանց սահմանված փաստաթղթերի և առանց պատշաճ թույլտվությանª ապօրինի հատել է Հայաստանի Հանրապետության պահպանվող պետական սահմանըª Վրաստանից մուտք գործելով Հայաստանի Հանրապետության տարածք, որից հետո Գագիկ Պետրոսյանը նույն օրը հայտնաբերվել և բերման է ենթարկվել ՀՀ ազգային անվտանգության ծառայության սահմանապահ զորքերի 1-ին սահմանապահ ջոկատի զինծառայողների կողմից:
Քրեական օրենքով արգելված արարք կատարած անձի օրինական ներկայացուցիչ Կարինե Ռաֆիկի Պետրոսյանը հայտնեց, որ Գագիկ Պետրոսյանն իր հարազատ եղբայրն է: Ինքը տեղյակ չէ նրա կողմից առանց համապատասխան փաստաթղթերի և թույլտվության ՀՀ սահմանը հատելու մասին: Նա այնպիսի բնավորություն ունի, որ ոչ մեկի չի լսում, այդ թվումª նաև իրեն: Ինքը չի կարող երաշխավորել, որ կարող է վերահսկել նրան: Միաժամանակ գտնում է, որ տանը լինելու դեպքում նրա վիճակն ավելի լավ կարող է լինել և չի կարծում, որ հոգեբուժական հիվանդանոցում նրան կարող են բուժել, կարծում է, որ նրան ընդամենը ուժեղ հանգստացնող դեղեր են տալիս /դատական նիստի արձանագրություն/:
Վկա Արեն Սեյրանի Բաբայանը նախաքննության ընթացքում ցուցմունք է տվել այն մասին, որ Գագիկ Ռաֆիկի Պետրոսյանն իր հարազատ մորեղբայրն է: Նա զբաղվում է ժամացույցների առուվաճառքով: 2015 թվականին Գագիկ Պետրոսյանը մեկնել է Վրաստան և շուրջ երեք տարի բնակվել Վրաստանի Թբիլիսի քաղաքում: Ինքը տեղյակ է, որ նա օրինական կարգով է մեկնել Հայաստանի Հանրապետությունից: Բացարձակ որևէ տեղեկություն չի ունեցել այն մասին, որ նա ապօրինի է հատել ՀՀ պահպանվող պետական սահմանըª հայտնվելով Վրաստանում: Այդ մասին իմացել է այն ժամանակ, երբ նույն եղանակով Հայաստանի Հանրապետություն մուտք գործելուց հետո Գագիկին բռնել էին ՀՀ ԱԱԾ սահմանապահ զորքերի աշխատակիցները: Մինչ Վրաստան մեկնելն ինքը Գագիկ Պետրոսյանի հետ, կարելի է ասել, որպես այդպիսին շփում չի ունեցել: Այդ ժամանակ նա բնակվել է Երևան քաղաքում, թեպետ հաշվառված է եղել իր բնակության հասցեում, որը նրա հայրական տունն է: Երբ Գագիկը բնակվել է Վրաստանում, առիթից առիթ համացանցի միջոցով զրուցել են նրա հետ, հետաքրքրվել նրա որպիսությունից և իրենց շփումն այդքանով սահմանափակվել է: Գիտի, որ նա իր հավաքած գումարով է ապրել, այլ մանրամասների մասին տեղյակ չէ: Հերթական անգամª 2018 թվականի հուլիսի 31-ին, Գագիկը ՙViber՚ բջջային հավելվածովª +995597901071 համարի ներքո գրանցված, կապ է հաստատել իր հետ և զրույցի ընթացքում իրեն ասել, որ ցանկանում է վերադառնալ Հայաստան, անհրաժեշտ է իրեն դիմավորել: Գագիկն իրեն ասել է, որ հայկական բջջային հեռախոսահամար չունի, այդ իսկ պատճառով ինքը պետք է հաջորդ օրըª 2018 թվականի օգոստոսի 01-ին, լիներ Տավուշի մարզի Բագրատաշեն գյուղում: Նա ասել է, որ այդ գյուղի մի հայտնի վայրի մոտ սպասի իրեն: Քանի որ նա հայկական հեռախոսահամար չի ունեցել, ինքը պետք է ասեր այդ վայրը, նա էլ կգար այդտեղ: Իր ծանոթներից տեղեկացել է, որ դա Բագրատաշեն գյուղի ՙԲաղնիքի թաղ՚ կոչվող հատվածն է, ինչի մասին էլ ասել է Գագիկին: Նա հետաքրքրվել է, թե ինչ ավտոմեքենայով է գնալու, ինքն էլ ասել է, որ իր ՙՖոլկսվագեն Ջետտա՚ մակնիշի 34 MN 461 հաշվառման համարանիշի ավտոմեքենայով: Ինքն անգամ հարցրել է, թե նա կցանկանա արդյո±ք, որ իրեն դիմավորի իր վաղեմի ծանոթ, իրենց գյուղի բնակիչ Դավիթի հետ, որին ի պատասխան Գագիկն ասել է, որ իր համար տարբերություն չկա: Ինքը սահմանային անցակետի մոտ Գագիկին դիմավորելու չի գնացել, քանի որ նա էր իրեն այդպես ասել: Նա իր էությամբ այնպիսի մարդ է, որ չի սիրում, որ իրեն ավելորդ հարցեր տան, բացի այդ էլ, ինքը կոնկրետ չի իմացել, թե սահմանային անցակետը Բագրատաշեն գյուղի որ հատվածում է, քանի որ երբևէ ՀՀ պետական սահմանը չի հատել: Մի խոսքով, ինքը հաջորդ օրը գնացել է Բագրատաշեն գյուղի ՙԲաղնիքի թաղ՚ կոչվող հատված, որտեղ եղել է բաղնիքի հին շենք, որի տեղակայման վայրը ինքը պարզել էª անծանոթ անձանց հարց ու փորձ անելով: Այդ մասին տեղյակ է պահել Գագիկին, նա էլ ասել է, որ կգա այդ հատված: Որոշ ժամանակ անց սպասելուց հետո ինքը նկատել է ՀՀ ԱԱԾ սահմանապահ զորքերի զինծառայողներին, որոնց հետ է գտնվել նաև Գագիկ Պետրոսյանը: Երբ իրենք տեղափոխվել են մոտակա պարետատուն, Գագիկն իրենց պատմել է, թե ինչ եղանակով է 2015 թվականի սեպտեմբերի 25-ին և 2018 թվականի օգոստոսի 01-ին հատել ՀՀ պետական սահմանըª շրջանցելով սահմանային անցակետերը: Ինքը բացարձակ որևէ տեղեկություն չի ունեցել նշվածի վերաբերյալ, ոչ էլ եկել է գյուղ Բագրատաշեն, որ օգնի Գագիկինª ապօրինի հատել ՀՀ պահպանվող պետական սահմանը: Ինքն ընդամենը եկել է վերջինիս դիմավորելուª կարծելով, որ նա ՀՀ է մուտք գործելու Բագրատաշեն գյուղում գտնվող վրացահայկական սահմանային անցակետով: Այդքանը կարող է հայտել, ամեն ինչ հանգամանալից շարադրել է, ավելացնելու ոչինչ չունի /գ.թ. 63-65/:
Դատաքննությամբ հետազոտվեցին նաև հետևյալ ապացույցները.
գ 01.08.2018թ. կազմվածª անձնական խուզարկության ենթարկելու մասին արձանագրությունը, համաձայն որիª 2018 թվականի օգոստոսի 01-ին անձնական խուզարկության է ենթարկվել Գագիկ Ռաֆիկի Պետրոսյանը, որի արդյունքում հայտնաբերվել է անձնական պայուսակ, որում առկա են եղել ՙFUJITSU FMV LIFEBOOK՚ անվանումով դյուրակիր համակարգիչª դրա համար նախատեսված կտորից պայուսակով, որի մեջ առկա են եղել 8 ութ հատ փոքր մարտկոցներª ՙToshiba՚ անվանումով, ՙNOKIA՚ ապրանքանիշի թվով 2 բջջային հեռախոսներ, ՙSony Xperia՚ ապրանքանիշի բջջային հեռախոս, 2 նոթատետր, 7 հատ էլեկտրոնային կրիչներ, ՙSysteme Roskopf Patent՚ գրառմամբ 1 հատ ժամացույց, ՙZenit՚ գրառմամբ 2 հատ ժամացույց, ՙDoxa՚ գրառմամբ 2 հատ ժամացույց, ՙOmega՚ գրառմամբ 2 հատ ժամացույց, ՙMovado՚ գրառմամբ 1 հատ ժամացույց, ՙTavannes՚ գրառմամբ 2 հատ ժամացույց, ՙBordfelsg՚ գրառմամբ 1 հատ ժամացույց, ՙCornavin՚ գրառմամբ 1 հատ ժամացույց, ՙTaketa՚ գրառմամբ 1 հատ ժամացույց, ՙHeuer՚ գրառմամբ 1 հատ ժամացույց, ՙMoulinet՚ գրառմամբ 1 հատ ժամացույց, ՙGeorges Favre Jacot՚ գրառմամբ 2 հատ ժամացույց, ՙBeamtenfreund՚ գրառմամբ 1 հատ ժամացույց, ՙGUB՚ գրառմամբ 2 հատ ժամացույց, ՙПОЛЕТ՚ գրառմամբ 2 հատ ժամացույց, որից մեկը կաշվենման ձեռնակապիչով է, ՙNational Watch՚ գրառմամբ 1 հատ ժամացույց, ՙGhronometre philippe watch՚ գրառմամբ 1 հատ ժամացույց, ՙLong Branch՚ գրառմամբ 1 հատ ժամացույց, ՙLong Sohne՚ գրառմամբ 1 հատ ժամացույց, ՙLongin՚ գրառմամբ 1 հատ ժամացույց, ՙРАКЕТА՚ գրառմամբ 1 հատ ժամացույց, գրպանի, առանց անվանման 1 հատ ժամացույց, ձեռքի մեկ հատª առանց անվանման ժամացույց, 1 հատ ոսկեգույն ժամացույցª ռուսական գերբով, ժամացույցի երկու հատ շղթա, որից մեկը կորպուսով է, երկու տուփ մեխանիկական ժամացույցների պահեստամասեր, 55 հատ ժամացույցի մեխանիզմ, ժամացույցի բազմաթիվ քանակությամբ թվային տախտակներ, դեղին գույնի վզնոցª դեղին գույնի կուլոնով, Մաղվալա Ջալաղոնիայի 09AR31599 համարի վրացական անձնագիրը և Գագիկ Պետրոսյանի 01560001288 համարի վրացական ժամանակավոր կացության վկայականը և նամակª ուղղված ՀՀ իշխանություններին /գ.թ. 3/:
գ Զննում կատարելու մասին արձանագրությունը, համաձայն որիª 2018 թվականի նոյեմբերի 28-ին կատարվել է Գագիկ Պետրոսյանի անձնական խուզարկությամբ հայտնաբերվածª 1. Կապույտ գույնի կազմով նոթատետրի, 2. Սև գույնի կազմով նոթատետրի, 3. Սև գույնի իրանով ՙ0630785, 6600 32 Mbyte, CE MADE IN KOREA՚ գործարանային գրառմամբ հիշողության էլեկտրոնային կրիչի, 4. Սև գույնի իրանով ՙSanDisk Ultra 4GB SanDisk՚ գործարանային գրառմամբ հիշողության էլեկտրոնային կրիչի, 5. ՙVerbatim՚ գրառմամբ սև գույնի իրանով հիշողության էլեկտրոնային կրիչի, 6. ՙVerbatim՚ գրառմամբ սև գույնի իրանով հիշողության էլեկտրոնային կրիչի, 7. ՙVerbatim՚ գրառմամբ սպիտակ և կապույտ գույնի իրանով հիշողության էլեկտրոնային կրիչի, 8. ՙCOLOR TURN Team Group Inc՚ գրառմամբ արծաթագույն և մանուշակագույն իրանով հիշողության էլեկտրոնային կրիչի, 9. ՙVerbatim՚ գրառմամբ կանաչ և սև գույնի իրանով հիշողության էլեկտրոնային կրիչի, 10. ՙՆոկիա՚ ապրանքանիշի սև իրանով բջջային հեռախոսի, 11. ՙSONY XPERIA՚ բջջային հեռախոսի, 12. Թափանցիկ պոլիմերային ծածկերով, մետաղական իրաններով, գլանաձև տեսքով, էլեկտրական թվով 8 մարտկոցների, 13. Սև գույնի պլաստմասսե իրանով, սպիտակ գույնի ստեղնաշարով դյուրակիր համակարգչի, 14 ՙՆոկիա՚ ապրանքանիշի բջջային հեռախոսի, 15. Ինչպես նաև սահմանային էլեկտրոնային կառավարման տեղեկատվական համակարգից 02.08.2018թ. տպված, Գագիկ Ռաֆիկի Պետրոսյանիª ՀՀ պետական սահմանի սահմանահատումների պատմությունն իր մեջ պարունակող տեղեկատվության զննում: Վերը թվարկված էլեկտրոնային կրիչների զննության ընթացքում հայտնաբերվել են քրեական գործի համար կարևոր ապացուցողական նշանակություն ունեցող տվյալներ, մասնավորապես, Գագիկ Ռաֆիկի Պետրոսյանիª Վրաստանում բնակվելու վերաբերյալ տեղեկություններ, վրացական հեռախոսահամարներ և այլն, իսկ սահմանային էլեկտրոնային կառավարման տեղեկատվական համակարգից 02.08.2018թ. տպված, Գագիկ Ռաֆիկի Պետրոսյանիª ՀՀ պետական սահմանի սահմանահատումների պատմությունն իր մեջ պարունակող տեղեկատվության զննության արդյունքում պարզվել է, որ Գագիկ Պետրոսյանը 2008 թվականի ապրիլի 20-ինª ժամը 04:46-ին, ՀՀ պետական սահմանի ՙԶվարթնոց՚ սահմանային հսկիչ-անցագրային կետով մուտք է գործել ՀՀ տարածք, այնուհետև 2008 թվականի ապրիլի 22-ինª ժամը 21:18-ին, ՀՀ պետական սահմանի ՙԶվարթնոց՚ սահմանային հսկիչ-անցագրային կետով դուրս է եկել ՀՀ տարածքից, դրանից հետոª 2008 թվականի մայիսի 13-ինª ժամը 13:49-ին, ՙԶվարթնոց՚ սահմանային հսկիչ-անցագրային կետով թիվ 821 չվերթով մուտք է գործել ՀՀ տարածք, 2009 թվականի դեկտեմբերի 29-ինª ժամը 12:42-ին, ՙԶվարթնոց՚ սահմանային հսկիչ-անցագրային կետով թիվ 822 չվերթով դուրս է եկել ՀՀ տարածքից և 2010 թվականի հունվարի 19-ինª ժամը 14:13-ին, ՙԶվարթնոց՚ սահմանային հսկիչ-անցագրային կետով թիվ 821 չվերթով մուտք է գործել ՀՀ տարածք, որից հետո այլևս որևէ տեղեկատվություն չկա Գագիկ Պետրոսյանի կողմից ՀՀ պետական սահմանի հատման վերաբերյալ /գ.թ. 152-160/:
գ Որպես այլ փաստաթուղթ ապացույց ճանաչվածª ՀՀ ԱԱԾ սահմանապահ զորքերի 1-ին սահմանապահ ջոկատի 1-ին սահմանապահ պարետատան պարետ, մայոր Սարգսյանի կողմից կազմվածª բերման ենթարկելու վերաբերյալ արձանագրությունը, համաձայն որիª 2018 թվականի օգոստոսի 01-ինª ժամը 11:50-ին, Տավուշի մարզի Բագրատաշեն գյուղի Դեբեդ գետի ավազանում ՀՀ քրեական օրենսգրքի 329-րդ հոդվածի 1-ին մասով նախատեսված հանցագործություն կատարելու կասկածանքով, այն էª առանց սահմանված փաստաթղթերի և առանց պատշաճ թույլտվությանª Հայաստանի Հանրապետության պահպանվող պետական սահմանն ապօրինի հատելու համար, ՀՀ ԱԱԾ սահմանապահ զորքերի 1-ին սահմանապահ ջոկատի 1-ին սահմանապահ պարետատուն է բերման ենթարկվել Գագիկ Ռաֆիկի Պետրոսյանըª ծնված 22.09.1961թ., ՀՀ Թումանյանի շրջան, գյուղ Հագվի, ազգությամբ հայ, ամուրի, իր խոսքերովª վերջին երեք տարիներին գտնվել Վրաստանի Թբիլիսի քաղաքում /գ.թ. 1/:
գ Որպես այլ փաստաթուղթ ապացույց ճանաչվածª ՀՀ սահմանային էլեկտրոնային կառավարման տեղեկատվական համակարգից 02.08.2018թ. տպված, Գագիկ Ռաֆիկի Պետրոսյանի /անձնագիր թիվ AC 0211397, ծնված 22.09.1961թ./ ՀՀ պետական սահմանի սահմանահատումների պատմությունն իր մեջ պարունակող տեղեկատվությունըª բաղկացած 1 թերթից, որի զննության արդյունքում պարզվել է, որ Գագիկ Պետրոսյանը 2008 թվականի ապրիլի 20-ինª ժամը 04:46-ին, ՀՀ պետական սահմանի ՙԶվարթնոց՚ սահմանային հսկիչ-անցագրային կետով մուտք է գործել ՀՀ տարածք, այնուհետև 2008 թվականի ապրիլի 22-ինª ժամը 21:18-ին, ՀՀ պետական սահմանի ՙԶվարթնոց՚ սահմանային հսկիչ-անցագրային կետով դուրս է եկել ՀՀ տարածքից, դրանից հետոª 2008 թվականի մայիսի 13-ինª ժամը 13:49-ին, ՙԶվարթնոց՚ սահմանային հսկիչ-անցագրային կետով թիվ 821 չվերթով մուտք է գործել ՀՀ տարածք, 2009 թվականի դեկտեմբերի 29-ինª ժամը 12:42-ին, ՙԶվարթնոց՚ սահմանային հսկիչ-անցագրային կետով թիվ 822 չվերթով դուրս է եկել ՀՀ տարածքից և 2010 թվականի հունվարի 19-ինª ժամը 14:13-ին, ՙԶվարթնոց՚ սահմանային հսկիչ-անցագրային կետով թիվ 821 չվերթով մուտք է գործել ՀՀ տարածք, որից հետո այլևս որևէ տեղեկատվություն չկա Գագիկ Պետրոսյանի կողմից ՀՀ պետական սահմանի հատման վերաբերյալ /գ.թ. 12/:
գ Որպես այլ փաստաթուղթ ապացույց ճանաչված, Գագիկ Ռաֆիկի Պետրոսյանի անձնական խուզարկությամբ հայտնաբերված, Մաղվալա Ջալաղոնիայի 09AR31599 համարի անձնագիրը /գտնվում է քրեական գործին կից փաթեթում/:
գ Որպես այլ փաստաթուղթ ապացույց ճանաչված, Գագիկ Պետրոսյանի անձնական խուզարկությամբ հայտնաբերված, Գագիկ Պետրոսյանիª 01560001288 համարի, վրացական ժամանակավոր կացության վկայականըª թարգմանությամբ /գ.թ. 23-23ա/:
գ Որպես այլ փաստաթուղթ ապացույց ճանաչվածª 2018 թվականի սեպտեմբերի 17-ին ՀՀ ոստիկանության Ինտերպոլի ազգային կենտրոնական բյուրոյից ստացված թիվ 9/A-3505-CF3/212/118/18 գրությունը, համաձայն որիª Գագիկ Ռաֆիկի Պետրոսյանըª ծնված 22.09.1961թ., գրանցված է ՙJavakheti str. N 4 flat 23, Tbilisi, Georgia՚ հասցեում, անցնում է Վրաստանի բնակչության հաշվառումներով և 01560001288 համարի, վրացական ժամանակավոր կացության քարտը տրված է եղել Գագիկ Պետրոսյանի անվամբ, որի վավերականության ժամկետը լրացել է /գ.թ. 101/:
գ 22.10.2020թ. կազմված դատահոգեբուժական փորձաքննության թիվ 79 եզրակացությունը, համաձայն որիª ՙ(...) Գագիկ Ռաֆիկի Պետրոսյանը տառապել և տառապում է ՙՇիզոֆրենիա պարանոիդ ձև F 20.0՚ հոգեկան հիվանդությամբ: Ինչպես իրավախախտումը կատարելիսª 25.09.2015թ., 01.08.2018թ., այնպես էլ ներկայումս փորձաքննվողը գտնվել և գտնվում է վերը նշված հիվանդագին խանգարված վիճակում, արարքը կատարել է զառանցական ապրումների ներքո, ինչը նրան զրկել և զրկում է գիտակցել իր գործողությունների վտանգավորությունը և ղեկավարել դրանք: Ուստի իրեն մեղսագրվող արարքի նկատմամբ Գագիկ Ռաֆիկի Պետրոսյանին հարկ է ճանաչել անմեղսունակ: Իր ներկա հոգեկան վիճակով նա չի կարող մասնակցել դատաքննչական գործողություններին, սոցիալապես խիստ վտանգավոր է, ինչպես իր, այնպես էլ շրջապատի համար, կարիք ունի հարկադիր բուժման հատուկ հսկողության հոգեբուժական բաժանմունքի պայմաններում՚ /կցված է քրեական գործին/:
3. Դատարանի իրավական վերլուծությունները.
ՀՀ քրեական օրենսգրքի 3-րդ հոդվածի համաձայն՝ ՙՔրեական պատասխանատվության միակ հիմքը հանցանք, այսինքն՝ այնպիսի արարք կատարելն է, որն իր մեջ պարունակում է քրեական օրենքով նախատեսված հանցակազմի բոլոր հատկանիշները՚:
ՀՀ քրեական օրենսգրքի 9-րդ հոդվածի համաձայն՝ ՙ1. Անձը ենթակա է քրեական պատասխանատվության միայն հանրության համար վտանգավոր այնպիսի գործողության կամ անգործության և հանրության համար վտանգավոր հետևանքների համար, որոնց վերաբերյալ նրա մեղքը հաստատված է իրավասու դատարանի կողմից:
2. Օբյեկտիվ մեղսայնացումը՝ առանց մեղքի վնաս պատճառելու համար քրեական պատասխանատվությունը, արգելվում է՚:
ՀՀ քրեական օրենսգրքի 23-րդ հոդվածի համաձայն՝ ՙՔրեական պատասխանատվության ենթակա է միայն մեղսունակ ֆիզիկական անձը, (…)՚։
ՀՀ քրեական օրենսգրքի 25-րդ հոդվածի համաձայն՝
ՙ1. Քրեական պատասխանատվության ենթակա չէ այն անձը, ով հանրության համար վտանգավոր արարք կատարելու պահին գտնվել է անմեղսունակության վիճակում, այսինքն՝ քրոնիկ հոգեկան հիվանդության, հոգեկան գործունեության ժամանակավոր խանգարման, տկարամտության կամ հոգեկան այլ հիվանդագին վիճակի հետևանքով չէր կարող գիտակցել իր գործողության (անգործության) վտանգավորությունը կամ ղեկավարել դա։
2. Հանրության համար վտանգավոր արարքն անմեղսունակության վիճակում կատարած անձի նկատմամբ դատարանը կարող է նշանակել բժշկական բնույթի հարկադրանքի միջոցներ։
(…)՚։
23. Անմեղսունակ անձանց նկատմամբ բժշկական բնույթի հարկադրական միջոցներ կիրառելու վարույթը կարգավորված է ՀՀ քրեական դատավարության օրենսգրքի 52-րդ գլխում առկա իրավադրույթներով։
Անմեղսունակության վիճակում քրեական օրենքով չթույլատրված արարք կատարած անձը ՀՀ քրեական դատավարության օրենսգրքի 202-րդ հոդվածի կարգով որպես մեղադրյալ չի ներգրավվում, քանի որ ներգրավելու հիմքը նրա կողմից հանցանքի կատարումը վկայող բավարար ապացույցների համակցությունն է։ Բացի այդ, նրան ՀՀ քրեական դատավարության օրենսգրքի 203-րդ հոդվածի կարգով մեղադրանք չի առաջադրվում։ Նման պայմաններում քննիչը, դատախազը որոշում են կայացնում բժշկական բնույթի հարկադրանքի միջոցներ կիրառելու վարույթ հարուցելու մասին։
ՀՀ քրեական դատավարության օրենսգրքի 52-րդ գլխում զետեղված 450-րդ հոդվածի համաձայն՝
ՙ1. Բժշկական բնույթի հարկադրական միջոցները դատարանը կիրառում է այն անձանց նկատմամբ, ովքեր քրեական օրենքով չթույլատրված արարքը կատարել են անմեղսունակ վիճակում, եթե այդ անձինք շարունակում են վտանգավոր լինել հասարակության համար։
2. Բժշկական բնույթի հարկադրական միջոցներ կիրառելու մասին գործերով վարույթի կարգը որոշվում է սույն օրենսգրքի ընդհանուր կանոններով և սույն գլխի հոդվածներով՚։
ՀՀ քրեական դատավարության օրենսգրքի 451-րդ հոդվածի 2-րդ մասի համաձայն՝ ՙՔննիչը, դատախազը որոշում են կայացնում բժշկական բնույթի հարկադրական միջոցներ կիրառելու վարույթ հարուցելու մասին՚։
ՀՀ քրեական դատավարության օրենսգրքի 456-րդ հոդվածի համաձայն՝ ՙԱնձը, որի նկատմամբ իրականացվում է բժշկական բնույթի հարկադրական միջոցներ կիրառելու վարույթ, օգտվում է մեղադրյալի բոլոր իրավունքներից։ (…)՚։
ՀՀ քրեական դատավարության օրենսգրքի 460-րդ հոդվածի 1-ին մասի 1-ին կետի համաձայն՝ ՙՀավաքված ապացույցները գործով վարույթն ավարտելու համար բավարար համարելու դեպքում քննիչը կայացնում է (…) բժշկական բնույթի հարկադրական միջոցներ կիրառելու համար գործը դատարան ուղարկելու մասին [որոշում]՚։
ՀՀ քրեական դատավարության օրենսգրքի 461-րդ հոդվածի համաձայն՝ ՙԱվարտված վարույթի նյութերը բժշկական բնույթի հարկադրական միջոցներ կիրառելու համար գործը դատարան ուղարկելու մասին քննիչի որոշման հետ հանձնվում են դատախազին, որը (…) հաստատում է քննիչի որոշումը և գործն ուղարկում է դատարան (…)՚։
ՀՀ քրեական դատավարության օրենսգրքի 464-րդ հոդվածի 1-ին մասի համաձայն՝ ՙԱնձի կողմից քրեական օրենքով չթույլատրված արարքն անմեղսունակության վիճակում կատարելն ապացուցված համարելով` դատարանը որոշում է կայացնում անձին քրեական պատասխանատվությունից և պատժից ազատելու ու նրա նկատմամբ բժշկական բնույթի հարկադրական միջոցներ կիրառելու մասին՚։
Մեջբերված իրավադրույթների համակարգային վերլուծության հիման վրա Վճռաբեկ դատարանն իր ԳԴ5/0014/01/13 նախադեպային որոշմամբ արձանագրում է, որ՝
ա) անմեղսունակ անձը ենթակա չէ քրեական պատասխանատվության. նախաքննության մարմնի որոշմամբ՝ նրա նկատմամբ հարուցվում է բժշկական բնույթի հարկադրական միջոցներ կիրառելու վարույթ և ոչ թե քրեական հետապնդում։ Նշված վարույթի ընթացքում, սակայն, քրեական օրենքով չթույլատրված արարք կատարած անձինք, չհանդիսանալով մեղադրյալ, օգտվում են մեղադրյալի իրավունքներից։
բ) քրեական օրենքով չթույլատրված արարք կատարած անձի նկատմամբ բժշկական բնույթի հարկադրանքի միջոցներ կիրառելու վերաբերյալ գործով որոշում կայացնելիս դատարանը պարզում է, թե վերոնշյալ անձի կողմից կատարվել է արդյոք հանրորեն վտանգավոր արարք և արդյոք այն կատարվել է անմեղսունակության վիճակում։ Այս կապակցությամբ Վճռաբեկ դատարանն ընդգծում է, որ դատարանը քննության է առնում անմեղսունակ անձի կողմից քրեական օրնեքով չթույլատրված արարք և ոչ թե հանցագործություն կատարված լինելու հարցը։
գ) նախորդ ենթակետում նշված գործի քննության արդյունքում ապացուցված համարելով, որ անձի կողմից քրեական օրենքով չթույլատրված արարքը կատարվել է անմեղսունակության վիճակում՝ դատարանն անձին չի ենթարկում քրեական պատասխանատվության և պատժի, այլ որոշում է կայացնում նրա նկատմամբ ՀՀ քրեական օրենսգրքի 98-րդ հոդվածի 1-ին մասով նախատեսված բժշկական բնույթի հարկադրական միջոց կիրառելու մասին, եթե այդ անձը շարունակում է վտանգավոր լինել հասարակության համար և կարիք ունի իր նկատմամբ այդպիսի միջոցի կիրառման /տե°ս Սերգեյ Ստեփանյանի վերաբերյալ 31.05.2014թ. թիվ ԳԴ5/0014/01/13 որոշման 21-23-րդ կետերը/։
Անձի մեղսունակության խնդրին Վճռաբեկ դատարանն անդրադարձել է Հ.Շուքուրյանի գործով որոշման մեջ և իրավական դիրքորոշում է ձևավորել այն մասին, որ ՙ(...) անձի մեղսունակությունն օրենսդիրը կապում է նրա կողմից իր գործողության (անգործության) փաստացի բնույթն ու նշանակությունը, դրա վտանգավորությունը գիտակցելու կամ դա ղեկավարելու ունակության հետ։ (…)՚ (տե՛ս Հարություն Ապրեգզարի Շուքուրյանի գործով Վճռաբեկ դատարանի 2010 թվականի մայիսի 4-ի թիվ ԵՔՐԴ/0350/01/08 որոշման 18-րդ կետը)։
ՀՀ քրեական օրենսգրքի 97-րդ հոդվածի 1-ին մասի համաձայնª բժշկական բնույթի հարկադրանքի միջոցներ դատարանը կարող է նշանակել այն անձի նկատմամբ` ով սույն օրենսգրքի հատուկ մասի հոդվածով նախատեսված արարքը կատարել է անմեղսունակության վիճակում. ¥...¤:
Նույն հոդվածի 2-րդ մասի համաձայնª բժշկական բնույթի հարկադրանքի միջոցները սույն հոդվածի առաջին մասում նշված անձանց նկատմամբ նշանակվում են միայն այն դեպքերում, երբ հոգեկան խանգարումները կապված են այդ անձանց կողմից այլ էական վնաս պատճառելու հնարավորության կամ իր կամ այլ անձանց համար վտանգավորության հետ:
ՀՀ քրեական օրենսգրքի 100-րդ հոդվածի 2-րդ մասի համաձայնª ՙՀոգեբուժական կազմակերպության հատուկ տիպի հոգեբուժական բաժանմունքում դատարանի որոշմամբ հարկադիր բուժում կարող է նշանակվել այն անձի նկատմամբ, որը հոգեկան վիճակով վտանգավոր է իր և այլ անձանց համար և պահանջում է մշտական հսկողություն և բուժում՚:
Այսպիսով, դատարանը հետազոտելով և գնահատելով սույն գործով ձեռքբերված բոլոր ապացույցներըª դրանք բազմակողմանի և օբյեկտիվ ստուգման ենթարկելովª ձեռք բերված ապացույցի վերլուծության, այն այլ ապացույցների հետ համադրելու, ապացույցների ձեռքբերման աղբյուրներն ստուգելու միջոցով, եկավ այն եզրահանգման, որ ՀՀ Լոռու մարզի Հագվի գյուղի բնակիչ Գագիկ Ռաֆիկի Պետրոսյանը 2015 թվականի սեպտեմբերի 25-ին Տավուշի մարզի Բագրատաշեն գյուղի տարածքով անցնելով Դեբեդ գետը, շրջանցելով սահմանային անցակետերըª առանց սահմանված փաստաթղթերի և առանց պատշաճ թույլտվությանª ապօրինի հատել է Հայաստանի Հանրապետության պահպանվող պետական սահմանըª մուտք գործելով Վրաստան:
Բացի այդ, Գագիկ Ռաֆիկի Պետրոսյանը 2018 թվականի օգոստոսի 01-ի առավոտյան Տավուշի մարզի Բագրատաշեն գյուղի տարածքով անցնելով Դեբեդ գետը, շրջանցելով սահմանային անցակետերըª առանց սահմանված փաստաթղթերի և առանց պատշաճ թույլտվությանª ապօրինի հատել է Հայաստանի Հանրապետության պահպանվող պետական սահմանըª Վրաստանից մուտք գործելով Հայաստանի Հանրապետության տարածք, որից հետո Գագիկ Պետրոսյանը նույն օրը հայտնաբերվել և բերման է ենթարկվել ՀՀ ազգային անվտանգության ծառայության սահմանապահ զորքերի 1-ին սահմանապահ ջոկատի զինծառայողների կողմից:
Կատարված արարքը համապատասխանում է ՀՀ քրեական օրենսգրքի 329-րդ հոդվածի 1-ին մասով /երկու դրվագով/ նախատեսված արարքին:
Արարքը կատարվել է Գագիկ Ռաֆիկի Պետրոսյանի կողմից, որի նկատմամբ ներկայումս իրականացվում է բժշկական բնույթի հարկադրական միջոցներ կիրառելու վարույթ:
Հետազոտելով գործով ձեռք բերված բոլոր ապացույցները, սույն գործի փաստերը վերլուծելով ՀՀ վճռաբեկ դատարանի վերը մեջբերված իրավական վերլուծությունների լույսի ներքոª Դատարանը եկավ այն եզրահանգման, որ Գագիկ Ռաֆիկի Պետրոսյանը ՀՀ քրեական օրենսգրքի 329-րդ հոդվածի 1-ին մասով /երկու դրվագով/ նախատեսված արարքները կատարել է անմեղսունակության վիճակում, այն էª արարքը կատարելու պահին հոգեկան հիվանդությամբ տառապելու պատճառով զրկված է եղել իր գործողությունների համար հաշիվ տալու և դրանք ղեկավարելու ունակությունից, որպիսի պայմաններում նա ենթակա չէ քրեական պատասխանատվության ու պատժի:
Դատարանը հիմք ընդունելով 22.10.2020թ. կազմված ստացիոնար հանձնաժողովային դատահոգեբուժական փորձաքննության եզրակացությունը, համաձայն որի` Փորձագիտական հանձնաժողովը եզրակացնում է, որ ՙ(...) Գագիկ Ռաֆիկի Պետրոսյանը տառապել և տառապում է ՙՇիզոֆրենիա պարանոիդ ձև F 20.0՚ հոգեկան հիվանդությամբ: Ինչպես իրավախախտումը կատարելիսª 25.09.2015թ., 01.08.2018թ., այնպես էլ ներկայումս փորձաքննվողը գտնվել և գտնվում է վերը նշված հիվանդագին խանգարված վիճակում, արարքը կատարել է զառանցական ապրումների ներքո, ինչը նրան զրկել և զրկում է գիտակցել իր գործողությունների վտանգավորությունը և ղեկավարել դրանք: Ուստի իրեն մեղսագրվող արարքի նկատմամբ Գագիկ Ռաֆիկի Պետրոսյանին հարկ է ճանաչել անմեղսունակ: Իր ներկա հոգեկան վիճակով նա չի կարող մասնակցել դատաքննչական գործողություններին, սոցիալապես խիստ վտանգավոր է, ինչպես իր, այնպես էլ շրջապատի համար, կարիք ունի հարկադիր բուժման հատուկ հսկողության հոգեբուժական բաժանմունքի պայմաններում՚ª Դատարանը գտնում է, որ Գագիկ Ռաֆիկի Պետրոսյանի նկատմամբ պետք է նշանակել ՀՀ քրեական օրենսգրքի 98-րդ հոդվածի 1-ին մասի 3-րդ կետով նախատեսված բժշկական բնույթի հարկադրանքի միջոցª հատուկ հսկողության հոգեբուժական բաժանմունքում հարկադիր բուժման ձևով:
Անդրադառնալով Գագիկ Ռաֆիկի Պետրոսյանի նկատմամբ ընտրվածª ՙհոգեբուժական հիվանդանոցում տեղավորելը՚ անվտանգության միջոցի հարցին, Դատարանը գտնում է, որ նշված անվտանգության միջոցը պետք է թողնել անփոփոխª մինչև որոշման ուժի մեջ մտնելը:
Անդրադառնալով սույն քրեական գործով որպես այլ փաստաթուղթ ապացույց ճանաչված և քրեական գործին կցված, Մաղվալա Ջալաղոնիայի 09AR31599 համարի վրացական անձնագրի և Գագիկ Պետրոսյանի 01560001288 համարի վրացական ժամանակավոր կացության վկայականի, տնօրինման հարցին և ղեկավարվելով ՀՀ քրեական դատավարության օրենսգրքի 123-րդ հոդվածի դրույթներովª Դատարանը գտնում է, որ դրանք պետք է պահել գործի հետª վերջինիս պահելու ամբողջ ժամանակամիջոցում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 361-րդ հոդվածով, 462-464-րդ հոդվածներովª Դատարանը

Ո Ր Ո Շ Ե Ց

Անմեղսունակության վիճակում ՀՀ քրեական օրենսգրքի 329-րդ հոդվածի 1-ին մասով /երկու դրվագով/ նախատեսված արարքներ կատարած անձ Գագիկ Ռաֆիկի Պետրոսյանին ազատել քրեական պատասխանատվությունից և պատժից:
Միաժամանակ նրա նկատմամբ կիրառել բժշկական բնույթի հարկադրական միջոց` հատուկ հսկողության հոգեբուժական բաժանմունքում հարկադիր բուժման ձևով, որը նա պետք է ստանա ՀՀ ԱՆ ՙՀոգեկան առողջության պահպանման ազգային կենտրոն՚ ՓԲԸ-ի հատուկ հսկողության հոգեբուժական բաժանմունքում:
Նրա նկատմամբ կիրառված անվտանգության միջոցըª ՙհոգեբուժական հիվանդանոցում տեղավորելը՚, թողնել անփոփոխ, մինչև որոշման օրինական ուժի մեջ մտնելը:
Սույն քրեական գործով որպես այլ փաստաթուղթ ապացույց ճանաչված և քրեական գործին կցված, Մաղվալա Ջալաղոնիայի 09AR31599 համարի վրացական անձնագիրը և Գագիկ Պետրոսյանի 01560001288 համարի վրացական ժամանակավոր կացության վկայականը պահել գործի հետª վերջինիս պահելու ամբողջ ժամանակամիջոցում:
Որոշման կատարումը հանձնարարել ՀՀ ԱՆ ՙՀոգեկան առողջության պահպանման ազգային կենտրոն՚ ՓԲԸ-ին:
Որոշումը կարող է բողոքարկվել ՀՀ վերաքննիչ քրեական դատարանª հրապարակման պահից` մեկամսյա ժամկետում:


Դ Ա Տ Ա Վ Ո Ր Ս. ՄԱՐԴԱՆՅԱՆ