Քաղաքացիական գործ թիվ ԿԴ 0404/02/13

Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
23 հոկտեմբերի 2013թ. ք. Հրազդան
ՀՀ ԿՈՏԱՅՔԻ ՄԱՐԶԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸª
ՆԱԽԱԳԱՀՈՒԹՅԱՄԲ ԴԱՏԱՎՈՐ Տ. ՓՈԼԱԴՅԱՆԻ
ՔԱՐՏՈՒՂԱՐՈՒԹՅԱՄԲ Ա. ՄԱՐՏԻՐՈՍՅԱՆԻ

դռնբաց դատական նիստում քննելով քաղաքացիական գործն ըստ հայցի` ՙԼոկատոր՚ փակ բաժնետիրական ընկերության /այսուհետ նաև` ՙԼոկատոր՚ ՓԲԸ/ ընդդեմ ՙԼուսակերտի տոհմային թռչնաբուծական ֆաբրիկա՚ սահմանափակ պատասխանատվությամբ ընկերության /այսուհետ նաև` Լուսակերտի տոհմային թռչնաբուծական ֆաբրիկա՚ ՍՊԸ/` գումարի բռնագանձման պահանջի մասին,
Պ Ա Ր Զ Ե Ց
Գործի դատավարական նախապատմությունը.
ՙԼոկատոր՚ ՓԲ ընկերության ներկայացուցիչ Հայկանուշ Սուքիասյանը դատարան է դիմել 21.08.2013 թվականին:
ՀՀ Կոտայքի մարզի ընդհանուր իրավասության առաջին ատյանի դատարանը /այսուհետ նաևª Դատարան/ 24.08.2013 թվականին բավարարել է ՙԼոկատոր՚ ՓԲ ընկերության ներկայացուցչի միջնորդությունը` պետական տուրքի վճարումը հետաձգելու մասին և հայցադիմումը վարույթ է ընդունել 24.08.2013 թվականին:
Գործի արդյունավետ քննությունն ապահովելու նպատակով` Դատարանը կիրառել է գործը դատաքննության նախապատրաստելու կանոնները և 2013 թվականի հոկտեմբերի 08-ին ժամը 15.10-ին ՀՀ Կոտայքի մարզի ընդհանուր իրավասության առաջին ատյանի դատարանի Հրազդանի նստավայրում նշանակել է նախնական դատական նիստ:
Դատարանը 24.08.2013 թվականին որոշում է կայացրել, որով բավարարել է հայցվոր ՙԼոկատոր՚ փակ բաժնետիրական ընկերության ներկայացուցիչ Հ. Սուքիասյանի միջնորդությունը և հայցագնիª 714 520 /յոթ հարյուր տասնչորս հազար հինգ հարյուր քսան/ ՀՀ դրամի չափով արգելանք է դրել պատասխանող ՙԼուսակերտի տոհմային թռչնաբուծական ֆաբրիկա՚ սահմանափակ պատասխանատվությամբ ընկերությանը պատկանող գույքի վրա:
24.08.2013 թվականին տրվել է կատարողական թերթ:
ՀՀ Կոտայքի մարզի ընդհանուր իրավասության առաջին ատյանի դատարանը 08.10.2013 թվականին որոշում է կայացրել գործը դատաքննության նշանակելու մասին:
08.10.2013 թվականին ՙԼոկատոր՚ ՓԲ և ՙԼուսակերտի տոհմային թռչնաբուծական ֆաբրիկա՚ ՍՊ ընկերությունների կողմից Դատարան է ներկայացվել սույն քաղաքացիական գործով հաշտության համաձայնագիր:
Գործի դատաքննությունն իրականացվել է 08.10.2013 թվականին:
Հայցվորի փաստարկները և իրավական դիրքորոշումը.
Հայցվորի ներկայացուցիչը, դիմելով դատարան, հայտնել է, որ 12.11.2007թ. ՙԼոկատոր՚ փակ բաժնետիրական ընկերության և ՙԼուսակերտի տոհմային թռչնաբուծական ֆաբրիկա՚ սահմանափակ պատասխանատվությամբ ընկերության միջև կնքվել է շարժական օբյեկտների մոնիտորինգային ծառայությունների մատուցման վերաբերյալ թիվ ԱԱ 00008 պայմանագիրը, որի համաձայն` կատարողը պարտավորվում է իրեն պատկանող ՙԼոկատոր՚ համակարգի միջոցով պատվիրատուին մատուցել պատվիրատուին պատկանող շարժական օբյեկտների մոնիտորինգային ծառայություններ, իսկ պատվիրատուն պարտավորվում է վճարել ծառայությունների դիմաց` նույն պայմանագրով սահմանված կարգով:
12.11.2007թ. կնքված պայմանագրի 7.1-րդ կետի համաձայն` պայմանագիրն ուժի մեջ է մտնում կողմերի միջև ստորագրվելու պահից և գործում է կնքվելու պահից սկսած մեկ տարվա ընթացքում: Նշված ժամկետի ավարտից հետո պայմանագիրը նույն պայմաններով ու նույն ժամկետով համարվում է երկարացված, եթե գործող պայմանագրի ժամկետի ավարտից ոչ պակաս, քան 15 օրերի ընթացքում կողմերից որևէ մեկը մյուսին գրավոր չի տեղեկացրել պայմանագրի ժամկետի երկարացումից հրաժարվելու մասին:
12.11.2007թ. կնքված պայմանագրի 3.3-րդ կետի համաձայն` ծառայությունների վճարումը կատարվում է ամենամսյա վճարումների եղանակով:
12.11.2007թ. կնքված պայմանագրի 3.4-րդ կետի համաձայն` կատարողի կողմից յուրաքանչյուր ամսվա ընթացքում մատուցված ծառայությունների հաշիվը ներկայացվում է պատվիրատուին` հաջորդ ամսվա 1-ից մինչև 5-ն ընկած ժամանակահատվածում` պատվիրատուի կողմից տրամադրված էլեկտրոնային փոստի հասցեով կամ փոխադարձ ընդունելի այլ եղանակով /ֆաքսիմիլային եղանակով, փոստային բաժանմունքի միջոցով.../:
12.11.2007թ. կնքված պայմանագրի 3.7-րդ կետի համաձայն` պատվիրատուի կողմից վճարման պարտավորությունը չկատարելու կամ ուշացնելու դեպքում վերջինս պարտավոր է վճարել տույժ` կետանցի յուրաքանչյուր օրվա համար վճարման ենթակա գումարի 0.5 տոկոսի չափով:
Հայցվորը նշել է, որ պայմանագրի գործողությունը չի դադարեցվել և պարտատիրոջ կողմից ծառայությունները մատուցվել են մինչև 29.02.2012 թվականը:
Կատարողի կողմից ծառայությունները պատշաճ մատուցվել են, և պարտապանն ընդունել է մատուցված ծառայությունները, ինչը հավաստվում է թիվ 0007 ծառայությունների մատուցման և դրանց դիմաց վճարման վերաբերյալ հաշվապահական փաստաթղթերով: ՙԼոկատոր՚ ՓԲ ընկերությունը պատշաճ կարգով պատվիրատուին ուղարկել է մատուցված ծառայությունների դիմաց բոլոր հաշիվ-ապրանքագրերը:
ՙԼոկատոր՚ ՓԲ ընկերության կողմից մատուցված ծառայությունների արժեքը կազմում է 4.001.400 /չորս միլիոն մեկ հազար չորս հարյուր/ ՀՀ դրամ: Մատուցված ծառայությունների մասով պարտապանի կողմից վճարվել է միայն 3.321.980 /երեք միլիոն երեք հարյուր քսանմեկ հազար ինը հարյուր ութսուն/ ՀՀ դրամ: Պարտապանի կողմից վերջին վճարումը կատարվել է 15.11.2012 թվականը:
Այսինքն` պարտապանի պարտավորությունը պարտատիրոջ նկատմամբ կազմում է 714.520 /յոթ հարյուր տասնչորս հազար հինգ հարյուր քսան/ ՀՀ դրամ:
ՙԼոկատոր՚ ՓԲ ընկերության կողմից ծառայությունները մատուցվել են և պարտապանի կողմից ծառայություններն ընդունվել են, որպիսի փաստը հավաստվում է թիվ 0007 ծառայությունների մատուցման և դրանց դիմաց կատարվող վճարումների վերաբերյալ հաշվապահական փաստաթղթերով:
18.07.2013թ. պատվիրված հետադարձ ծանուցմամբ նամակով պարտապան ՙԼուսակերտի տոհմային թռչնաբուծական ֆաբրիկա՚ սահմանափակ պատասխանատվությամբ ընկերությանը նախապահանջ է ուղարկվել, որը պարտապանի կողմից ստացվել է 27.07.2013թ., սակայն մինչև օրս որևէ գործողություն չի կատարվել պարտքը մարելու համար:
Վկայակոչելով ՀՀ քաղաքացիական դատավարության օրենսգրքի 2-րդ հոդվածը, ՀՀ քաղաքացիական օրենսգրքի 345-րդ հոդվածի 1-ին մասը, 347-րդ, 352-րդ հոդվածները, 17-րդ հոդվածի 1-ին և 2-րդ մասերը, 369-րդ հոդվածի 1-ին մասը, 11.09.2008 թվականին կնքված պայմանագրի 3.7-րդ կետը` հայցվորի ներկայացուցիչը խնդրել է պատասխանող ՙԼուսակերտի տոհմային թռչնաբուծական ֆաբրիկա՚ ՍՊ ընկերությունից հօգուտ ՙԼոկատոր՚ ՓԲ ընկերության բռնագանձել 714 520 /յոթ հարյուր տասնչորս հազար հինգ հարյուր քսան/ ՀՀ դրամ, տույժ` կետանցի օրվանից մինչև պարտավորության փաստացի կատարման օրը կետանցի յուրաքանչյուր օրվա համար 714.520 /յոթ հարյուր տասնչորս հազար հինգ հարյուր քսան/ ՀՀ դրամ գումարի 0.5 տոկոսի չափով, 214.356 /երկու հարյուր տասնչորս հազար երեք հարյուր հիսունվեց/ ՀՀ դրամ` որպես փաստաբանին վճարման ենթակա գումար:
2013 թվականի հոկտեմբերի 08-ին ժամը 15.10-ին նշանակված դատական նիստին հայցվորի ներկայացուցիչը չի ներկայացել, չնայած պատշաճ կարգով ծանուցվել է վերոնշյալ դատական նիստի վայրի և ժամանակի մասին:
Միաժամանակ, 08.10.2013 թվականին ՙԼոկատոր՚ ՓԲ և ՙԼուսակերտի տոհմային թռչնաբուծական ֆաբրիկա՚ ՍՊ ընկերությունների կողմից Դատարան է ներկայացվել սույն քաղաքացիական գործով հաշտության համաձայնագիր:
Դատարանը, ղեկավարվելով ՀՀ քաղաքացիական դատավարության օրենսգրքի 118-րդ հոդվածի 2-րդ մասով, դատական նիստն անցկացրել է հայցվորի ներկայացուցչի բացակայությամբ:
08.10.2013 թվականին ՙԼոկատոր՚ ՓԲ և ՙԼուսակերտի տոհմային թռչնաբուծական ֆաբրիկա՚ ՍՊ ընկերությունների կողմից Դատարան է ներկայացվել սույն քաղաքացիական գործով հաշտության համաձայնագիր:
Պատասխանողի փաստարկները և իրավական դիրքորոշումը.
Պատասխանող ՙԼուսակերտի տոհմային թռչնաբուծական ֆաբրիկա՚ սահմանափակ պատասխանատվությամբ ընկերությունը ստացել է հայցադիմումը վարույթ ընդունելու մասին դատավորի որոշումը, հայցադիմումի և դրան կից փաստաթղթերի պատճենները, ինչպես նաև նախազգուշացվել է հայցադիմումին պատասխան ներկայացնելու անհրաժեշտության և պատասխան չներկայացնելու դեպքումª ՀՀ քաղաքացիական դատավարության օրենսգրքի 95-րդ հոդվածով նախատեսված իրավական հետևանքների մասին, սակայն հայցադիմումի պատասխան չի ներկայացրել:
2013 թվականի հոկտեմբերի 08-ին նշանակված դատական նիստին, պատասխանողը չի ներկայացել, չնայած պատշաճ կարգով ծանուցվել է վերոնշյալ դատական նիստի վայրի և ժամանակի մասին:
08.10.2013 թվականին ՙԼոկատոր՚ ՓԲ և ՙԼուսակերտի տոհմային թռչնաբուծական ֆաբրիկա՚ ՍՊ ընկերությունների կողմից Դատարան է ներկայացվել սույն քաղաքացիական գործով հաշտության համաձայնագիր:
Դատարանը, ղեկավարվելով ՀՀ քաղաքացիական դատավարության օրենսգրքի 118-րդ հոդվածի 2-րդ մասով, դատական նիստն անցկացրել է պատասխանողի ներկայացուցչի բացակայությամբ
Գործի լուծման համար էական նշանակություն ունեցող փաստը.
. Կողմերը 08.10.2013 թվականին դատարանին են ներկայացրել գրավոր հաշտության համաձայնագիրը /հիմք` հաշտության համաձայնագիրը/:
Կիրառելի իրավունքը, դատարանի իրավական վերլուծությունը, պատճառաբանությունները և եզրահանգումը.
Գործում առկա յուրաքանչյուր ապացույց գնահատելով գործում եղած բոլոր ապացույցների բազմակողմանի, լրիվ և օբյեկտիվ հետազոտության վրա հիմնված ներքին համոզմամբ` Դատարանը գալիս է հետևյալ եզրահանգման.
Հայաստանի Հանրապետության քաղաքացիական դատավարության օրենսգրքի 33-րդ հոդվածի 1-ին մասի համաձայնª կողմերը դատավարության ցանկացած փուլում կարող են գործն ավարտել հաշտության համաձայնությամբ:
Հայաստանի Հանրապետության քաղաքացիական դատավարության օրենսգրքի 109-րդ հոդվածի 7-րդ մասի համաձայնª դատարանը կարճում է գործի վարույթը, եթե դատարանը հաստատել է կնքված հաշտության համաձայնությունը:
Հայաստանի Հանրապետության քաղաքացիական դատավարության օրենսգրքի 33-րդ հոդվածի 2-րդ մասի համաձայնª կողմերի միջև կայացված հաշտության համաձայնությունը ձևակերպվում է գրավոր:
Հայաստանի Հանրապետության քաղաքացիական դատավարության օրենսգրքի 33-րդ հոդվածի համաձայնª դատարանը չի հաստատում հաշտության համաձայնությունը, եթե այն հակասում է օրենքին և այլ իրավական ակտերին կամ խախտում այլ անձանց իրավունքները և օրինական շահերը…:
Տվյալ դեպքում, կողմերը 08.10.2013թ. դատարանին են ներկայացրել հաշտության համաձայնագրի գրավոր շարադրանքը և խնդրել են այն հաստատել:
Նման պայմաններում, հիմք ընդունելով միջնորդությունը, և նկատի ունենալով, որ կողմերն օգտվել են իրենց դատավարական իրավունքիցª կնքել են հաշտության համաձայնություն, ինչպես նաև այն, որ կողմերի միջև կնքված և դատարանի հաստատմանը ներկայացված հաշտության համաձայնությունը չի հակասում օրենքին կամ այլ իրավական ակտերին, չի խախտում այլ անձանց իրավունքները և օրինական շահերը, Դատարանը գալիս է այն հետևության, որ կողմերի ներկայացրած հաշտության համաձայնությունը ենթակա է հաստատման, իսկ սույն քաղաքացիական գործի վարույթը` կարճման:
Դատական ծախսերը.
ՀՀ քաղաքացիական դատավարության օրենսգրքի 68-րդ հոդվածի համաձայնª դատական ծախսերը կազմված են պետական տուրքից և փորձագետին, վկային, կանչելու, ապացույցները դրանց գտնվելու վայրում զննելու, փաստաբանի խելամիտ վարձատրության և գործի քննության հետ կապված այլ գործողությունների համար վճարման ենթակա գումարներից:
ՙՊետական տուրքի մասին՚ Հայաստանի Հանրապետության օրենքի 9-րդ հոդվածի 1-ին մասի ՙա՚ կետի համաձայնª գույքային պահանջով հայցադիմումների համար պետական տուրքը գանձվում է հայցագնի երկու տոկոսի չափով, բայց ոչ պակաս բազային տուրքի 150 տոկոսից:
ՀՀ քաղաքացիական դատավարության օրենսգրքի 73-րդ հոդվածի 1-ին մասի համաձայնª դատական ծախսերը գործին մասնակցող անձանց միջև բաշխվում են բավարարված հայցապահանջների չափին համամասնորեն:
Միաժամանակ, ՀՀ քաղաքացիական դատավարության օրենսգրքի 73-րդ հոդվածի 2-րդ մասի համաձայն` գործին մասնակցող անձանց միջև դատական ծախսերի բաշխման մասին համաձայնության դեպքում դատարանը վճիռ է կայացնում դրան համապատասխան:
Դատարանը, քննության առնելով պետական տուրքի վճարման հարցը և նկատի ունենալով, որ գումարի բռնագանձման պահանջի մասով ՀՀ Կոտայքի մարզի ընդհանուր իրավասության դատարանի 24.08.2013 թվականի որոշմամբ պետական տուրքի վճարումը հետաձգվել է, ինչպես նաև այն, որ կողմերի ներկայացրած հաշտության համաձայնության գրավոր շարադրանքում կողմերն անդրադարձել են նաև պետական տուրքի վճարման հարցին, գտնում է, որ պատասխանող ՙԼուսակերտի տոհմային թռչնաբուծական ֆաբրիկա՚ սահմանափակ պատասխանատվությամբ ընկերությունից հօգուտ Հայաստանի Հանրապետության պետական բյուջեի պետք է բռնագանձել 14 290.4 /տասնչորս հազար երկու հարյուր իննսուն դրամ քառասուն լումա/ ՀՀ դրամ` որպես չվճարված պետական տուրքի գումար:
Դատարանը, նկատի ունենալով, որ պետական տուրքից զատ այլ դատական ծախսեր չկան, գտնում է, որ դատական ծախսերի հարցը պետք է համարել լուծված:
Ելնելով վերոգրյալից և ղեկավարվելով ՀՀ քաղաքացիական դատավարության օրենսգրքի 130-132-րդ հոդվածներով` Դատարանը
Վ Ճ Ռ Ե Ց
1. Հաստատել ներկայացված հաշտության համաձայնությունըª հետևյալ բովանդակությամբ.
Հաշտության համաձայնագիր
Հայաստանի Հանրապետություն, ք. Երևան
երկու հազար տասներեք թվականի սեպտեմբերի քսաներեքին
Թիվ ԿԴ/0404/02/13 քաղաքացիական գործով հայցվոր ՙԼոկատոր՚ ՓԲԸ-ն ի դեմս տնօրեն Արման Խաչատրյանի, մի կողմից, և պատասխանող ՙԼուսակերտի տոհմային թռչնաբուծական ֆաբրիկա՚ ՍՊԸ-ն, ի դեմս տնօրեն Վասպուրակ Մարտիրոսյանի, մյուս կողմից, այսուհետև` միասին Կողմեր, ըստ հայցի ՙԼոկատոր՚ ՓԲԸ-ի ընդդեմ ՙԼուսակերտի տոհմային թռչնաբուծական ֆաբրիկա՚ ՍՊԸ-ի` 714.520 /յոթ հարյուր տասնչորս հազար հինգ հարյուր քսան/ ՀՀ դրամ, տույժ` կետանցի օրվանից մինչև պարտավորության փաստացի կատարման օրը կետանցի յուրաքանչյուր օրվա համար 714 520 /յոթ հարյուր տասնչորս հազար հինգ հարյուր քսան/ ՀՀ դրամ գումարի 0.5 տոկոսի չափով, 214.356 /երկու հարյուր տասնչորս հազար երեք հարյուր հիսունվեց/ ՀՀ դրամ` որպես փաստաբանին վճարման ենթակա գումար բռնագանձելու պահանջի մասին, թիվ ԿԴ/0404/02/13 քաղաքացիական գործի վերաբերյալ կնքում են հաշտության համաձայնագիր հետևյալի մասին.
I.Համաձայնագրի առարկան
1. ՙԼուսակերտի տոհմային թռչնաբուծական ֆաբրիկա՚ ՍՊԸ-ն պարտավորվում է սույն հաշտության համաձայնագիրը կնքելուց հետո Ընկերությանը վճարել 714.520 /յոթ հարյուր տասնչորս հազար հինգ հարյուր քսան/ ՀՀ դրամ սույն համաձայնագրի անբաժանելի մասը կազմող ժամանակացույցով /այսուհետ` ժամանակացույց/ սահմանված չափով և ժամկետներում:
2. ՙԼուսակերտի տոհմային թռչնաբուծական ֆաբրիկա՚ ՍՊԸ-ն վճարումները պետք է կատարի` սկսած 2013թ. սեպտեմբերի 27-ից մինչև պարտքի վերջնական մարումը:
3. Ժամանակացույցով սահմանված գումարները ՙԼուսակերտի տոհմային թռչնաբուծական ֆաբրիկա՚ ՍՊԸ-ն պետք է վճարի միանվագ և ամբողջությամբ մինչև Ժամանակացույցով սահմանված յուրաքանչյուր ամսվա 10-ը:
4. ՙԼուսակերտի տոհմային թռչնաբուծական ֆաբրիկա՚ ՍՊԸ-ի կողմից վճարումները պետք է կատարվի անկանխիկ` սույն համաձայնագրում նշված ՙԼոկատոր՚ ՓԲԸ-ի բանկային հաշվեհամարին փոխանցելու միջոցով:
5. ՙԼուսակերտի տոհմային թռչնաբուծական ֆաբրիկա՚ ՍՊԸ-ի կողմից Ժամանակացույցով սահմանված ժամկետում վճարումները չկատարելու դեպքում վերջինս պարտավորվում է վճարել նաև տույժ` ժամկետանց յուրաքանչյուր օրվա համար տվյալ ամիս վճարման ենթակա գումարի 2 տոկոսի չափով: Վճարման կետանց թույլ տալու դեպքում ՙԼոկատոր՚ ՓԲԸ-ն կարող է պահանջել անհապաղ վճարել ամբողջ գումարը:
6. Այն դեպքում, երբ Ժամանակացույցով վճարման համար սահմանված վերջին օրը ոչ աշխատանքային օր է, ապա վճարման օր է համարվում դրան հաջորդող աշխատանքային օրը:
7. ՙԼուսակերտի տոհմային թռչնաբուծական ֆաբրիկա՚ ՍՊԸ-ի կողմից Ժամանակացույցով սահմանված վճարումների ժամկետները խախտելու դեպքում վճարման ենթակա գումարը և սույն համաձայնագրով սահմանված տույժերը կբռնագանձվի դատական ակտերի հարկադիր կատարման ծառայության միջոցով:
8. Կողմերը սույն համաձայնագրով ՀՀ քաղաքացիական դատավարության օրենսգրքի 208-րդ հոդվածի 1-ին մասով սահմանված կարգով հրաժարվում են վերաքննության իրավունքից:
9. Կողմերը ներկայացված հայցի շրջանակներում, բացի սույն համաձայնագրի 1-ին կետում նշված պարտավորություններից, միմյանց նկատմամբ մնացած այլ պարտավորություններից հրաժարվում են:
10. Սույն քաղաքացիական գործի շրջանակներում առաջին ատյանի դատարանի պետական տուրքը` հայցապահանջի 2/երկու/ տոկոսի չափով վճարում է պատասխանող ՙԼուսակերտի տոհմային թռչնաբուծական ֆաբրիկա՚ ՍՊԸ-ն:
11. Սույնով Կողմերից յուրաքանչյուրը հայտարարում և երաշխավորում է, որ սույն հաշտության համաձայնագիրը կնքելիս գործել է սթափ մտքով, առանց որևէ մոլորության կամ հարկադրանքի ազդեցության, լիովին հասկանում և գիտակցում է իր կողմից ստանձնվող պարտավորությունների իրավական բնույթը և դրանց չկատարման հետևանքները, ինչպես նաև գործում է իր անկաշկանդ կամքով և ցանկությամբ:
12. Սույն հաշտության համաձայնագիրը կազմված է երեք բնօրինակից, կողմերից յուրաքանչյուրին տրվում է մեկ բնօրինակ և մեկ բնօրինակ հանձնվում է դատարանին:
II.Կողմերի վավերապայմանները և ստորագրությունները.
ՙԼոկատոր ՚ ՓԲԸ ՙԼուսակերտի տոհմային
թռչնաբուծական ֆաբիկա՚ ՍՊԸ
Վկայական 03Ա075936 ՀՎՀՀ 03300843, Արդշինինվեստբանկ ՓԲԸ,
գրանցման համարը` 264.120.07866 ՀՀ 247010000765,
գրանցման ամսաթիվը` 16.04.2007թ. հասցե` Կոտայքի մարզ, Նոր Գեղի
հասցե` ՀՀ, ք.Երևան, Կոմիտասի պող.,
36 ա, բն.22
տնօրեն ստորագրություն կլոր կնիք տնօրեն ստորագրություն կլոր կնիք

Ա. Խաչատրյան Վ. Մարտիրոսյան


Վճարման ժամանակացույց
23.09.2013թ. ՙԼոկատոր՚ ՓԲԸ-ի և ՙԼուսակերտի տոհմային թռչնաբուծական
ֆաբրիկա՚ ՍՊԸ-ի միջև կնքված հաշտության համաձայնագրի

Սեպտեմբերի 27 Հոկտեմբերի 10 Նոյեմբերի 10 Դեկտեմբերի 10
200 .000 ՀՀ դրամ 200.000 ՀՀ դրամ 200.000 ՀՀ դրամ 114.520 ՀՀ դրամ

II. Կողմերի վավերապայմանները և ստորագրությունները.
ՙԼոկատոր ՚ ՓԲԸ ՙԼուսակերտի տոհմային
թռչնաբուծական ֆաբիկա՚ ՍՊԸ

Վկայական 03Ա075936 ՀՎՀՀ 03300843, Արդշինինվեստբանկ ՓԲԸ,
գրանցման համարը` 264.120.07866 ՀՀ 247010000765,
գրանցման ամսաթիվը` 16.04.2007թ. հասցե` Կոտայքի մարզ, Նոր Գեղի
հասցե` ՀՀ, ք. Երևան, Կոմիտասի պող.
36ա, բն.22

տնօրեն ստորագրություն կլոր կնիք տնօրեն ստորագրություն կլոր կնիք

Ա. Խաչատրյան Վ. Մարտիրոսյան

2. Թիվ ԿԴ 0404/02/13 քաղաքացիական գործի` ըստ հայցի` ՙԼոկատոր՚ փակ բաժնետիրական ընկերության ընդդեմ ՙԼուսակերտի տոհմային թռչնաբուծական ֆաբրիկա՚ սահմանափակ պատասխանատվությամբ ընկերության` գումարի բռնագանձման պահանջի մասին, վարույթը կարճել:
3. ՙԼուսակերտի տոհմային թռչնաբուծական ֆաբրիկա՚ սահմանափակ պատասխանատվությամբ ընկերությունից հօգուտ Հայաստանի Հանրապետության պետական բյուջեի բռնագանձել 14 290.4 /տասնչորս հազար երկու հարյուր իննսուն դրամ քառասուն լումա/ ՀՀ դրամ` որպես չվճարված պետական տուրքի գումար:
Վճիռը կարող է բողոքարկվել վերաքննության կարգով` ՀՀ վերաքննիչ քաղաքացիական դատարան` հրապարակման պահից մեկամսյա ժամկետում:
Օրինական ուժի մեջ մտնելուց հետո վճիռը կամովին չկատարելու դեպքում այն կկատարվի դատական ակտերի հարկադիր կատարման ծառայության միջոցովª պարտապանի հաշվին:

ԴԱՏԱՎՈՐ Տ. ՓՈԼԱԴՅԱՆ

Վճիռը չի բողոքարկվել և ՙ ՚ ՙ ՚ 2013 թվականին մտել է օրինական ուժի մեջ:

ԴԱՏԱՎՈՐ Տ. ՓՈԼԱԴՅԱՆ