Գործ.ԼԴ/0002/01/08
Դ Ա Տ Ա Վ Ճ Ի Ռ
ՀԱՆՈԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Լոռու մարզի ընդհանուր իրավասության դատարանը հետևյալ կազմով

Նախագահող դատավոր` Ն. Հովակիմյանի
Քարտուղարությամբ` Ս.Չիլինգարյանի
Մեղադրող` Մ.Մովսիսյանի

Պաշտպան` Կ.Գասպարյանի

2008թ. հունիսի 3-ին Վանաձոր քաղաքում, դռնբաց դատական նիստում արագացված կարգով քննեց քր. գործն ըստ մեղադրանքի`

Արկադի Լյովայի Փելեշյանի, ծնվ.18.09.1979թ.
Վանաձոր քաղաքում, հայ, ՀՀ քաղաքացի,
բարձրագույն կրթությամբ, ամուսնացած,
խնամքին 2 երեխա , չդատված, չի աշխատում,
բնակվում է ք. Վանաձոր, Տ. Մեծի 11/19 բն.
Մեղադրվում է ՀՀ քր. օր-ի 258 հոդվածի 2-րդ
մասով: Ձերբակալվել է 13.04.2008թ., կալանքի տակ եղել է 15.04.2008թ-ից մինչև 23.04.2008թ-ը, 23.04.2008թ. կալանավորումը փոխարինվել է գրավով, գրավի չափ է սահմանվել 300.000 դրամ:
Դատաքննությամբ, գործի նյութերի ուսումնասիրմամբ դատարանը
Պ Ա Ր Զ Ե Ց
Լոռու մարզի քննչական բաժնի քննիչ Ն. Օսյանի կողմից 12.04.2008թ. հարուցվել է թիվ 19108408 քրեական գործը Արկադի Լյովայի Փելեշյանի, Արամ Սեյրանի Սաղաթելյանի և Վահրամ Սամվելի Դանիելյանի կողմից խուլիգանություն կատարելու փաստի առթիվ ՀՀ քր. օր-ի 258 հոդվածի 2-րդ մասով:
Արկադի Լյովայի Փելեշյանի վերաբերյալ քր. գործը ՀՀ քր. օր-ի 258 հոդվածի 2-րդ մասով մեղադրական եզրակացությամբ ուղարկվել է դատարան 06.05.2008թ.:
Նախաքննական մարմինը ամբաստանյալ Արկադի Լյովայի Փելեշյանին մեղադրանք է առաջադրել ՀՀ քրեական օրենսգրքի 258 հոդվածի 2-րդ մասով հետևյալ արարքը կատարելու համար.
Վանաձոր քաղաքի բնակիչ Արկադի Լյովայի Փելեշյանը ոգելից խմիչք օգտագործած վիճակում 2008թ. ապրիլի 12-ին, ժամը18-ի սահմաններում, իր ընկերների` Արամ Սաղաթելյանի և Վահրամ Դանիելյանի հետ, վերջինիս ՙՄերսեդես Բենց՚ մակնիշի 62 ՕS 800 պետհամարանիշի ավտոմեքենայով գնացել է Վանաձոր քաղաքի Տ. Մեծի 21 հասցեում գտնվող ՙՏիգնազ՚ ՍՊ ընկերությանը պատկանող խանութ` իր աներոջ եղբայր, վերը նշված խանութի սեփականատեր Գագիկ Նազարյանին հանդիպելու համար: Այնտեղ Գագիկ Նազարյանի գտնվելու վայրի մասին հարցնելու և կոնկրետ պատասխան չստանալու համար անհիմն վիճաբանության և քաշքշուկի մեջ է մտել խանութի աշխատակից Հակոբ Փափազյանի հետ, որի ընթացքում խանութի մյուս աշխատակիցներ Անի Լոռյանի, Քրիստինե Ղուկասյանի, Կարինե Փիրուզյանի, ներկայությամբ, բացահայտ անհարգալից վերաբերմունք դրսևորելով նրանց, մոտակայքում անցնող , նույն հասցեում գտնվող շենքի բնակիչների նկատմամբ, տևական ժամանակ բարձրաձայն սեռական բնույթի հայհոյանքներ տալով խախտել է խանութի բնականոն աշխատանքը, խանգարել բնակիչների անդորրը, դիտավորությամբ կոպիտ կերպով խախտել հասարական կարգը, ջարդելու միջոցով ոչնչացրել ու վնասել է ՙՏիգնազ՚ ՍՊ ընկերությանը պատկանող` խանութում եղած տարբեր տեսակի ալկոհոլային խմիչքներ, ձվեր, գետնին թափելով փչացրել տարբեր տեսակի ապրանքներ , ընդհանուր առմամբ պատճառելով 20.000 դրամի վնաս:
Մինչ դատաքննությունը սկսելը Արկադի Լյովայի Փելեշյանը միջնորդեց դատական քննությունն անցկացնել արագացված կարգով, հայտարարելով, առաջադրված մեղադրանքն իրեն պարզ է, համաձայն է մեղադրանքի հետ, միջնորդությունը ներկայացրել է կամավոր, խորհրդակցել է իր պաշտպանի հետ , գիտակցում է արագացված կարգով դատաքննություն անցկացնելու հետևանքները:
Դատարանը, ղեկավարվելով ՀՀ քրեական դատավարության օրենսգրքի 375.1 և 375.2 հոդվածներով որոշում կայացրեց արագացված կարգով դատաքննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտավ, որ Արկադի Լյովայի Փելեշյանը կատարել է ՀՀ քր. օր-ի 258 հոդ. 2-րդ մասով նախատեսված արարք, որի համար պետք է ենթարկվի քրեական պատասխանատվության և պատժի:
Ամբաստանյալի նկատմամբ պատիժ նշանակելիս դատարանը հաշվի է առնում նրա կատարած արարքի բնույթն ու հասարակական վտանգավորության աստիճանը, հանցավորի անձը:
Արկադի Լյովայի Փելեշյանը պատասխանատվությունը մեղմացնող հանգամանք է այն, որ կատարածի համար անկեղծորեն զղջացել է, նախկինում դատված չէ, խնամքին ունի երկու անչափահաս երեխա: Պատասխանատվությունը ծանրացնող հանգամանք է այն, որ Արկադի Լյովայի Փելեշյանը հանցանքը կատարել է ալկոհոլային հարբածության վիճակում:
Նման պայմաններում դատարանը գտավ, որ ամբաստանյալի նկատմամբ պետք է պատիժ նշանակել տուգանքի ձևով:
Գործով քաղաքացիական հայց չկա: Իրեղեն ապացույց ` ոգելից խմիչքի ապակե տարաների ջարդված կտորները պետք է ոչնչացնել:
Վերոգրյալի հիման վրա և ղեկավարվելով ՀՀ քր. դատ. օր.-ի 357-360, 365, 375.1, 375 .4 հոդվածներով դատարանը
Վ Ճ Ռ Ե Ց
Արկադի Լյովայի Փելեշյանին մեղավոր ճանաչել ՀՀ քր. օր-ի 258 հոդվածի 2-րդ մասով և դատապարտել տուգանքի ՀՀ սահմանված նվազագույն աշխատավարձի հարյուրհիսունապատիկի` 150.000 /հարյուր հիսուն հազար/ դրամի չափով:
Խափանման միջոցը` գրավը թողնել անփոփոխ մինչև դատավճռի օրինական ուժի մեջ մտնելը:
Գրավի գումարը ենթակա է վերադարձման գրավատուին դատավճիռը օրինական ուժի մեջ մտնելու պահից:
Իրեղեն ապացույց ` ոգելից խմիչքի ապակե տարաների ջարդված կտորները ոչնչացնել:
Դատավճիռը կարող է բողոքարկվել ՀՀ վերաքննիչ քրեական դատարան հրապարակման պահից մեկամսյա ժամկետում, բացառությամբ ՀՀ քր.դատ. օր-ի 395 հոդ. 1-ին կետով նախատեսված հիմքով:

ԴԱՏԱՎՈՐ Ն. ՀՈՎԱԿԻՄՅԱՆ
Ծանոթություն
Դատավճիռը չի բողոքարկվել, մտել է օրինական ուժի մեջ: __.____2008թ.
ԴԱՏԱՎՈՐ Ն. ՀՈՎԱԿԻՄՅԱՆ