Գործ թիվ ԿԴ 0016/04/15



Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
19 հունիսի 2015թ. ք. Հրազդան

ՀՀ ԿՈՏԱՅՔԻ ՄԱՐԶԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸª
ՆԱԽԱԳԱՀՈՒԹՅԱՄԲ ԴԱՏԱՎՈՐ Տ. ՓՈԼԱԴՅԱՆԻ
ՔԱՐՏՈՒՂԱՐՈՒԹՅԱՄԲ Ա. ՄԱՐՏԻՐՈՍՅԱՆԻ
ՄԱՍՆԱԿՑՈՒԹՅԱՄԲ
ՊԱՐՏԱՏԻՐՈՋ ՆԵՐԿԱՅԱՑՈՒՑԻՉ Ս. ՄԱՐՏԻՐՈՍՅԱՆԻ
ՊԱՐՏԱՊԱՆԻ ՆԵՐԿԱՅԱՑՈՒՑԻՉՆԵՐ Վ. ԱՍԱՏՐՅԱՆԻ,
Մ. ԵՓՐԵՄՅԱՆԻ

դռնբաց դատական նիստում քննելով ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության /ՀՎՀՀ` 03004704, պետական գրանցման վկայական` 0210, ՀՎՀՀ 02540791/ դիմումըª ՙԼՈՒՍԱԿԵՐՏ՚ սահմանափակ պատասխանատվությամբ ընկերությանը /պարտապանի հասցեն` ՀՀ, Կոտայքի մարզ գյուղ Նոր Գեղի, Երևանյան փողոց 221/3, ՀՎՀՀ 00120112, պետական գրանցման վկայական` 03Ա897312, գրանցման համար` 80.110.747312, տնօրեն Մանասե Եփրեմյան/ սնանկ ճանաչելու մասին`

Պ Ա Ր Զ Ե Ց

Գործի դատավարական նախապատմությունը

ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերությունը, դիմելով դատարան, խնդրել է պատասխանող ՙԼՈՒՍԱԿԵՐՏ՚ սահմանափակ պատասխանատվությամբ ընկերությանը ճանաչել սնանկ:
ՀՀ Կոտայքի մարզի ընդհանուր իրավասության առաջին ատյանի դատարանի /այսուհետ նաևª Դատարան/ 15 ապրիլի 2015 թվականի որոշմամբ դիմումը ընդունվել է վարույթ և սնանկության գործով ժամականավոր կառավարիչ է նշանակվել Լևոն Համբարձումի Պետրոսյանը:
Պարտապան ՙԼՈՒՍԱԿԵՐՏ՚ սահմանափակ պատասխանատվությամբ ընկերությանը պատշաճ կարգով ուղարկվել է դիմումը վարույթ ընդունելու և սնանկության ժամանակավոր կառավարիչ նշանակելու մասին դատարանի որոշումը, միաժամանակ առաջարկվել է 15 օրվա ընթացքում գրավոր վիճարկել իր սնանկությունը:
Պարտապան ՙԼՈՒՍԱԿԵՐՏ՚ սահմանափակ պատասխանատվությամբ ընկերությունը 30.04.2015 թվականին Կոտայքի մարզի ընդհանուր իրավասության դատարան է ներկայացրել առարկություն ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության կողմից ներկայացված ՙԼՈՒՍԱԿԵՐՏ՚ սահմանափակ պատասխանատվությամբ ընկերությանը սնանկ ճանաչելու մասին դիմումի վերաբերյալ, որպիսի պատճառաբանությամբ նշանակվել է դատական նիստ:
Դիմումի հիմքերը, դիմողի փաստարկները և պահանջը.

Դիմումատուն դատարան ներկայացված դիմումով հայտնել է հետևյալը.
ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության /այսուհետ նաև Բանկ/ և ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ սահմանափակ պատասխանատվությամբ ընկերության միջև 27.05.2010թ. կնքված թիվ GV04377 վարկային գործառնությունների իրականացման գլխավոր պայմանագրով վարկերի, վարկային գծերի, օվերդրաֆտների և երաշխիքների տրամադրման առավելագույն սահմանաչափը սահմանվել է 820 000 000 (ութ հարյուր քսան միլիոն) ՀՀ դրամի (կամ դրան համարժեք այլ արժույթի) չափով:
Բանկի և ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ ՍՊԸ-ի միջև 20.07.2010թ. կնքված 27.05.2010թ. թիվ GV04377 վարկային գործառնությունների իրականացման գլխավոր պայմանագրում փոփոխություններ կատարելու վերաբերյալ համաձայնագրով պայմանագրի 2-րդ կետը շարադրվել է այլ խմբագրությամբ:
Բանկի և ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ ՍՊԸ-ի միջև 13.08.2013թ. կնքված 27.05.2010թ. թիվ GV04377 վարկային գործառնությունների իրականացման գլխավոր պայմանագրում փոփոխություններ կատարելու վերաբերյալ համաձայնագրով պայմանագրի 39-րդ կետը շարադրվել է այլ խմբագրությամբ:
Համաձայն վերոնշյալ պայմանագրի V բաժնիª պայմանագրով և/կամ համաձայնագրերով ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ սահմանափակ պատասխանատվությամբ ընկերության կողմից ստանձնած պարտավորությունների /ստացված վարկը սահմանված ժամկետներում ամբողջությամբ և ժամանակին վերադարձնելու, այն օգտագործելու դիմաց տոկոսագումարներ և վարկային պայմանագրով Բանկին վճարման ենթակա այլ գումարներ վճարելու/ պատշաճ կատարման համար որպես ապահովման միջոց 13.08.2013 թվականին կնքված թիվ GV04377/12 երաշխավորության պայմանագրով ՙԼՈՒՍԱԿԵՐՏ՚ սահմանափակ պատասխանատվությամբ ընկերությունը պարտավորվել է իրեն պատկանող ամբողջ գույքով, հիմնական և շրջանառու (դրամական) միջոցներով ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈԻՄԲ՚ ՓԲԸ-ի առջև համապարտ պատասխանատվություն կրել 27.05.2010թ. թիվ GV04377 վարկային գործառնությունների իրականացման գլխավոր պայմանագրով ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ի կողմից ստանձնած պարտավորությունների պատշաճ կատարման համար:
Համաձայն 01.06.2010թ. կնքված թիվ GV04377/1 վարկի տրամադրման համաձայնագրի՝ 1814 օր ժամկետով, մինչև 20.05.2015թ.-ը մարման վերջնաժամկետով, տարեկան 13.5% տոկոսադրույքով, վարկի մարումն ըստ համաձայնագրի անբաժանելի մասը կազմող վարկի մարման ժամանակացույց-պարտավորագրով սահմանված չափերի, հաճախականության և ժամկետների ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ն Բանկից ստացել է 2 000 000 (երկու միլիոն) ԱՄՆ դոլար վարկ:
Բանկի և ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ի միջև 13.08.2013թ. կևքված 01.06.2010թ. թիվ GV04377/1 վարկի տրամադրման համաձայնագրի անբաժան մասը կազմող վարկի մարման ժամանակացույց-պարտավորագրում փոփոխություններ կատարելու վերաբերյալ համաձայնագրով վարկի տրամադրման համաձայնագրի անբաժան մասը կազմող վարկի մարման ժւսմանակացույց-պարտավորագիրը շարադրվել է այլ խմբագրությամբ:
Համաձայն 30.07.2010թ. կնքված թիվ GV04377/11 վարկի տրամադրման համաձայնագրի՝ 1755 օր ժամկետով, միևչև 20.05.2015թ. մարման վերջնաժամկետով, տարեկան 13% տոկոսադրույքով, վարկի մարումն ըստ համաձայնագրի անբաժանելի մասը կազմող վարկի մարման ժամանակացույց-պարտավորագրով սահմանված չափերի, հաճախականությաև և ժամկետների ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ն Բանկից ստացել է 1.000.000 (մեկ միլիոն) ԱՄՆ դոլար վարկ:
Բանկի և ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ի միջև 13.08.2013թ. կնքված 30.07.2010թ. թիվ GV04377/11 վարկի տրամադրման համաձայնագրի անբաժան մասը կազմող վարկի մարման ժամանակացույց-պարտավորագրում փոփոխություններ կատարելու վերաբերյալ համաձայնագրով վարկի տրամադրմաև համաձայնագրի անբաժան մասը կազմող վարկի մարման ժամանակացույց-պարտավորագիրը շարադրվել է այլ խմբագրությամբ:
ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈԻՄԲ՚ փակ բաժնետիրական ընկերության և ՙԼՈԻՍԱԿԵՐՏԻ ՏՈՀՄԱՅԻՆ ԹՈՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ի միջև 07.09.2010թ. կնքված թիվ V04411 վարկային պայմանագրի համաձայն՝ ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ն 1826 օր ժամկետով, միևչև 2015թ. սեպտեմբերի 7-ը մարման վերջնաժամկետով, տարեկան 14% տոկոս տոկոսադրույքի չափով, վարկի մարումն ըստ վարկային պայմանագրի անբաժան մասը կազմող վարկի մարման ժամանակացույց-պարտավորագրով սահմանված կարգի, չափերի, հաճախականության և ժամկետների, Բանկից ստացել է՝ 1 500 000 (մեկ միլիոն հինգ հարյուր հազար) ԱՄՆ դոլարի չափով վարկ:
Բանկի և ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ի միջև 13.08.2013թ. կնքված 07.09.2010թ. թիվ V04411 վարկային պայմանագրում և դրա անբաժան մասը կազմող վարկի մարման ժամանակացույց-պարտավորագրում փոփոխություններ կատարելու վերաբերյալ համաձայնագրով վարկային պայմանագրի 5.1 կետը շարադրվել է այլ խմբագրությամբ, իսկ վարկի մարման ժամանակացույց-պարտավորագիրը փոփոխվել է:
Որպես վերոնշյալ պայմանագրով ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ի կողմից ստանձնած պարավորությունների կատարման ապահովման միջոց՝ 13.08.2013թ. կնքված թիվ V04411/4 երաշխավորության պայմանագրով ՙԼՈՒՍԱԿԵՐՏ՚ ՍՊ ընկերությունը պարտավորվել է իրեն պատկանող ամբողջ գույքով, հիմնական և շրջանառու (դրամական) միջոցներով ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈԻՄԲ՚ ՓԲԸ-ի առջև համապարտ պատասխանատվություն կրել 07.09.2010թ. կնքված թիվ V04411 վարկային պայմանագրով ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ի կողմից ստանձնած պարտավորությունների պատշաճ կատարման համար:
Սակայն վերոնշյալ վարկային պայմանագրերով սահմանված վարկերն ստանալուց հետո ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ ՍՊԸ-ն պատշաճորեն չի կատարել վարկային պայմանագրերով ստանձնած իր պարտավորությունները՝ մասնավորապես չի մարել վարկային պայմանագրերով սահմանված վարկի և դրա դիմաց հաշվարկված տոկոսագումարների վճարումներն ու նրա վրա հաշվարկված տույժերր:
Ընդ որում վերոնշյալ վարկային պայմանագրերով ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ ՍՊԸ-ի կողմից ստանձնած պարտավորությունների կատարման ապահովման միջոցներից է հանդիսանում 13.08.2013 թվականին կնքված թիվ GV04377/12 երաշխավորության պայմանագրով և 13.08.2013թ. կերված թիվ V04411/4 երաշխավորության պայմանագրով ՙԼՈՒՍԱԿԵՐՏ՚ ՍՊԸ-ի կողմից տրված երաշխավորությունը:
Բանկը բազմիցս նախազգուշացրել է համապարտ պարտապաններ ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ին և ՙԼՈՒՍԱԿԵՐՏ՚ ՍՊԸ-ին վերոնշյալ վարկային պայմանագրերով և 13.08.2013թ. կնքված թիվ GV04377/12 երաշխավորության պայմանագրով, 13.08.2013թ. կնքված թիվ V04411/4 երաշխավորության պայմանագրով ստանձնած պարտավորությունների կատարման անհրաժեշտության մասին. 11.09.2014թ. ուղարկել է թիվ ՎՆ15/2304 բռնագանձման ծանուցումով պահանջագիրը, սակայն համապարտ պարտապաններ ՙԼՈԻՍԱԿԵՐՏԻ ՏՈՀՄԱՅԻՆ ԹՈՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ն և ՙԼՈՒՍԱԿԵՐՏ՚ ՍՊԸ-ն չեն կատարել վերոնշյալ պայմանագրերով ստանձնած պարտավորությունները:
02.04.2015 թվականի դրությամբ համապարտ պարտապան ՙԼՈՒՍԱԿԵՐՏ՚ ՍՊ ընկերության պարտքը ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈԻՄԲ՚ ՓԲԸ-ի հանդեպ կազմում է.
01.06.2010թ. կնքված թիվ GV04377/1 վարկի տրամադրման համաձայնագրով՝ վարկի մնացորդ՝ 1 073 640.00 ԱՄՆ դոլար, հաշվարկված տոկոսագումար՝ 100 450.19 ԱՄՆ դոլար, վարկի տույժ` 71 766.80 ԱՄՆ դոլար, տոկոսի տույժ՝ 19 499.29 ԱՄՆ դոլար, ընդամենը՝պարտք 1 265 356.28 ԱՄՆ դոլար, պարտավորության կատարման ժամկետր խախտվել է 14.08.2014թ.-ից սկսած,
30.07.2010թ. կնքված թիվ GV04377/11 վարկի տրամադրման համաձայնագրով՝վարկի մնացորդ՝ 760 000.00 ԱՄՆ դոլար, հաշվարկված տոկոսագումար՝ 67 319.47 ԱՄՆ դոլար, վարկի տույժ՝ 53 352.33 ԱՄՆ դոլար, տոկոսի տույժ` 12 327.66 ԱՄՆ դոլար, ընդամենը՝ պարտք 892 999.46 ԱՄՆ դոլար, պարտավորության կատարման ժամկետը խախտվել է 20.08.2014թ.-ից սկսած,
07.09.2010թ. կնքված թիվ V04411 վարկային պայմանագրով՝վարկի մնացորդ՝ 520 833.41 ԱՄՆ դոլար, հաշվարկված տոկոսագումար՝ 45 613.03 ԱՄՆ դոլար, վարկի տույժ՝ 28 785.70 ԱՄՆ դոլար, տոկոսի տույժ՝ 7 888.74 ԱՄՆ դոլար, ընդամենը՝ պարտք 603 120.88 ԱՄՆ դոլար, պարտավորության կատարման ժամկետը խախտվել է՝ 07.08.2014թ.-ից սկսած:
01.06.2010թ. կնքված թիվ GV04377/1 վարկի տրամադրման համաձայնագրով, 30.07.2010թ. կնքված թիվ GV04377/11 վարկի տրամադրման համաձայնագրով, 07.09.2010թ. կնքված թիվ V04411 վարկային պայմանագրով համապարտ պարտապան ՙԼՈՒՍԱԿԵՐՏ՚ ՍՊԸ-ի ընդհանուր պարտքը ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ ՓԲԸ-ի հանդեպ 02.04.2015թ-ի դրությամբ կազմում է 2 761 476.62 (երկու միլիոն յոթ հարյուր վաթսունմեկ հազար չորս հարյուր յոթանասունվեց դոլար և վաթսուներկու ցենտ) ԱՄՆ դոլարին համարժեք ՀՀ դրամ:
Ընդ որում՝ գումարի վճարման պարտավորությունը խախտվել է դեռես 07.08.2014թ-ից և մինչև դատարան դիմելու օրն այն պատշաճ կատարված չէ, պահանջը հիմնված է գրավոր գործարքի (27.05.2010թ. կնքված թիվ GV04377 վարկային գործառնությունների իրականացման գլխավոր պայմանագրի, 01.06.2010թ. կնքված թիվ GV04377/1 վարկի տրամադրման համաձայնագրի, 30.07.2010թ. կնքված թիվ GV04377/11 վարկի տրամադրման համաձայնագրի, 07.09.2010թ. կնքված թիվ V04411 վարկային պայմանագրի, 13.08.2013թ. կնքված թիվ GV04377/12 երաշխավորության պայմանագրի, 13.08.2013թ. կերված թիվ V04411/4 երաշխավորության պայմանագրի) վրա, և թույլ է տրված օրենքով սահմանված նվազագույն աշխատավարձի հազարապատիկը գերազանցող անվիճելի վճարային պարտավորությունների 60-օրյա ժամկետից ավելի ժամկետով կետանց:
Վերոգրյալի հիման վրա դիմումատուն, հղում կատարելով ՀՀ Սահմանադրության 18-րդ, 19-րդ հոդվածներին, ՀՀ քաղաքացիական օրենսգրքի 408-րդ հոդվածին, 421-րդ հոդվածի 1-ին մասին, 361-րդ հոդվածի 1-ին մասին, 362-րդ հոդվածին, 375-րդ հոդվածի 1-ին մասին, 377-րդ հոդվածի 1-ին, 2-րդ մասերին, ՙՍնանկության մասին՚ ՀՀ օրենքի 3-րդ, 10-րդ հոդվածներին, խնդրել է ՙԼՈՒՍԱԿԵՐՏ 1՚ սահմանափակ պատասխանատվությամբ ընկերությանը ճանաչել սնանկ:
2015 թվականի հունիսի 05-ին նշանակված դատական նիստին ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության ներկայացուցիչ Ս. Մարտիրոսյանը պնդեց ներկայացված դիմումն ամբողջությամբ, խնդրեց ՙԼՈՒՍԱԿԵՐՏ՚ սահմանափակ պատասխանատվությամբ ընկերությանը ճանաչել սնանկ /տես` դատական նիստի արձանագրություն/:

Պարտապանի իրավական դիրքորոշումը

Պարտապան ՙԼՈՒՍԱԿԵՐՏ՚ սահմանափակ պատասխանատվությամբ ընկերությունը պատշաճ կարգով ստացել է դիմումի պատճենը և դատարանի` ՙԴիմումը վարույթ ընդունելու և սնանկության գործով ժամանակավոր կառավարիչ նշանակելու մասին՚ որոշումը և 30.04.2015 թվականին ներկայացրել է առարկություն, համաձայն որի բացակայում են ՙՍնանկության մասին՚ ՀՀ օրենքի 3-րդ հոդվածով սահմանված սնանկության հատկանիշներըª ընկերությանը սնանկ ճանաչելու համար, մասնավորապեսª բացակայում է նվազագույն աշխատավարձի հազարապատիկը գերազանցող անվիճելի վճարային պարտավորությունների 60-օրյա կամ ավելի ժամկետով կետանցի փաստը:
Վերոնշյալ հիմքերի առկայության պարագայում ՙԼՈՒՍԱԿԵՐՏ՚ սահմանափակ պատասխանատվությամբ ընկերության վճարային պարտավորությունը վիճելի է, որպիսի պայմաններում բացակայում են ՙՍնանկության մասին՚ ՀՀ օրենքի 3-րդ հոդվածով նախատեսված հատկանիշները, ուստի խնդրել է ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության դիմումըª ՙԼՈՒՍԱԿԵՐՏ՚ ՍՊ ընկերությանը սնանկ ճանաչելու մասին, մերժել:
2015 թվականի հունիսի 05-ին նշանակված դատական նիստին պարտապան ՙԼՈՒՍԱԿԵՐՏ՚ սահմանափակ պատասխանատվությամբ ընկերության ներկայացուցիչ Վ. Ասատրյանը ներկայացրեց առարկության լրացում, ըստ որի դիմումն անհիմն է և ենթակա է մերժման հետևյալ պատճառաբանությամբ.
ՀՀ քաղաքացիական օրենսգրքի 16-րդ հոդվածի 1-ին մասի համաձայն՝ անձն ունի օրենքով չարգելված բոլոր եղանակներով իր քաղաքացիական իրավունքների ինքնապաշտպանության իրավունք:
ՀՀ Սահմանադրության 18-րդ հոդվածի 1-ին մասի համաձայն՝ յուրաքանչյուր ոք ունի իր իրավունքների և ազատությունների դատական, ինչպես նաև պետական այլ մարմինների առջև իրավական պաշտպանության արդյունավետ միջոցների իրավունք:
Յուրաքանչյուր ոք ունի իր իրավունքները և ազատություններն օրենքով չարգելված բոլոր միջոցներով պաշտպանելու իրավունք:
ՙՍնանկության մասին՚ ՀՀ օրենքի 3-րդ հոդվածի 1-ին մասի համաձայն՝ պարտապանը կարող է սնանկ ճանաչվել դատարանի վճռով՝ սեփական նախաձեռնությամբ /կամավոր սնանկության դիմում/ կամ պարտատիրոջ պահանջով /հարկադրված սնանկության դիմում/, եթե պարտապանն անվճարունակ է:
Նույն հոդվածի 2-րդ մասի համաձայն՝ պարտապանը՝ դատարանի վճռով կարող է սնանկ ճանաչվել՝ հարկադրված սնանկության դիմումի հիման վրա՝ եթե թույլ է տվել օրենքով սահմանված նվազագույն աշխատավարձի հազարապատիկը գերազանցող անվիճելի վճարային պարտավորությունների 60-օրյա կամ ավելի ժամկետով կետանց, և վճռի կայացման պահին նշված կետանցը շարունակվում է /փաստացի անվճարունակություն/: Վճարային պարտավորությունը անվիճելի է, եթե պարտապանը չի առարկում դրա դեմ, կամ եթե նա առարկում է հիշյալ պարտավորության դեմ, սակայն ՙբ՚ պահանջը հիմնված է գրավոր գործարքի վրա և պարտապանը չի ապացուցում, որ տվյալ պահանջի դեմ առարկելու բավարար հիմքեր ունի /ներառյալ պահանջի հաշվանցը/:
Վերը նշվածից բխում է, որ սնանկությունը մի վիճակ է, երբ պարտապանն ընդհանուր առմամբ անկարող է վճարելու իր պարտքերը՝ պարտավորությունները կատարելու համար նախատեսված ժամկետներում, կամ երբ պարտապանի պարտավորությունների ընդհանուր գումարը գերազանցում է նրա ակտիվների արժեքը, այսինքն սնանկությունը վճարելու կարողության բացակայություն է:
Սնանկության փաստի առկայությունը պայմանավորված է սնանկության հատկանիշների առկայությամբ, մասնավորապես հարկադրված սնանկության դիմումի պարագայում օրենսդիրը սահմանում է պարտադիր չափորոշիչներ:
Հարկադրված սնանկության դեպքում վճարային պարտավորության անվիճելիությունը, այդպիսի պարտավորության առնվազն 60-օրյա ժամկետով կետանցը և վճռի կայացման պահին այդպիսի կետանցի շարունակվելն այն երեք պայմաններն են, որոնցից յուրաքանչյուրի առկայությունն անհրաժեշտ է, իսկ բոլորինը միասին բավարար՝ անձին սնանկ ճանաչելու համար:
Վճարային պարտավորության անվիճելիությունն առկա է այն դեպքում, երբ պարտապանը չի առարկում սնանկ ճանաչելու պահանջի դեմ կամ երբ պարտապանն առարկում է իրեն սնանկ ճանայելու պահանջի դեմ, և այդ առարակությունները վերաբերում է վճարային պարտավորությանը, ինչը վիճելի չէ:
ՀՀ դատական օրենսգրքի 15-րդ հոդվածի 4-րդ մասը սահմանում է, որ որոշակի փաստական հանգամանքներ ունեցող գործով վճռաբեկ դատարանի կամ Մարդու իրավունքների եվրոպական դատարանի դատական ակտի հիմնավորումները /այդ թվում՝ օրենքի մեկնաբանությունները/ պարտադիր են դատարանի համար նույնանման փաստական հանգամանքներով գործի քննության ժամանակ:
ՀՀ վճռաբեկ դատարանը թիվ ԵԿԴ/0074/04/09 գործի շրջանակներում քննարկման առարկա է դարձրել հետևյալ իրավական հարցադրումը, թե արդյոք սնանկ ճանաչելու հիմքում դրված գործարքների վիճարկումը կարող է համարվել տվյալ պահանջի դեմ առարկելու բավարար հիմքի առկայություն:
Վերը նշված որոշմամբ ՀՀ վճռաբեկ դատարանը տվյալ խնդրի մասով նշել է. ՙՎճռաբեկ դատարանը հարկ է համարում նշել, որ ՙՍնանկության մասին՚ ՀՀ օրենքի 3-րդ հոդվածի 2-րդ մասի վերլուծությունը վկայում է, որ վճարային պարտավորությունները, որոնց կետանց է թույլ տվել պարտապանը, հիմք են դատարանի վճռով պարտապանին սնանկ ճանաչելու համար, եթե դրանք անվիճելի են, իսկ նշված դրույթը չի բացառում վճարային պարտավորությունների հիմքում դրված գործարքների վերաբերյալ վեճի քննությունն այլ վարույթի շրջանակներում:
Նման եզրահանգման համար Վճռաբեկ դատարանը հիմք է ընդունում նաև այն հանգամանքը, որ նույն օրենքի 3-րդ հոդկածի 2-րդ մասից հետևում է, որ սնանկ ճանաչելու հիմք է ոչ թե վճարային պարտավորության, այլ անվիճելի վճարային պարտավորության առկայությունը: ՙՍնանկության մասին՚ ՀՀ օրենքի 3-րդ հոդվածի 2-րդ մասի ՙբ՚ կետի հիմքով վճարային պարտավորությունների անվիճելի լինելը կասկածի տակ առնելու համար բավարար է ոչ միայն պարտապանի պարտավորության կամ կետանցի բացակայության փաստն ապացուցող հիմքերի առկայությունը, այլ նյութաիրավական վեճի առկայությունը, որն ինքնին պարտավորության վիճելիությունը հավաստող հիմք է:
Հետևաբար, Վճռաբեկ դատարանը գտնում է, որ ՙպահանջի դեմ առարկելու առարկելու բավարար հիմքեր՚ ձևակերպումը ներառում է նաև պարտավորության հիմքերի հետ կապված նյութաիրավական վեճի առկայությունը:
Ելնելով վերոգրյալից՝ Վճռաբեկ դատարանը գտնում է, որ Դատարանն իրավացիորեն մերժել է ՙԼեռնամետալուրգիայի ինստիտուտ՚ ՓԲԸ-ի դիմումը, քանի որ նշված դիմումի հիմքում ընկած հանգամանքների շուրջ ծագել է նյութաիրավական վեճ, որը քննարկվում Է մեկ այլ գործի վարույթում, իսկ պատասխանողի կողմից հայցադիմում ներկայացնելը (հանձնման-ընդունման գործարքները, ինչպես նաև դրանց հիմքով կազմված թիվ 376 և թիվ 420 հաշիվ-ապրանքագրերն անվավեր ճանաչելու պահանջի մասին), ինչպես նաև հայցադիմումը վարույթ ընդունելու մասին դատարանի որոշման առկայությունը գնահատվում է որպես ապացույց այն մասին, որ պատասխանողը բավարար հիմքեր ունի սնանկ ճանաչելու պահանջի դեմ առարկելու համար:՚:
Տվյալ դեպքում ՙԼՈՒՍԱԿԵՐՏ՚ ՍՊ ընկերությունը վիճարկում է սնանկության դիմումի հիմքերը, մասնավորապես Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում, թիվ ԵԿԴ/2486/02/15 քաղաքացիական գործի շրջանակներում վիճարկվում են 13.08.2013թ. թիվ GV04377/12 և V04411/5 երաշխավորության պայմանագրերը:
Այսինքն կողմերի միջև առկա է նյութաիրավական վեճ վճարային պարտավորություն առաջացնող, վերը նշված պայմանագրերի և համաձայնագրերի մասով, ուստի, կողմի՝ ենթադրյալ վճարակային պարտավորությունը վիճելի է:
Վերը նշված հիմքերի առկայության պարագայում ակնհայտ է, որ ՙԼՈՒՍԱԿԵՐՏ՚ ՍՊ ընկերության վճարային պարտավորությունը վիճելի է, որպիսի պայմաններում բացակայում են վերջինսի մասով ՙՍնանկության մասին՚ ՀՀ օրենքի 3-րդ հոդվածով նախտեսված հատկանիշները:
Բացի այդ ՙԼուսակերտի Տոհմային Թռչանբուծական ֆաբրիկա՚ ՍՊ ընկերությունն էլ իր հերթին Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում, թիվ ԵԿԴ/2482/02/15 քաղաքացիական գործի շրջանակներում վիճարկվում է 27.05.2010թ. կնքված թիվ GV04377 վարկային գործառնությունների իրականացման գլխավոր պայմանագիրը, թիվ GV04377/1 և GV04377/11 համաձայնագրերը, ինչպես նաև 07.09.2010թ. թիվ V04411 վարկային պայմանգիրն ամբողջությամբ:
Այսինքն նշված գործով ներկայացված հայցապահանջը բավարարվելու պարագայում ՀՀ քաղաքացիական օրենսգրքի 382-րդ հոդվածի 1-ին մասի իմաստով երաշխավարությունը դադարում է, ուստի՝ ենթադրյալ պարտավորություններն այս մասով ևս միանգամայն վիճելի են:
Անգամ եթե մի պահ ընդունվի, որ Բանկի սույն գործով ներկայացված հիմքերը այլ քաղաքացիական գործի շրջանակներում չեն վիաճարկվում, ապա միևնույնն է ենթադրյալ պարտավորությունը ևս վիճելի է դիտվում հետևյալ պատճառաբանությամբ.
Բանկը սնանկության դիմում ներկայացնելով՝ որպես պարտապան դիտել է ՙԼՈՒՍԱԿԵՐՏ՚ ՍՊԸ-ին: Ըստ ներկայացված դիմումի թիվ GV04377/12 և V04411/4 երաշխավորության պայմանագրերով հանդես է գալիս որպես երաշխավոր , այսինքն՝ ըստ դիմումատուի՝ առկա են եղել ՙՍնանկության մասին՚ ՀՀ օրենքի 3-րդ հոդվածով նախատեսված պայմանները՝ ՙԼՈՒՍԱԿԵՐՏ՚ ՍՊԸ-ին սնանկ ճանաչելու համար, այնինչ.
ՀՀ քաղաքացիական օրենսգրքի 364-րդ հոդվածի 1-ին մասի համաձայն՝ պարտապաններից մեկի կողմից համապարտ պարտականությունը լիրվ կատարելը մանացած պարտապաններին ազատում է պարտատիրոջ հանդեպ պարտականությունը կատարելուց:
Տվյալ պարագայում, փաստորեն, Բանկը ՙԼՈՒՍԱԿԵՐՏ՚ ՍՊԸ-ին ՙԼուսակերտի Տոհմային Թռչնաբուծական Ֆաբրիկա՚ ՍՊ ընկերության հետ միասին դիտել է որպես պարտապան և հաշվի առնելով, որ ներկայացված և վիճարկվող երաշխավորության պայմանագրով նախատեսված է համապարտ պատասխանատվություն՝ ՙԼՈՒՍԱԿԵՐՏ՚ ՍՊԸ-ին սնանկ ճանաչելու պահանջ է ներկայացրել:
Մինչդեռ հարկ է նշել, որ Բանկի կողմից դիմումին կից ներկայացված առկա են նաև ՙԼուսակերտի Տոհմային Թռչնաբուծական Ֆաբրիկա՚ ՍՊ ընկերության դեմ՝ նույն վարկային պարտավորության հիման վրա հարուցված սնանկության այլ վարույթներ, ըստ որոնց Բանկը դիմել է հիմնական պարտապանին և մյուս երաշխավորներին ևս սնանկ ճանաչելու պահանջով:
Այսինքն՝ ըստ ներկայացված նյութերի միևնույն վարկային պայմանագրի հիման վրա սնանկության վարույթ է հարուցվել և հիմնական պարտապանի՝ վարկառուի և վերջինիս թվով 7 երաշխավորների դեմ: Հարկ է նշել, որ ներկայացված և վիճարկվող ապացույցների համաձայն ՙԼուսակերտի Տոհմային Թռչնաբուծական Ֆաբրիկա՚ ՍՊ ընկերության վարկային պարտավորությունը ապահովված է ոչ միայն երաշխավորության, այլ նաև գրավի պայմանագրերով: Հետևաբար՝ սնանկության վարույթում Բանկի պահանջը համարվում է ապահովված, իսկ ՙՍնանկության մասին՚ ՀՀ օրենքի 43-րդ հոդվածի 1-3-րդ մասերի համաձայն՝ 1. ապահովված են համարվում գրավով (այդ թվում` երրորդ անձին պատկանող գույքի գրավով), երաշխիքով կամ երաշխավորությամբ ապահովված պահանջները: Ապահովված պարտատերեր են համարվում ապահովված պահանջներ ունեցող անձինք` այդ պահանջների մասով:
Տվյալ դեպքում Բանկի պահանջը ՙԼուսակերտի Տոհմային Թռչնաբուծական Ֆաբրիկա՚ ՍՊ ընկերության սնանկության վարույթում համարվելու է ապահովված, քանի որ ըստ Բանկի՛ դատարան ներկայացրած դիմումի և դրան կից ներկայացված փաստաթղթերիª վարկառու ընկերության պարտավորությունների կատարման համար կնքվել են ինչպես երաշխավորության, այնպճես էլ գրավի պայմանագրեր /դրանք նույնպես վիճարկվում են/:
Վերը նշված հոդվածի երկրորդ մասով սահմանված է, որ մորատորիում չտարածելու մասին դատարանին ծանուցած գրավով ապահովված պարտատերը չի ընդգրկվում սնանկության գործով պարտատերերի ցանկում, և նրա ապահովված պահանջները բավարարվում են բացառապես այդ պարտավորության համար գրավադրված գույքի իրացման (այդ թվում՝ գործող օրենսդրությամբ սահմանված՝ առանց դատարան դիմելու) հաշվին:
Այդ դեպքում պարտատերը, անկախ ապահովված պահանջների բավարարման չափից, տվյալ պարտավորության մասով հետագայում չի կարող որևէ պահանջ ներկայացնել պարտապանի այլ գույքերի նկատմամբ:
Երաշխիքով կամ երաշխավորությամբ ապահովված պարտատիրոջ պահանջները, այդ թվումª ապահովված պարտականությունները չկատարելու կամ ոչ պատշաճ կատարելու համար պայմանագրով սահմանված տուժանքները, տուգանքները և վճարման ենթակա տոկոսները կարող են բավարարվել երաշխիք կամ երաշխավորություն տված անձի միջոցների հաշվին: Երաշխիք կամ երաշխավորություն տված անձի միջոցները բավարար չլինելու կամ երաշխիք կամ երաշխավորություն տված անձին պահանջ չներկայացնելու դեպքում պարտատերը նույն օրենքի 46-րդ հոդվածով սահմանված կարգով ընդգրկվում է սնանկության գործով պարտատերերի ցանկում և իր պահանջների բավարարումը ստանում է նույն հոդվածի 7-րդ մասով սահմանված կարգով:
Վերոգրյալ նորմերի վերլուծությունից, ըստ էության, պարզ է դառնում, որ նախ օրենսդիրը ապահովված պարտատիրոջ պահանջի բավարարման համար նախապատվություն է տալիս գրավի առարկայի իրացմանը, եթե պարտավորությունն ապահովված է գրավով: Իսկ երաշխավորների առկայության դեպքում ոչ թե դիմում է ներկայացվում երաշխավորին սնանկ ճանաչելու մասին, այլ պարտատիրոջ պահանջը ընդգրկվում է հիմնական պարտապանի սնանկության գործով պարտատերերի ցանկում և բավարավումª օրենքով սահմանված կարգով:
Վերոշարադրյալից պարզ է դառնում, որ տվյալ պարագայում բացառված չէ, որ այլ սնանկության վարույթներում Բանկը, որպես ապահովված պարտատեր, իր պահանջի ամբողջական բավարարումը ստանա, որպիսի պայմաններում վիճելի և առարկայազուրկ կդառնա երաշխավորի պարտավորությունը:
Այսինքն, ստացվում է, որ հիմնական պարտապանին վարկառուին և երաշխավորներին սնանկ ճանաչելով, Բանկը իր պահանջը, կախված դրանցից յուրաքանչյուրի սնանկ ճանաչվելու պահից, ներկայացնելու է դատարան, և յուրաքանչյուրի մասով ստանալու է համապատասխան բավարարում իր պահանջի չափով, այնինչ ՙՍնանկության մասին՚ ՀՀ օրենքի 3, 43 և 46-րդ հոդվածների տարամաբանությունը խոսում է հակառակի մասին:
Փաստորեն, ստեղծված իրավիճակից հետևում է, որ Բանկը ստանալու է ենթադրյալ պահանջի բավարարում ոչ թե իր կողմից ներկայացված պարտքի հաշվարկի չափով, այլ ստանալու է բավարարում պարտքի հաշվարկի չափով յուրաքանչյուր գործով, այսինքն 8 անգամ շատ, ինչը թե անտրամաբանական է և թե հակասում է ՙՍնանկության մասին՚ ՀՀ օրենքի վերը նշված իրավադրույնթերի պահանջներին:
Բացի այդ, համաձայն ՙՍահմանափակ պատասխանատվությամբ ընկերությունների մասին՚ ՀՀ օրենքի 12-րդ հոդվածի ա) կետի. ՙԸնկերության մասնակիցներն իրավունք ունեն՝ ա) սույն օրենքով կամ ընկերության կանոնադրությամբ սահմանված կարգով մասնակցել ընկերության կառավարմանը:՚ :
Նույն օրենքի 48-րդ հոդվածի համաձայն խոշոր է հանդիսանում այն գործարքը կամ մի քանի փոխկապակցված գործարքները, որոնք կապված են ընկերության կողմից ուղղակիորեն կամ անուղղակիորեն գույք ձեռք բերելու, օտարելու կամ օտարելու հնարավորության հետ, որի արժեքը կազմում է նման գործարքներ կատարելու մասին որոշման ընդունման օրվա դրությամբ ընկերության զուտ ակտիվների արժեքի 25 տոկոսից ավելին, եթե ընկերության կանոնադրությամբ նախատեսված չէ խոշոր գործարքի այլ չափ: Խոշոր գործարք կատարելու մասին որոշումն ընդունվում է ընդհանուր ժողովի կողմից: Սույն հոդվածի պահանջների խախտմամբ կատարված խոշոր գործարքը կարող է ճանաչվել անվավերª դատարանի վճռով:
ՀՀ քաղաքացիական օրենսգրքի 315-րդ հոդվածի համաձայն եթե անձի՝ գործարք կնքելու լիազորությունները սահմանափակված են պայմանագրով կամ իրավաբանական անձի մարմնի լիազորություններըª նրա կանոնադրությամբ, համեմատած այն լիազորությունների հետ, որոնք սահմանված են լիազորագրում, օրենքում կամ ակնհայտ են այն իրադրությունից, որում կնքվել է գործարքը, և դա կնքելիս նման անձը կամ մարմինը դուրս է եկել այդ սահմանափակումների շրջանակներից, դատարանը կարող է գործարքն անվավեր ճանաչել այն անձի հայցով, ի շահ որի սահմանված են սահմանափանումները...:
Տվյալ պարագայում, Բանկի ներկայացրած նյութերից պարզ է դառնում, որ դիմումի հիմքում ընկած գործարնքերը վերը նշված իրավանորմերի իմաստով դիտվում են խոշոր, այնինչ ոչ միայն դրանց մասով չկա համապատասխան ընկերության ընդհանուր ժողովի որոշումը, այլև՝ բացակայում է կողմի կամահայտնությունն ընդհանրապես:
Ելնելով վերոգրյալիցª ՙԼՈՒՍԱԿԵՐՏ՚ ՍՊ ընկերությունը խնդրել է ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության դիմումըª ՙԼՈՒՍԱԿԵՐՏ՚ ՍՊ ընկերությանը սնանկ ճանաչելու մասին, մերժել:
Պարտապանի ներկայացուցիչ Վ. Ասատրյանը, պարտապանի տնօրեն Մ. Եփրեմյանը պնդեցին ներկայացված առարակությունը և խնդրեցին մերժել ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության դիմումըª ՙԼՈՒՍԱԿԵՐՏ՚ ՍՊ ընկերությանը սնանկ ճանաչելու մասին /տեսª դատական նիստի արձանագրությունը/:

Դիմումի քննության համար էական նշանակություն ունեցող փաստերը

1. ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության և ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ սահմանափակ պատասխանատվությամբ ընկերության միջև 27.05.2010թ. կնքվել է թիվ GV04377 վարկային գործառնությունների իրականացման գլխավոր պայմանագիր, որով վարկերի, վարկային գծերի, օվերդրաֆտների ե երաշխիքների տրամադրման առավելագույն սահմանաչափ է սահմանվել 820 000 000 (ութ հարյուր քսան միլիոն) ՀՀ դրամ (կամ դրան համարժեք այլ արժույթի):
2. ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության, ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ սահմանափակ պատասխանատվությամբ ընկերության միջև 01.06.2010թ. կնքվել է թիվ GV04377/1 վարկի տրամադրման համաձայնագիր, որով 1814 օր ժամկետով, մինչև 20.05.2015թ.-ը մարման վերջնաժամկետով, տարեկան 13.5% տոկոսադրույքով, վարկի մարումն ըստ համաձայնագրի անբաժանելի մասը կազմող վարկի մարման ժամանակացույց-պարտավորագրով սահմանված չափերի, հաճախականության և ժամկետների ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ ՍՊԸ-ն Բանկից ստացել է 2 000 000 (երկու միլիոն) ԱՄՆ դոլար վարկ:
3. ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության, ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ սահմանափակ պատասխանատվությամբ ընկերության միջև 30.07.2010թ. կնքվել է թիվ GV04377/11 վարկի տրամադրման համաձայնագիր, որով 1755 օր ժամկետով, մինչև 20.05.2015թ. մարման վերջնաժամկետով, տարեկան 13% տոկոսադրույքով, վարկի մարումն ըստ համաձայնագրի անբաժանելի մասը կազմող վարկի մարման ժամանակացույց-պարտավորագրով սահմանված չափերի, հաճախականության և ժամկետների ՙԼՈԻՍԱԿԵՐՏԻ ՏՈՀՄԱՅԻՆ ԹՈՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ն Բանկից ստացել է 1 000 000 (մեկ միլիոն) ԱՄՆ դոլար վարկ:
4. ՙԱՌԷԿՄԻՄԲԱՆԿ-ԳԱԶՊՐՈՄԲԱՆԿԻ ԽՈԻՄԲ՚ փակ բաժնետիրական րնկերության և ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ սահմանափակ պատասխանատվությամբ ընկերության միջև 07.09.2010թ. կնքվել է թիվ V04411 վարկային պայմանագիր, որով ՙԼՈԻՍԱԿԵՐՏԻ ՏՈՀՄԱՅԻՆ ԹՈՉՆԱԲՈԻԾԱԿԱՆ ՖԱԲՐԻԿԱ՚ սահմանափակ պատասխանատվությամբ ընկերությանը 1826 օր ժամկետով, մինչև 2015թ. սեպտեմբերի 7-ը մարման վերջնաժամկետով, տարեկան 14% տոկոս տոկոսադրույքի չափով, վարկի մարումն րստ վարկային պայմանագրի անբաժան մասը կազմող վարկի մարման ժամանակացույց-պարտավորագրով սահմանված կարգի, չափերի, հաճախականության և ժամկետների, Բանկից ստացել է՝ 1 500 000 (մեկ միլիոն հինգ հարյուր հազար) ԱՄՆ դոլարի չափով վարկ:
5. ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության, ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ սահմանափակ պատասխանատվությամբ ընկերության և ՙԼՈԻՍԱԿԵՐՏ՚ սահմանափակ պատասխանատվությամբ ընկերության միջև 13.08.2013թ. կնքվել է թիվ GV04377/12 երաշխավորության պայմանագիր, որով ՙԼՈԻՍԱԿԵՐՏ՚ ՍՊԸ-ն պարտավորվել է իրեն պատկանող ամբողջ գույքով, հիմնական և շրջանառու (դրամական) միջոցներով ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ ՓԲԸ-ի առջև համապարտ պատասխանատվություն կրել 27.05.2010թ. կնքված թիվ GV04377 վարկային գործառնությունների իրականացման գլխավոր պայմանագրով ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈՒԾԱԿԱՆ ՖԱԲՐԻԿԱ՚ ՍՊԸ-ի կողմից ստանձնած պարտավորությունների պատշաճ կատարման համար:
6. ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈԻՄԲ՚ ՓԲ ընկերության և ՙԼՈՒՍԱԿԵՐՏ՚ ՍՊ ընկերության միջև 13.08.2013թ. կնքվել է թիվ V04411/4 երաշխավորության պայմանագիր, որով ՙԼՈՒՍԱԿԵՐՏ՚ ՍՊ ընկերությունը պարտավորվել է իրեն պատկանող ամբողջ գույքով, հիմնական և շրջանառու (դրամական) միջոցներով ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈԻՄԲ՚ ՓԲԸ-ի առջև համապարտ պատասխանատվություն կրել 07.09.2010թ. կնքված թիվ V04411 վարկային պայմանագրով ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ ՍՊԸ-ի կողմից ստանձնած պարտավորությունների պատշաճ կատարման համար:
7. ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ ՓԲԸ-ի գործառնական վարչության պետ Մ. Վանցյանի 02.04.2015 թվականի տեղեկանքների համաձայն` 01.06.2010թ. կնքված թիվ GV04377/1 վարկի տրամադրման համաձայնագրով, 30.07.2010թ. կնքված թիվ GV04377/11 վարկի տրամադրման համաձայնագրով, 07.09.2010թ. կնքված թիվ V04411 վարկային պայմանագրով համապարտ պարտապան ՙԼՈԻՍԱԿԵՐՏ՚ ՍՊԸ-ի ընդհանուր պարտքը ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ ՓԲԸ-ի հանդեպ 02.04.2015 թվականի դրությամբ կազմում է 2 761 476.62 (երկու միլիոն յոթ հարյուր վաթսունմեկ հազար չորս հարյուր յոթանասունվեց դոլար և վաթսուներկու ցենտ) ԱՄՆ դոլարին համարժեք ՀՀ դրամ:
8. Պարտապան ՙԼՈՒՍԱԿԵՐՏ՚ սահմանափակ պատասխանատվությամբ ընկերությունը 30.04.2015 թվականին Կոտայքի մարզի ընդհանուր իրավասության դատարան է ներկայացրել առարկություն ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության կողմից ներկայացված ՙԼՈԻՍԱԿԵՐՏ՚ սահմանափակ պատասխանատվությամբ ընկերությանը սնանկ ճանաչելու մասին դիմումի վերաբերյալ, որպիսի պատճառանաբնությամբ նշանակվել է դատական նիստ:
9. ՙԼՈՒՍԱԿԵՐՏ՚ սահմանափակ պատասխանատվությամբ ընկերությունը հայց է ներկայացրել ՀՀ Երևան քաղաքի Կենտրոն և Նորք Մարաշ վարչական շրջանների ընդհանուր իրավասության դատարան ընդդեմ ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության` երաշխավորության պայմանագրերն անվավեր ճանաչելու պահանջի մասին, որը դատարանի 04.06.2015 թվականի որոշմամբ ընդունվել է վարույթ:
10. ՙԼՈԻՍԱԿԵՐՏԻ ՏՈՀՄԱՅԻՆ ԹՌՉՆԱԲՈԻԾԱԿԱՆ ՖԱԲՐԻԿԱ՚ սահմանափակ պատասխանատվությամբ ընկերությունը հայց է ներկայացրել ՀՀ Երևան քաղաքի Կենտրոն և Նորք Մարաշ վարչական շրջանների ընդհանուր իրավասության դատարան ընդդեմ ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության` գլխավոր պայմանագիրը, համաձայնագրերը և վարկային պայմանագիրը անվավեր ճանաչելու պահանջի մասին, որը դատարանի 03.06.2015 թվականի որոշմամբ ընդունվել է վարույթ:

Կիրառելի իրավունքը, դատարանի իրավական վերլուծությունը, պատճառաբանությունները և եզրահանգումը.

Դատարանը, քննության առնելով դիմումը, լսելով կողմերին, և յուրաքանչյուր ապացույց գնահատելով գործում եղած ապացույցների բազմակողմանի, լրիվ և օբյեկտիվ հետազոտության վրա հիմնված ներքին համոզմամբ, գալիս է հետևյալ եզրահանգման.
ՙՍնանկության մասին՚ ՀՀ օրենքի` ՙՊարտապանին սնանկ ճանաչելու հիմքերն ու անվճարունակության հատկանիշները՚ վերտառությամբ 3-րդ հոդվածի 1-ին կետը սահմանում է, որ պարտապանը կարող է սնանկ ճանաչվել դատարանի վճռով սեփական նախաձեռնությամբ (կամավոր սնանկության դիմում) կամ պարտատիրոջ պահանջով (հարկադրված սնանկության դիմում), եթե պարտապանն անվճարունակ է:
Սնանկությունն իրենից ներկայացնում է իրավիճակ, երբ պարտապանն ընդհանուր առմամբ անկարող է վճարելու իր պարտքերը՝ պարտավորությունները կատարելու համար նախատեսված ժամկետներում, կամ երբ պարտապանի պարտավորությունների ընդհանուր գումարը գերազանցում է նրա ակտիվների արժեքը: Այսինքն՝ տարբերակվում է սնանկություն երկու ձև՝ փաստացի և հաշվեկշռային: Սնանկությունն աներկբայորեն ենթադրում է վճարելու կարողության բացակայություն:
Դատարանը գտնում է, որ սնանկության ինստիտուտի նպատակն է հնարավորություն տալ բարեխիղճ և պարտաճանաչ պարտապանին վերականգնել իր բնականոն գործունեությունը, հաղթահարել ֆինանսական դժվարությունները, ինչպես նաեւ ապահովվել անվճարունակ կազմակերպությունների վերակառուցումը և ֆինանսական վերակազմակերպումը, վերականգնել նրա կենսունակությունը և միևնույն ժամանակ ապահովել պարտատերերի շահերի պաշտպանություն:
ՙՍնանկության մասին՚ ՀՀ օրենքի 3-րդ հոդվածի վերլուծությունը վկայում է այն մասին, որ դրանում առկա դրույթները խարսխվում են այն տրամաբանության վրա, համաձայն որի՝ սնանկության հիմքն անվճարունակությունն է: Այդ մասին է, մասնավորապես, վկայում Օրենքի 3-րդ հոդվածի առաջին մասում ամրագրված դրույթը, որը և՛ կամավոր uնանկության, և՛ հարկադրված uնանկության դեպքում որպես սնանկության հիմք ամրագրում է պարտապանի անվճարունակության փաստը:
Սնանկության հետ կապված հարաբերությունների իրավական կարգավորումը յուրաքանչյուր պետության տնտեսության կայունության ապահովման երաշխիքներից է:
Սնանկության մասին օրենսդրության առանցքը կազմում է սնանկության վարույթն իրականացնելու չափորոշիչների սահմանումը: Այդ հիմքերի պահպանմամբ է հնարավոր դառնում սնանկության գործերով վարույթի իրականացումը, որն էլ հնարավորություն է ընձեռում սահմանել այն պարտապաններին, որոնց վրա կարող է տարածվել օրենսդրության պաշտպանական և ընթացակարգային կառուցակարգերի գործողությունը, ինչպես նաև այն կողմերին (պարտապան, պարտատեր կամ այլ կողմեր), որոնք կարող են սնանկության մասին գործի վարույթը հարուցել:
ՙՍնանկության մասին՚ ՀՀ օրենքի 3-րդ հոդվածի 2-րդ մասի համաձայն պարտապանը դատարանի վճռով կարող է սնանկ ճանաչվել`
1. հարկադրված սնանկության դիմումի հիման վրա` եթե թույլ է տվել օրենքով սահմանված նվազագույն աշխատավարձի հազարապատիկը գերազանցող անվիճելի վճարային պարտավորությունների 60-օրյա կամ ավելի ժամկետով կետանց, և վճռի կայացման պահին նշված կետանցը շարունակվում է (փաստացի անվճարունակություն): Վճարային պարտավությունն անվիճելի է, եթե պարտապանը չի առարկում դրա դեմ, կամ եթե առարկում է հիշյալ պարտավորության դեմ, սակայն`
ա/ Վճարային պարտավորությունը ճանաչված է օրինական ուժի մեջ մտած վճռով կամ դատավճռով, և բացակայում է հաշվանցի հնարավորություն,
բ/ պահանջը հիմնված է գրավոր գործարքի վրա, և պարտապանը չի ապացուցում, որ տվյալ պահանջի դեմ առարկելու բավարար հիմքեր ունի (ներառյալ` պահանջի հաշվանցը),
գ/ պահանջը բխում է օրենքով սահմանված հարկեր, տուրքեր կամ պարտադիր այլ վճարներ վճարելու պարտապանի պարտավորությունից, և պարտապանը չի ապացուցում, որ տվյալ պահանջի դեմ առարկելու բավարար հիմքեր ունի (ներառյալ` պահանջի հաշվանցը),
դ/ պահանջի չվիճարկվող մասը գերազանցում է օրենքով սահմանված նվազագույն աշխատավարձի հազարապատիկը:
Սույն սնանկության գործով պարտապան ՙԼՈՒՍԱԿԵՐՏ՚ սահմանափակ պատասխանատվությամբ ընկերությունը ոչ միայն վիճարկում է ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության հանդեպ ունեցած պարտավորությունը, գտնելով, որ երաշխավորության պայմանագրերն պետք է անվավեր ճանաչել, այլև հայց է ներկայացրել ՀՀ Երևան քաղաքի Կենտրոն և Նորք Մարաշ վարչական շրջանների ընդհանուր իրավասության դատարան ընդդեմ ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ փակ բաժնետիրական ընկերության` երաշխավորության պայմանագրերն անվավեր ճանաչելու պահանջի մասին, որը դատարանի 04.06.2015 թվականի որոշմամբ ընդունվել է վարույթ:
Քննարկվող համատեքստում Դատարանն անհրաժեշտ է համարում անդրադադառնալ սնանկության դիմում ներկայացնելու համար առիթ /հիմք/ հանդիսացած պարտավորությանª անվիճելի լինելու կամ այդպիսին չհանդիսանալու հարցին:
Վերոնշյալը կարևորվում է ինչպես պարտապանի իրավունքների և օրինական շահերի պաշտպանության, այնպես էլ հնարավոր սնանկության վարույթի առավելագույնս արդյու